2 Timöthi 3:6 - Wëël Jwøk

⁶ 'Ba dïge da jiy mo wø duunyö yïth mïëri, ni maaŋge wïth mään mo cwïnyge cwøk, na näk cwïnyge opäŋ ki raay, ni wïthge onoot gïïa reyø ni wø many cwïnyge,

2 Timöthi 3:6 Iomraidhean Croise

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Mathiew 11:28

«Ööu baŋa, u na näk ööl bëët ki gïï wø tïïyu ki gïïa peek ni wø kääru ki cwïnynyu; uuno mooa ki jwömö.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 4:24

Kanyøgønø, gïre awïnyö dï Ciria bäre, ni kälge jiy bëët moa tuu baŋe, jøøa no omaaŋ täwe ma teeŋi ki ŋwiili ma teeŋi mo rämö, ki jøøa dëëtge da anäge, ki jøøa dëëtge da cet, ki moa näk obäp. Ni køny geni.

Maak 4:19

'ba jap piny ni wø lääŋŋi, ki mëëc kwär, ki many jammi møga wø cøøa yie, ni bøøcge luubö, ni ba jïtge ki nyeŋ.

1 Körin 12:2

Kiper ŋäyu ni kanya bëëdu ni luum Jwøk kuyu, wïthu amaaŋŋi ki uutjïëthe møøk ma teeŋi, ni wøørru gïï wø lam ni wø ba cäänö.

1 Timöthi 5:6

'Ba cï thøø man wø ba kïïn gïr cwøre, eno thøw këël na bëëde ni kwøw.

1 Timöthi 6:9

'Ba jø wø many man tïmge no okwär, wø pätha jöör päänynyö ya abïëp, ni tïmge ni ge manynya gïï mo oballe jaak mo raanynya geni, ni beege gïï wø käl rääö ki ränynyö dëëtge.

Tayta 1:11

Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

2 Piter 3:17

Kiper manøgønø, omëëya, na tïme ni gïn ŋäyu kany poode en, gwøgu røgu, kiper nee wïthu ba maaŋ cwøk jø wø bääö, ni tïmu nou dääŋö.

Juut 1:16

'Ba jøøgø gena jø gwön ni bäŋ gïn mo pwøcge, ni ge caatha køør gïïa reyø ni wø nieŋ cwïnyge køørge, ni dhøkge päŋ ka atöör, na jø wø mwøth jiy kiper nee ge jïtge ki jammi.

Juut 1:18

Acaange jïïu, ni köge, ni «Noo tïme na aŋuun nïne da jø abuua mo öö, jøw ocaath køør gïïa reyø ni wø ba en jöör Jwøk ni wø nieŋ cwïnyge køørge.»

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.