Abakuk 1:4 - Wëël Jwøk

⁴ Kiper manøgø nø, ciik atïmö ni ba tïïö, ni tïm ŋøl luup ni ba thur karge. Jø raay jøøa marge beer acielge dïër, ni tïm ŋøl luup ni di wellø.

Abakuk 1:4 Iomraidhean Croise

1 Nyeye 21:13

Køøre jiy ariiø mo wïthge reyø gena öö ni pïge piny nyïme. Ni ö jøøgø ni wïthge reyø yøø ni cäänge ki luup dëër Naböth nyïm jiy ni köge, ni «Naböth Jwøk ki nyeya ajanynye.» Køøre ena put jiyi kïth wøk ŋää pääny, ni këërge gø ki kïte, ni put thøø.

Jööp 21:7

?Aperŋø ni poot jø raayi ni kwøw en, ni bëët kwøw marge cäätha nyïm, ni kwörge thuwø tïmö ni døøŋŋø døc?

Bwøth Wøk 23:2

«Kärï dwätö ki jøøa thööth ki man tïïï ki gïn mo raac. Kärï cäänö ki luubö kar løøk niï caatha køør jøøa thööth kiper nee luubö mana näk adïëri daagï.

Bwøth Wøk 23:6

«Luum ŋata can kär kaatï kar løøk.

Aydheea 5:20

'Ba otïmö ni leth jï jø wø köö ni gïn mo raac beeye gïn mo beer, ni wø köö ni gïn mo beer beeye gïn mo raac; jø wø köö ni muudhö beeye tar, ni tar beeye muudhö, jø wø köö ni gïn mo keec ŋweeth, ni gïn mo ŋweeth keec.

Aydheea 59:12

Kiper gïïa reyø na tïïø atïmö ni thööth døc nyïm Wuuö Jwøk, ni ö raayi moa tïïø ni jäälge øøni; bëëtö marø na raac nëënö jïïø, ni gïïa näk yøø bayø ŋääø;

Jeremaya 12:1

Wui, Wuuö Jwøk, ï bëëdö ni marï adïëri kany wø lööa nyïmï; 'ba ï poot pëënynya pëënynyö kiper ŋøl marï. ?Aŋø, aperŋø ni ö gïï wø tïïc jø raayi ni thurge karge jïge en? ?Na aperŋø ni ö jiyi bëët mo wø tïïö ki gïï mo reyø ki piny ni bëëtge ni bëëtö marge jööt jaak?

Jeremaya 12:6

Kiper këël nyïïmeru ki dhi øt wäru kiree atïïö ki gïï mo reyø dëërï ki piny, ni ge poot kwöŋŋö køørï døc ki nyeŋŋï. Ïïni, kär niï ŋäätha geni, këël ge doo cäänö ki luup mo beyø jïrï.»

Jeremaya 26:8

'Ba kanya løny Jeremaya ki caan luupögø jï jiy bëët, ni beege luup bëët moa ö Wuuö Jwøki na kööm eni ki gø nee caane, ena mak dïlämme ki nyïïkuk Jwøk ki jiy bëët, ni köge, ni «Ï thøw kiree!

Jeremaya 8:7

Këël ajaak ni wø määdö maal kany wø duue yie ki yi cwiir ŋääe, ni ö oluua ka agwëëi ko ojwägi ni gwøkge kar wääth marge; 'ba jiya ciik 'moa, a na Wuuö Jwøk, ba gwøkge.

Edhikiel 9:9

Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›

Odheea 10:4

Geni, ge cäänö ki luup mo oballe jaak, ni tutge ki luup, ni kööŋge bäätge ki kööŋ mo bäŋ tiere; kiper manøgønø, bëët bäŋ adïëri marge wø tuula wøk kaamar luum mo ree da cïm mo tuy yi pwödhö mo opuurö.

Amøc 5:12

Kiper päl bääyö maru, ki raay mou na thööth, ŋääa, uuni ni wø caan jøøa beyø, ni kädu ki gïï wø cïp ki piny, ni mänu jøøa can ki man jïtge ki ŋøl ma kare.

Amøc 5:7

Gïnögø otägi dëëtu, uuni ni wø wiil ŋøl ma adïëri ni tïïyu gø ni raac, ni leeŋu gïna näk kare piny.

Maak 7:9

Ni kööe jïge, «Uuna jïtö ki jöö ma wøp man kwierru mana cem Jwøki ki gø, kiper nee kööŋŋö maru gwøgu.

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

Moa Tïïc Nyïïatwieli 7:59

'Ba kanya pootge ni ge këëra Ectipen, Ectipen alämö, ni kööe, ni «Kwäärö Jecu, lwør jwïëya.»

Wëëlö Mana Göör Pøølli Baŋ Jø Röm 3:31

?Kiper manøgønø, ø weta ciik Jwøk wøk ki køør ŋäädhe man? Ba doo løny. Ø poot gwøga ciik Jwøk.

Tiet Ciik 16:19

'Ba geni, luup moa näk karge kär daaŋge; kärge jëënyö; kärge kädö ki jammi mo wø cïp ki piny, kiper jammi mo wø cïp ki piny waŋ ŋata wïïe leer di cøørø, ni daaŋ luup mo jøøa marge thïïŋ.