Abakuk 1:3 - Wëël Jwøk

³ ?Aperŋø na tïïyï aani nee gïï mo leth jooda? ?Na aperŋø na wëëgï gïï ni reyø ii tägö? Ennø, bëët aranya ki tïïc gïï mo leth ajooda; wëëye ko okiera anyaay.

Abakuk 1:3 Iomraidhean Croise

Luup Dïpööy 4:1

Køøre aana cäŋ nëënnö ni jooda tïïe moa näk mo ocaarø bëët moi ni tïïc tier cäŋ piny kany en. 'Ba ka adïëri møn, jiy moa no ocaarø, pï nyeŋge ajooda, ni ge bëëdö ni bäŋ ŋat mo cøma cwïnyge, ni teek ena ceŋ jøøa caar geni. 'Ba geni, ge na no ocaarø, bäŋ ŋat mo cøma cwïnyge.

Luup Dïpööy 5:8

Ni näk miï jïtö ki dhaanhø mo can mo di caarø yi paayø mo ŋøl ma adïëri ki bëëtö ma kare orwäänyö yie, kär cwïnyï thäŋŋö kanyo jootï gø; kiper kwäärö man nø da kwäärö mør bääte mo raŋŋa gø, ni kwääri moøgø thuwø poot da kwääri møøk bäätge mo raŋŋa ge.

Aydheea 46:12

«Cegu ïthu ki mara, u ni wïthu teek en, ni karu bäär ka adïëri.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Jeremaya 15:10

?Wui, aŋø ni ö mera ni nywøl aani yi pinyi en, ni tïma ni aana ŋat pïëm yi paani bäre en? Bäŋ ŋat mo omäyö baŋa ki jammi maa pïïdö ki gø, ni bäŋ ŋat mo aano mäyö baŋe ki jammi mo pïïdö ki aani, 'ba jiy bëët, ge bëëdö ni ceenna aani.

Jeremaya 20:18

?Aperŋø na öa wøk yi mera, naa jïta ki gïï mo leth ki kïmmö, ni thum cääŋŋe 'moa bëët ni wïïa laay en?

Jeremaya 20:8

Kiper kany wø cääna, a cäänö ni dwøra ena maal døc naa køpa gïr caannø mar jiy ki ränynyö mano tägi. 'Ba luum Wuuö Jwøk akännö bääta ka ajøøŋ ka abuua ki yïth cääŋŋe bëët.

Edhikiel 2:6

'Ba ï na wär dhaanhø, kärï lwäyö ki geni, ni ba lwäyï ki luup moo carge, këël ïïno kïth yïthakic odhäŋ ki koodhi, ni cïp ïïni yïth agarapi, kärï lwäyö ki luup moo carge, ni ba bwøk cwïnyï ki geni kanyo enï nyïmge; kiper gena jø ageem.

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

2 Piter 2:8

Kiper ŋatøgø na beer enø cwïnye na leer wø ränynyö cooth ki gïïa näk patha karge na wara tïïcge, ni wø neete ni wø wïnynye.