3 Jøøn 1:10 - Wëël Jwøk

¹⁰ 'Ba ni näk maa öö, gïïa reyø ni wø tïïe ni cara nyeŋŋa ki luup mo oballe jaak, ocaana. 'Ba eni kär ŋuudö ki manøgø keere, 'ba eni ki dëëre, ena kweer thuwø ki man pänh nyïïmëëe, ni män jø wø many man pänhge geni thuwø, ni riema ge wøk ya acooŋ Jwøk.

3 Jøøn 1:10 Iomraidhean Croise

Pwöc Leec Wïc 10:10

Eni ni wø niiŋ waŋe wø duua gïï mo reyø, 'ba ŋat mo wïïe känni ni wø car oballe pätha yi ränynyö.

Pwöc Leec Wïc 10:8

Ŋat mo wïïe leer, ciik wø jïëe jïëö, 'ba ŋat mo wïïe känni ni wø car oballe pätha yi ränynyö.

Aydheea 66:5

'Ba u ni wø dëëtu kwanynyi ki lwär ki dwør Wuuö Jwøk, wïnynyu dwør Wuuö Jwøk! Ena köö, ni «Uuni, nyïïmëëgu amännö ki uuni, ni køøge uuni wøk kiper nyeŋŋa, ni köge jïïu, ni ‹Beerra man jiem Wuuö Jwøk, nee met ec maru jootwa.› 'Ba geni, wïthge poot lääö.

Luk 6:22

Gwïëth en jïïu kanyo ö jiyi noo mänge ki uuni ni kwierge uuni ni janyge uuni, ni jøøŋge nyeŋŋu kiper mana näk mo uuna bääk Wär Dhaanhø.

Jøøn 9:22

Luummögø acaan jøøa nywøl gø kiper na lwäärge ki jø Juuth. Kiper onø ŋøl jø Juuthi ni noo dee dhaanhø mo caan gø ni Jecu beeye Krictø, eni di mänö ki ööny øt acooŋ lam.

Moa Tïïc Nyïïatwieli 1:15

'Ba yïth nïrögø Piter ree athïïŋe dï nyïïmëëe moa näk bääk Jecu. 'Ba acooŋa bäre jïtö ki kar jiy ma dïpa aciel ki pïërariiø. Ni kö Piterri jïge,

2 Körin 13:2

'Ba jøøa kwøŋ bääyö dïkwøŋ ki jø møga bëët yaa nø köömmö. 'Ba a cäŋa ge köömmö ennø kany pooda naa tøør, kaawat mana caana gø jïge kanya ena dïge ri riet lïïmmö mara, ni ni näk maa cäŋa öö, ge ba wiia.

Galeecia 6:10

Kiper manøgønø, kaawat man bëëdö ni da jöö jïïø en, beerra man tïïø ki gïï mo beyø jï jiy bëët. 'Ba jøøa døø kønyø røk beege nyïïmëëe moa näk jø Jwøk.

1 Timöthi 5:13

'Ba ki køør bëëtö manøgø thuwø, ge kwänynyö ki bëëtö jaak, ni tïmge ni ge wïïrö jaak ni ge cøøa paani nø, ni cige paani nø. Ni paa bëëtö jaak keere, 'ba ge tïmö ni gena dïwääc nyeŋŋi, ni ge cøøa yïth luup jø møøk, ni ge cara gïï mo ba mïërö ki man carge ge.

2 Jøøn 1:10

'Ba ni näk da ŋat mo ööa baŋu ni ba käl pwöc moøgø, kär nou jïëya gø ki man døny paac, ni ba määthu gø.

2 Jøøn 1:12

'Ba këël na dee luup mo thööth mo gööra baŋu, a ba many man gööra gø yi warakata ki peen, 'ba yaa ŋäädhö naa ööa kuna neena uuni, ni cäänø ni ø raŋŋa nyeŋŋø, kiper nee met ec marø thur kare.

3 Jøøn 1:3

Kiper yia amïnnö døc kanya pïïc nyïïmëëe møøk na caange bëët adïëri marï, keda man caathï køør adïëri møn enø.

3 Jøøn 1:5

'Ba omëëya, manøgø beeye gïn ma wøp døc ni wø tïïyï, kany wø tïnynyï nyïïmëëe, këël na näk dëëtge kuyï,