Abakuk 1:15 - Wëël Jwøk

¹⁵ Ge bëët, gena jwïër jø Kaldia wøk kaawat man wø jwïër rec wøk ko obïth, ni piecge geni kaawat man wø pëëö rec wøk ka ajääp bat, ni køølge geni kanya ciel kaawat man wø køøl rec ya ajääp, ni put yïthge mïnnö ni kanyge.

Abakuk 1:15 Iomraidhean Croise

Aydheea 19:8

Kanyøgønø dïbïth rec mo Naam Nail geno kïmmi; jiy bëët mo wø bïdhö ko obïïdhi cwïnyge opädhi, ni ö jiyi mo wø bïdhö ka ajääpi mo wø leeŋ ni dwatge.

Jeremaya 16:16

«Ennø, a na Wuuö Jwøk, a jääga baŋ jø maay mo thööth, ni maacge jiya kaawat man wø maac rec. Køøre a jääga baŋ jø dwaar mo thööth, ni dwarge jiya bäät kïte ki bäät thuuri ki kwöra näk gøøde yïth kïte.

Jeremaya 5:26

Kiper jiy mo reyø dage yïthakiyu, u na jiya; ge wø kurö kaawat man wø ö dïcek wenynyi ni koorge abëëbe moge. Abëëbe moge wø cekge ciiø, ni ge maaŋŋa jiy.

Jeremaya 50:11

«Wui, u na jø Babiløn na twier jap jiya, u bëëdö ni yïthu met nou kanynyø; nou pärö kaamar nyirøøa mo bïëdö yi pwöla, nou kwöŋŋö kaamar thwønh okweeny mo teek.

Edhikiel 25:6

Kiper man beeye luumma caan Kwäärö Wuuö Jwøk, ena köö, ni ‹Kiper na paŋŋu ceŋŋu ni päru ki tietu ni yïthu omïnnö nou taaga ŋööm Icriel ki cwïnynyu bäre,

Edhikiel 26:2

«Wär Dhaanhø, pääny Tayar aŋeethø bäät Jerucalem ni kööe, ni ‹Dhøk kiir mo wø duny wïth juurre yi Jerucalem ki yïthge atoor piny, ni dööŋge ni ŋaam jïra. Ennø, ena ränynyö, 'ba aani, a kwär nø.›

Edhikiel 35:15

Kiper yiï amïnnö kanya räny ŋööm Icrielli; ni bee tiere noo coola kwör dëërï en. Wui, ï na Kïn Cëër, ï ränynyö, ni bee ïïni ki ŋööm Ëdöm ki kare bäre. Køøre nø, ŋäcge ŋääö ni bee aani na Wuuö Jwøk.›

Amøc 4:2

Wuuö Jwøk akööŋ ri bëëtö mare na en kur keere, ni kööe, ni «Kare møn, da dïcäŋ mo ööa bäätu, mo u di kälö nou pieyi ka dïgäni, ni piec uuni ko obïïdhi, ni bäŋ dhaanhø mo dööŋ.

Abakuk 1:14

Ïïni jiy atïïyï kaamar rec, kaamar gïï wø muuli ki piny mo bäŋ dïbwödhi jïge.

Abakuk 2:5

Maya thuwø, køøŋø jø atöör wø di cøøgø, ni bëëtge ni ge ba jwöm. Geni cwïnyge ege daadø ni päl kaamar bwör, ni caala thøø ni wø ba köö ni ena rømø. Geni wïth juurre bëët wø lemge lemø na moge, ni ge cooŋa jiy bëët kanya ciel na moge.

Mathiew 13:19

Kany wø ö dhaanhe wø wïny luum buya käl maal ni ba kwany tier gø, ŋata raac wø öö ni juth gïna näk opiith cwïnye wøk. Manøgø caala mana näk ojør thääŋ jöö.

Mathiew 17:27

'Ba kiper nee cwïnyge ba raanynyø, ci naam ni lëëŋŋï ko obïth, ni lwørï rëëyo kwøŋï mak, ni japï dhee. 'Ba ïïno jïtï ki gwel dhee. Gwetøgø wär kälï, ni mëëgï gø geni na kara ki karï.»

Mana Nyooth 11:10

Ni ö jø wø bëëdö bäät piny ni mïn yïthge ki gïrge, ni kanyge, ni moocge dëëtge ki muuce, kiper nyïïkuk Jwøk moø na ariiø yøø na bëëtge ni caara jøøa bëëdö bäät piny.