Abakuk 1:13 - Wëël Jwøk

¹³ Ïïni, ï tøŋ, niï ba many man neenï gïn mo raac ki waŋï, ni ba løny ki man raŋŋï gïï wø tïïc ni reyø. ?Aperŋø ni neetï jø cwøk jaak en? ?Na aperŋø ni bëëdï niï lïïŋö jaak kany wø öge, ge na jø raay, ni wø thöörge jøøa näk theemma marge ni kaala geni?

Abakuk 1:13 Iomraidhean Croise

2 Camiel 4:11

Ennø møn, u na wïthu reyø, dhaanhø mo bëëtö mare beer anø 'nägu yi øde bäät pëëm mare. ?Aŋø, gïno tïïa dëëtu ba tïmö ni kadha eni ki mana tïïa dëër ŋata wääny aani? Aani kwör rem Icböcëth coola coolø dëëtu ni dïïra wïthu bäät pinyi en.»

1 Nyeye 2:32

Ni ö Wuuö Jwøki ni dwøk kwör rem jiy moa køny piny wïïe, kiper eni jiy ariiø mo beerra bëëtö marge ki mare anääe ko opëëllö, ni beege Abinër o Nër, kwääy lwaa leny mar jø Icriel, ka Amaaca o Jether, kwääy lwaa leny mo jø tuuŋ Juuda, ni wära ma Deebit bäŋ gïn ŋääe kipere.

Acther 4:14

'Ba ni näk miï bëëdö ni ïïno nikïïl ki yi cäŋ mo caala teeŋ man, køny öö ki kanymør kiper jø Juuth ni piem geni; 'ba ïïni ki dhi øt wäru othøw ni thum aŋuun bëëtö maru. Aŋa na ŋäc gø thuwø; kanymør na tïïc ïïni na gwanynyø beeye kiper cäŋ mo caala teeŋ man.»

Jööp 15:15

Ni näk Jwøk nyïïatwiet maal moe na en kur keerge käre ŋäädhö, ni këël jap maal kiree ba nëëni ni waany ki nyïme,

Jööp 21:7

?Aperŋø ni poot jø raayi ni kwøw en, ni bëët kwøw marge cäätha nyïm, ni kwörge thuwø tïmö ni døøŋŋø døc?

Jööp 24:23

Eni ge wëëge jwöm ni bëëtge no ogwøø, 'ba waŋe ena uutjïëthe moge.

Dut Pwøc 83:1

Aydheea 21:2

Luubö mo teek anyooth jïra ki yi wïïa na ennø nø: Ni ŋat wø tïïc gïï mo reyø ki piny poot bëëdö ni tïïya ge, ni ö dïräänyi ni bëëde ni poot räänyö. Wui, u na jø Ilam ki jø Mëdön, ööu maal ni cou ni cielu Babiløn dïër; Wuuö Jwøk gïïa tïïc jø Babilønni na wëëk jø møøk cooyø otïïe nee cuŋge.

Aydheea 24:16

'Ba øøni, dudi owïnynyø bäät piny bäre, mo köö, na «Ajiem en jï Jwøa beer.» 'Ba aani, aana köö, «Otïmö ni leth jïra! Otïmö ni leth jïra møn! Aana ränynyö! Jø wø tïïc gïï mo reyø ki piny, ge poot bëëdö ni ge tïïya gïï mo reyø; ni ge bëëdö ni ge cäätha maal ki tïï gïï mo reyø.»

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 64:12

Wui Wuuö Jwøk, ?aŋø, ki køør japøge bëët, ï poot bëëdö niï lïŋö niï poot meeta ajäla bäätwa?

Wëël Kïmmö 3:36

ki kany wø kaat luup bäät dhaanhø kar løøk, ?iï caarø ni Jwøk gïïögø ba neete?

Abakuk 1:14

Ïïni jiy atïïyï kaamar rec, kaamar gïï wø muuli ki piny mo bäŋ dïbwödhi jïge.

Dhekaraya 8:17

Kär dee ŋat mo tudö ki luubö mo raac kiper wati, ni ba mëërru ki man kööŋŋu ki luup tööt. Kiper aani, japøge bëët beege jap wø mäna ki ge.» Luummögø caana Wuuö Jwøki.

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Tiet Ciik 23:15

«'Ba no dee laŋŋø mo päära wøk buut kwääye ö rïŋ baŋ dhaanhø, kär dwøk baŋ kwääye.