3 Jøøn 1:4 - Wëël Jwøk

⁴ 'Ba bäŋ met ec mo daa joodø mo kaala man këët, kany wø wïnynya gø ni nyïïa caatha køør adïëri.

3 Jøøn 1:4 Iomraidhean Croise

1 Nyeye 2:4

kiper nee Wuuö Jwøk luumme mana caane kipera nee wëëk thur kare, na kööe, ni ‹Ni näk mo jiy moo käl dëërï wïthge koorge koorø ki bëëtö marge, ni bëëtge ni ge tïïya adïëri nyïma ki cwïnyge bäre, otïmö niï ba can ki ŋat pï piny bäät wälu mar jø Icriel.›

1 Nyeye 3:6

Kanyøgø, Cølöman aköö, ni «Ïïni, ïïna bëëdö niï nyøtha mëër marï na dwøŋ ni wø ba jøøl jï dhaanhnhï ma wära ma Deebit ki køør mana bëëde ni tïïya adïëri nyïmï, ni bëëdö ki bëëtö mo beer, ni cwïnye thïïŋ ki ïïni. 'Ba dïcäŋi ennø, ïïna cïpö ki wääde mo pï piny bäät wälu mare, niï poot nyootha mëër marï na dwøŋ ni wø ba jøøl jïre.

2 Nyeye 20:3

ni «Wui, Wuuö Jwøk, a kwaya ïïni, par wïïï ki mana bëëda naa caatha køørï na adïëri ki cwïnya bäre, ni tïïa ki gïï mo nëëni ni beyø ki jïrï.» Ni ö Edhekaya ni put jwöŋö døc ni yie ee keeyø.

Pwöc Leec Wïc 23:24

Wää ŋata mare beer yie wø mïnnö døc, ni ö ŋat wø nywøl nyilaal mo wïïe leer ni mïn yie ki gø.

Aydheea 38:3

ni kööe, «Wui, Wuuö Jwøk, a kwaya ïïni, par wïïï ki mana bëëda naa caatha køørï na adïëri ki cwïnya bäre, ni tïïa ki gïï mo nëëni ni beyø ki jïrï.» Ni ö Edhekaya ni put jwöŋö døc ni yie ee keeyø.

Aydheea 8:18

Raŋï, Wuuö Jwøk, eni na wïth jammi bëët ni wø bëëdö bäät Kïn Dhayan, aani ko obwöre moa cïbe jïra, wa ee cïbö na ŋïïce na nyuuthe kiper jø Icriel.

2 Körin 6:13

'Ba man, a cäänna uuni kaawat man wø cään obwöre, japu cwïnynyu jïwa thuwø.

Galeecia 2:14

'Ba na jooda geni ni ge ba cäädhi ki køør luubö mana näk adïëri na en ri luumma nyään na met, acaana jï Ciipa nyïmge bëët, ni kööa, na «Aŋø, ni näk ïïna ŋat Juuth mo bëëdö kaamar jur, niï ba bëëdö kaamar jø Juuth, juurre a diï gø maaø ki teek nidïï nee bëëtge kaamar jø Juuth?»

Galeecia 4:19

U na nyïïa, cwïnya ajïtö ki gïn mo caala mäc lwaar kiperu, këël mano tïm Krictø ni ena cwïnynyu.

1 Thecalönika 2:11

Kiper ŋäyu ni uuna köömwa døc, kaamar wuuö wø kööm nyïïe,

1 Timöthi 1:2

A göönna baŋï, ï na Timöthi, ï na wääda ma adïëri ki køør ŋäädhe. Met ec ki bäth-ec ki bëët-mëër na en jï Jwøk na näk Wuuö ki Krictø Jecu na näk Kwääyø bëëde bäätï.

2 Timöthi 1:2

A göönna baŋï, ï na wääda ma Timöthi, na mëëra ki ïïni. Met ec, ki bäth-ec, ki bëët-mëër ni en jï Jwøk na näk Wuuö ki Kwääyø ma Krictø Jecu en bäätï.

Piliman 1:10

A kwaya ïïni kiper wääda ma Onecima, ŋata tïma ni aana wänni yi øt twöc en.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

2 Jøøn 1:4

Yia amïnnö døc na jooda nyïïï møøk ni caatha køør adïëri, keda mana ö Wuue na kööm øøni.