2 Timöthi 4:17 - Wëël Jwøk

¹⁷ 'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

2 Timöthi 4:17 Iomraidhean Croise

Pwöc Leec Wïc 20:2

Lwär man wø ööi ki køør wëër mar nyeya caala lwär man wø ööi ki køør wëëc ŋuu, ni ŋat wø raany cwïny nyeya nyääga jwïëye keere.

Pwöc Leec Wïc 28:15

Ŋat mo raac mo bëëdö na kwäärö bäät jøøa can caala ŋuu man wø ŋäri, ni caal odïëk mo owär.

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Daniel 6:22

Jwøk mara nyïïatwiel maal mare ajääŋŋe ni mec dhøk ŋuuwe, ni kärge dëëra mooø ki ŋwellø, kiper aana joot ni bäŋ gïn mo yaa baaø nyïme, ni bäŋ gïn mo raac mo yaa tïïö dëërï thuwø, ï na nyeya.»

Daniel 6:27

Eni jiy di piemø ni køny geni, ni tïïe ki nyuuthe ki gïï mo rëëma ec maal ki piny, eni na piem Daniel ceŋ ŋuuwe.»

Mathiew 10:19

'Ba kany wäro kïthge uuni kwör løøe, kär dee gïn lääŋŋu kiper gïno caannu wala uuno cäänu nidïï. Kiper gïno caannu ocïp jïïu yi caannøca.

Luk 1:1

Kawaane jiy mo thööth anø tägö ki man göörge gïïa tïïc Jwøki na nø thur karge dïwa,

Luk 21:15

Kiper uuno mooa ki dhøk ki leec wïc, mo ba maar lønyø jï nyïïmännu ki man duunge uuni, wala man piemge gø.

Moa Tïïc Nyïïatwieli 23:11

'Ba na tïme na wäär, Wuuö acuŋŋö buut Pøøl ni kööe, ni «Mak cwïnyï. Kiper gïra okøpï yi Röm thuwø, kaawat mana køpï gïra yi Jerucalem.»

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

Wëëlö Mana Göör Pøølli Baŋ Jø Röm 15:31

kiper naa ba pätha ceŋ jøøa näk kär jïëy yi Judia, ni kwaayu Jwøk kiper nee gïn tïïa en kiper jø Jerucalem, nee jïëc jø Jwøki ni gïn mo beer,

2 Körin 12:9

'Ba ena köö jïra, ni «Met ec mara orømø kiperï, kiper teek mara wø thur kare ka ri jäk.» Kiper manøgønø, yia met døc ki man tööda kiper jäk mara, kiper nee teek Krictø tïme ni bëëdö bääta.

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

1 Timöthi 1:12

'Ba a wø dwøga met yia baŋ Krictø Jecu na näk Kwääyø, ŋata wëëk aani tëënnö, kiper mana caar aani, ni aano rømø ki man ŋäädhi, kanya jier aani ni kïth a yi tïïc mare,

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.

2 Timöthi 2:9

ni beeye luummögø na nyään na met ni jwøra gïï ni leth ii kipere, ni aano twöö ko oguudi kede aana kuu. 'Ba luum Jwøk patha otwöö.

2 Timöthi 3:11

ni caannø mara ŋäyï, ki gïïa leth na jwøra, ki gïïa pïï dëëra yi Antïëk, ki yi Ayköniem, ki yi Litara, a teeŋ caarø mo nyïëdi na maa cwïnya ki gø. 'Ba Wuuö aana pieme yïth gïïögø bëët.

2 Timöthi 4:5

'Ba ï ki dëërï, bëëdï karï cooth, ni cwïnyï iï maa ki gïï wø leth, ni tïïyï tïï ŋat wø køp luum Jwøk, nee tïïc marï put thur kare.

Tayta 1:3

Ni beeye na nyooth kawaane kanya näk kare ki køør dwøre, ki køør luumma wëëk aani ni køba kiper mana ö Jwøki na näk Pïëmi marø na kööm aani.

Ibaru 11:33

jøøa dïïm mïëc nyeye ki køør ŋäädhe, na ŋøl luup ki ŋøl ma adïëri, na joot gïïa buuk, na mec dhøk ŋuuwe,

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.

2 Piter 2:9

'Ba ni näk eni na Wuuö gïïögø ee tïïö bëët, ŋääe ki man piem jø wø wøør Jwøk ki gïï wø pääny geni, ni maa jøøa reyø kar pöödö këël dïcäŋo ŋøl luup yie.

1 Camiel 17:37

Ni cäŋ Deebiti köö, ni «Wuuö Jwøk na piem aani cer ŋuu ki cer teeŋ cwieny mør, eni a pieme piemø cer nyï Pilitin manøgø.» Kanyøgønø, Cøøl aköö jï Deebit, ni «Wøp nø, ïïno cii; 'ba Wuuö Jwøk obëëdö ki ïïni.»