2 Timöthi 3:2 - Wëël Jwøk

² Kiper otïmö ni ŋati man nø mëër ka ree, ni jiy mëër ka jammi, ni ge töödö, ni ge koorrø, ni dhøkge ŋaam, ni wïthge teek ki jøøa nywøl geni, ni bäŋ met ec mo maarge dwøgø, ni luum Jwøk kucge.

2 Timöthi 3:2 Iomraidhean Croise

Dut Pwøc 52:1

Pwöc Leec Wïc 6:17

beege nyeŋŋi mo raŋa jiy piny, ki leep ma twöt, ki ceŋ mo wø køny rem jøøa beyø piny,

Aydheea 10:15

?Aŋø, ley ŋwöö kiper dëëre bäät ŋat wø ŋudö ki gø? ?A gïr ŋøl ko opämi, dëëre wø jieme jiemø bäät ŋat wø ŋudö ki gø? Manøgø patha gïn mo tägö; tïmö ni caala man ö athøra ni kwany dhaanhø ni wø kwany gø, wala caala man ö athøra ni tïŋ dhaanhø maal na näk patha jaath.

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 7:25

Ni cääne ki luup dëër Jwøa Dwøŋ ni en Maal, ni dïïm jiy moe, Eni na dwøŋ ni en maal, ni cäde ki man wiil kwöra wäŋŋi ki ciik, ni ö jic Jwøk ni cïbi cere ki cwiiri adäk ki thääŋö.

Mathiew 15:6

Kiper manøgønø, u raanynya luum Jwøk kiper kööŋŋö maru.

Luk 12:15

Ni kööe jïge, «Caarru wïthu ni gwøgu rou ki bëët päl cwïny bäre. Kiper dhaanhø bäŋ wø kwøw kiper jammi na thööth jïre.»

Luk 16:14

'Ba jø Paricith na mëër ki jammi, moøgø bëët awïnyge, ni buuge gø.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

Moa Tïïc Nyïïatwieli 5:36

Kiper nïr acääŋŋe Thuda ree athïïŋe ni døøc dëëre mo dwøŋ. Ni ö jiyi mo jïtö ki kar dïpe aŋween ni cige dëëre. 'Ba ena 'näk, ni ö jøøa cäädhö køøre ni keethge, ni tïm gïnöca ni bäŋgø.

Wëëlö Mana Göör Pøølli Baŋ Jø Röm 11:18

kärï töödö bäät bäätögø. 'Ba ni näk miï töödö, wär ŋäyï ni patha ïïni ni piem lweet jaadhøgø, 'ba beeye lweet jaadhøgø ni wø piem ïïni.

2 Körin 5:15

'Ba ena thuunh jiy bëët, kiper nee jøøa kwøw bëënge eni na thøw kiperge ni tïŋi maal, ni ge ba bëën dëëtge këët.

Pilipay 2:21

'Ba jiy møga atïmö ni ge ŋäya dëëtge keerge, ni paa moa näk mo Jecu Krictø.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

1 Timöthi 1:20

'Ba jøøgø beege Aymeneea, ki Alekdhander, jøøa cïba jï Ceethan kiper nee ŋäcge møn ni ba doo beer jïge ki man bëëtge ni dhøkge reyø.

1 Timöthi 1:9

Ni ŋääø ni ciik Jwøk bäŋ wø caan kaper jøøa beyø, 'ba wø caan kaper jø wø wïnni na wïthge teek, ki jø wø kuc Jwøk, ki jø raay, ki jø wø bäŋ gïn wøørge ni wø taak mo Jwøk, ki jø wø nääŋ wëëkge ki mëëkge, ki jø wø nääŋ jiy jaak.

1 Timöthi 3:3

ni patha ŋat meeye, wala ŋat lenye, ni ba wëëyi, 'ba eni doo mwöl, ni cwïnye ba päl ki jammi.

1 Timöthi 6:10

Kiper mëëc jammi beeye wø käl teeŋ raay bëët. Ni beeye päl cwïny kiper jammi na tïm jø møøki ni geno gaa wøk ri ŋäädhe, ni raanyge cwïnyge ki luup mo thööth mo leth.

1 Timöthi 6:4

ŋatøgø päŋŋa cwïnye ka atöör, ni bäŋ gïn ŋääe. Eni wïïe raac no okadhø ki pïëc, ni yie met ki pïëm tiet luup, ni wø käl gwön, ki wëëye, ki waac nyeŋ, ka adïëde mo reyø,

2 Timöthi 3:4

na jø abuua, ni gena köönynye, ni cwïnyge päŋ ka atöör, ni ge mëër ka jap dëëtge ni ge ba mëër ki Jwøk.

Jeemeth 2:8

'Ba ni näk mou tïïya ciik Jwøk møn na caal ciik nyeya keda man en yi wëël Jwøk, «Mëërï ki ŋat mør kaawat man wø mëërï ki dëërï,» nou tïïyu gø na enøgønø, u tïïya gïna beer na doo tïïö.

Jeemeth 4:16

'Ba maru atïmö na atöör ni bäŋ gïn mo ŋäyu. 'Ba teeŋ atöör manøgø bäre raac.

Jeemeth 4:6

'Ba eni wø cïpö ki met ec mo päl. Ni beeye ni wø caan, ni «Jwøk män ka jø atöör, 'ba met ec wø wëëge jøøa mwöl.»

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.

2 Piter 2:10

Ni kadha jø wø rïïŋi køør gïïa reyø ni wø nieŋ cwïnynyi køørge røk, ni wø taak teek Jwøk. 'Ba kiper na bäŋe gïn mo wøørge ni cwïnyge teek, ge ba lwäär ki man janyge moa jïge da ajiem maalø.

2 Piter 2:12

'Ba geni na caal lääy na bøøre, gïïa näk ocwääö ni wø caath køør gïï wø ŋäcge ki cwïnyge, na nywöli kiper nee maaŋŋi ni nääŋŋi, ge buua gïï mo kucge, 'ba geno ränynyi ki geni ciel kanyo raany geni,

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

Juut 1:16

'Ba jøøgø gena jø gwön ni bäŋ gïn mo pwøcge, ni ge caatha køør gïïa reyø ni wø nieŋ cwïnyge køørge, ni dhøkge päŋ ka atöör, na jø wø mwøth jiy kiper nee ge jïtge ki jammi.

Mana Nyooth 13:1

Ni neena Lääy mør mo ööa maal ki dï naama dwøŋ, mo wïthe abïriiø, ni wïthe da tuŋi apaar, ni wïth tuge da adude apaar, ni nyeŋ mo raac døc mo janynya Jwøk ogöör wïthe.

Mana Nyooth 16:11

Ni janyge Jwø maal kiper dëëtge na rämö ka atwøt. Ni kärge cwïnyge løø yïth gïïa tïïcge.

Mana Nyooth 16:21

Ni ö peyi mo døøŋŋø døc, mo peek mar man nø jïtö ki kïïle ma pïëraŋween, ni pänhge bäät jiy ki maal, ni tïm jiyi ni ge janynya Jwøk kiper gïr räny piny mar pey. Kiper gïr räny piny manøca dwøŋ døc.

Mana Nyooth 16:9

Ni ö jiyi ni waaŋ geni ki jam maaagø na lïëth døc. Ni janyge nyeŋ Jwøk na en luum jap räny piny moøgø cere, ni kärge cwïnyge løø ki man jiemge eni.