2 Timöthi 3:16 - Wëël Jwøk

¹⁶ 'Ba wëël Jwøk bäre göör ka dwør Jwøk, ni beer kiper pwöc, ki jook dhaanhø, ki twieny bëëtö, ki pwöny røk ki moa beyø.

2 Timöthi 3:16 Iomraidhean Croise

2 Camiel 23:2

«Jwïëc Wuuö Jwøk aö bääta ni cääne ki raa, ni tïm luupe ni ena dhaa.

Neemiya 9:20

Ni ö jwïëy moï na beyø ni bëëde bäätge ni pwönynya geni, ni ö møø marï mana cwøl ni meena ni kärï gø paanyø dhøkge, ni mooyï geni ki pïï kiper riew marge.

Pwöc Leec Wïc 15:10

Pwöc mo leth oen bäät ŋat wø kwier jöör adïëri, ni ŋat wø män ki juuk, thøw.

Pwöc Leec Wïc 15:31

Ŋat wø wïny juuk man wø duunni ki kwøw wø bëëdö dï jøøa wïthge leer.

Pwöc Leec Wïc 6:23

Kiper ciik caala lamba, ni ö pwöci ni caal tar, ni ö juuki mo ree da pwöc ni caal jöör kwøw;

Mikiya 2:7

?Wui u na nyïïkwaac Jeekap, aŋø, manøgø beeye gïn mo doo caanø, na «?Aŋø, Wuuö Jwøk atïmö ni cwïnye ba cïp piny? ?Teeŋ gïnögø dee tïïö?» 'Ba mar Wuuö Jwøk beeye en, ena köö, ni «Luup 'moa wø beyø kaper jøøa marge thïïŋ.

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Mathiew 21:42

Kanyøgø Jecu aköö jïge, na «?Aŋø, luubö man käru kwaanø yi wëël Jwøk? Acaan wëël Jwøki, «ni ‹Kïdi mana kwier dïgëëte, atïmö na kïn gøøt mana pere letha eni na mak øtø. Ni gïnögø tïïya Wuuö Jwøki, ni beeye gïn mo rëëma ec ki nyeŋŋø.›

Mathiew 22:43

Ni kööe jïge, na «?Aperŋø nø, na cwøli ya Deebiti ni Kwäärö ki køør mana nyooth Jwïëc Jwøki jïre, kanya caan gø,

Mathiew 26:54

?'Ba ni näk mo beeye enøgønø, weet Jwøk moa köö ni gïn tägi en doo tägö na enøgønø, a dege thur karge nidïï?»

Mathiew 26:56

'Ba gïnögø bäre tägi kaper nee luupa göör nyïïkuk Jwøki thurge karge.» Kanyøgø bääŋi bëët Jecu awecge ni reŋge.

Maak 12:24

Ni kö Jecu jïge, na «?Aŋø, patha gïn en na wëëk u rwäänyö ki jöö, kiper mana kuyu weet Jwøk, ki teek Jwøk bëët?

Maak 12:36

Kiper Deebit ki dëëre ena cäänö ki køør mana nyooth Jwïëc Jwøki na en kur keere, ni kööe, «ni ‹Wuuö Jwøk aköö jï Kwääya, ni «Pï bäät cwïïa, këël mano cïba nyïïmännï tietï.» ›

Jøøn 10:35

?Ni näk jøøa ö luum Jwøki baŋge ee cwølø ni juu, ni moa en yi wëël Jwøk ba maar dhal,

Jøøn 3:20

Kiper jiy bëët mo wø tïïc gïïa reyø, ge män ki tar, ni ge ba ö yi tar, kiper nee gïïa tïïcge nee rege ba nyoothge.

Moa Tïïc Nyïïatwieli 1:16

«Nyïïmera, wëël Jwøk manynya gø nee thur kare, kaa mana kwøŋi ya Jwïëc Jwøki na en kur keere caan ki dhi Deebit, ni caan kaper Juudac na näk dïnyuudhi jï jøøa mak Jecu.

Moa Tïïc Nyïïatwieli 18:25

ni eno pwönynyö ki jöör Wuuö. 'Ba kiper na en cwïnye køør gø, eni wø cäänö ni pöö ka luum Jecu døøc na karge, këël na ŋäc lwøk mar Jøøn keere na nyuudhi.

Moa Tïïc Nyïïatwieli 20:20

Ni kära lwäyö ki man køba jammi bëët jïïu moa doo beyø kiperu ki man wïnynyu gø. Ni pwönynya uuni nyïm jiy bëët, ni cäŋa pöö naa cøøa yi ødi nø ki ødi nø,

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

Moa Tïïc Nyïïatwieli 28:25

Køøre na jït dïge ki pïëm gena aay, køør luumma näk aciel na caan Pøølli, na kööe, ni «Jwïëc Jwøk na en kur keere mare adïëri na caan gø jï kwäyu ki dhi nyikuŋ Jwøk ma Aydheea, na kööe,

Wëëlö Mana Göör Pøølli Baŋ Jø Röm 15:4

Kiper gïïa kwøŋ göör nïr acääŋŋe, göör kaper nee ø pwönyge, nee ø jïtö ki ŋäädhe ki køør tëënnö ki cøm cwïny man wø joodø yïth weet Jwøk.

Wëëlö Mana Göör Pøølli Baŋ Jø Röm 2:20

na dïtiit luup mo jøøa bäŋ wïdhi, na dïpööy mar obwöre, ni moa doo ŋäc dhaanhe, ki mana näk adïëri, iï joodø ri ciik Jwøk,

Wëëlö Mana Göör Pøølli Baŋ Jø Röm 3:2

Oduunnö møn ki yïth luup bëët. Mana dïkwøŋ beeye ni jø Juuth luup moa caan Jwøki awëëk geni.

Wëëlö Mana Göör Pøølli Baŋ Jø Röm 4:23

'Ba luupögø na køp, ni «Ena jïëc ni mare beer,» kär göörö kipere keere,

1 Körin 12:7

Ni ŋati man nø onyuunh Jwïëc Jwøki ki muuy, kiper jiy bëët nee bëënyge.

Galeecia 3:8

'Ba wëël Jwøk, na ŋäc gø cøøn dïkwøŋ ni juurre jïëc Jwøki jïëö ni marge beer ki køør ŋäädhe, luumma nyään na met akwøŋ køp jï Eeberam, ni kööe, ni «Beeye ïïni noo gwïëth wïth juurre bëët ki køørï.»

Tiet Ciik 29:29

«Da luup mo tietge okanø mo ŋäya Wuuö Jwøki keere, 'ba luup bëët mo ciik moi na näk tietge ee nyuth øøni ko obwöre 'moø beege 'moø na bäre bäre, kiper nøø bëëdö ni ø gwøga ge.

Tiet Ciik 4:36

Ena cäänö ni eni ena maal, ni wëëk uuni wïny dwøre ni pwönynya uuni; ni nyooth maac mare na dwøŋ jïïu, ni wïnynyu luup moe ki dï maac bäät piny.

2 Timöthi 2:25

na ŋat wø pwöny jøøa wïthge teek ni eni mwöl, ni kanymør geno wëëk Jwøki løk cwïny, ki man ŋäcge adïëri,

2 Timöthi 4:2

ki man køpï luum Jwøk cooth ki cwïnyï bäre, kany wø näk ma kare, ki kany wø näk mo patha kare, niï cøga jiy, ni joogï geni, ni köömmï ge, ni pwöc marï ba weyï, niï ba jøøm.

Ibaru 11:1

'Ba ŋäädhe beeye wø tïïc jap wø ŋääth yi nyïm ni ŋäc na adïëri, ni nyøtha jammi mo wø näk ba nëëni, ni nutö.

Ibaru 3:7

Kiper manøgønø, kaawat mana caani ya Jwïëc Jwøki na en kur keere, ni «Dïcäŋi, noo wïnynyu dwøre,

Ibaru 4:12

Kiper luum Jwøk beeye gïn mo kwøw ni tïïö, ni betha eni ko opëëllö mo lage ariiø, ni cööbö këël man wø pääŋ kwøw ki jwïëy, ki mut ki maar cuu, ni ŋäya acaany cwïny ki mo wø many cwïnynyi.