2 Timöthi 4:1 - Wëël Jwøk

¹ A köömma ïïni nyïm Jwøk ki Krictø Jecu, ŋato ŋøl luup jøøa kwøw ki moa näk othøw kanyo ööe noo këël buye piny,

2 Timöthi 4:1 Iomraidhean Croise

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Luk 19:12

Kanyøgø ena köö, ni «Da nyen mør mo käla dhi øtø mo beer, mo oci paac mør mo kare bäär kuna røønyi na nyeya nee duue.

Luk 19:15

«'Ba kanya duue no orøønyø na nyeya, ena cïpö ki dwøl nee laaŋe moa mooe ki gwel nee cwøl jïre, kiper nee buua moa jootge ri gath ŋääe.

Luk 23:42

Ni kööe, ni «Jecu, wär a lääŋŋï kanyo ööï ni ïïna nyeya mo teek.»

Moa Tïïc Nyïïatwieli 10:42

Ni kööm waani ki man køpwa luummi jï jiy, ni caanwa gø ni beeye eni na jier Jwøki na ŋato ŋøl luup piny mo jøøa kwøw ki mo jøøa näk othøw.

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

Wëëlö Mana Göör Pøølli Baŋ Jø Röm 2:16

Ni ge cädö ni kanymør ge di jäälö wala ge di ŋunnö dïcäŋöca, kanyo ö Jwøki noo ŋøl luup jiy piny moa näk ege kanø, ki køør Krictø Jecu, kaawat man wø en ri luumma nyään na met ni wø køba.

Köløcia 3:4

'Ba kanyo ö Krictø, ŋata näk kwøw marø, noo nyooth ree, uuni thuwø, dëëtu onëëni ki eni na aciel ka ajiem.

2 Thecalönika 2:8

'Ba kanyøca nø, Ŋata raac oneen. 'Ba eno 'näk Kwäärö ma Jecu ki jam dhee, ni raany gø, kanyo ööe noo nëëne.

1 Timöthi 5:21

'Ba a köömma ïïni nyïm Jwøk, ki nyïm Krictø Jecu, ki nyïm nyïïatwiet maal na näk ojierø, ki man gwøgï luup moi ii, ni bäŋe ŋat mo pere letha eni jïrï, ni luummï aciel kiper jiy bëët.

2 Timöthi 1:10

na nyooth kawaane kiper mana joot Pïëmi marø ma Krictø Jecu, ŋata raany thøø ni käl kwøw, ni beeye kwøw mana näk adïëri mo bäŋ cuŋŋe, ni tïïc gø ni nëënö ki køør luumma nyään na met.

2 Timöthi 2:14

Par wïthge ki gïn, ni köömmï geni nyïm Jwøk, ki man kwierge pïëm tiet luup ni wø bäŋ gïn mo joot rege, 'ba beeye ränynyö keere jï jø wø wïny gø.

2 Timöthi 4:18

'Ba Wuuö aano pieme yïth gïïa reyø bëët, ni gwøk aani kiper buye na en maalø. Ajiem en jïre këël na bäre bäre. Enøgønø.

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Piter 4:5

'Ba marge opëëny ŋata näk ree ee jiiø ki man ŋøl luup jøøa kwøw ki moa no othøw.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

2 Piter 1:11

'Ba uuno wëëk jöö mo päl man dønynyu yi buya näk bäŋ cuŋŋe mar Kwääyø na näk Pïëmi ma Jecu Krictø.

2 Piter 1:17

Kiper kanya ö eni na wëëgi wøør ka ajiem mana käl baŋ Jwøk na näk Wuuö, kanya ö dwøra öö ki baŋ Kwääy ajiem na bäŋ teeŋe na caan gïn kipere, ni «Man beeye Wääda, ŋata mëëra ki gø, na met yia ki mare,»

1 Jøøn 2:28

'Ba kawaane, u ni therø, bëëdu ree, kiper kanyo ööe nee cwïnynyø dee ŋäädhe, ni ba kwalø dëëtø ki eni ni wïthø olää ki öönynye.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.