2 Timöthi 3:14 - Wëël Jwøk

¹⁴ 'Ba ïïni ki dëërï put bëëtö ki køør gïna kwanyï na jïëyï døøc ki cwïnyï bäre, niï lääŋŋa jøøa kwanyï gø baŋge,

2 Timöthi 3:14 Iomraidhean Croise

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

Wëëlö Mana Göör Pøølli Baŋ Jø Röm 14:5

Ŋat mør cäŋ mør wø caare caarø ni beerra eni ki cäŋ maya. Ni ö ŋat mørri ni caar cääŋŋe ni röömi bëët. 'Ba wär ŋäc ŋati man nø ki cwïnye døøc.

Köløcia 2:2

Kiper a doo naa manynya geni man jïtge ki cøm cwïny, kaawat mana kuutge bëët ki mëër, nee gïna näk tiere okwøŋ Jwøki kan, na näk beeye Krictø, nee kwanyge ki pälle bäre, ni ci cwïnyge døøc,

1 Thecalönika 1:5

Kiper luumwa na nyään na met kär ö baŋu na luubö keere, 'ba aöö ki teek thuwø ki ri Jwïëc Jwøk na en kur keere, na caanwa na gïn mo ŋäcwa døøc. Ni ŋäyu gø ki man näk a teeŋ bëëtö mo nyïëdi na beetwa dïïu, na kønywa uuni.

1 Thecalönika 2:13

Ni beeye wø pwøcwa Jwøk cooth thuwø, kiper kanya wïnynyu luum Jwøk baŋwa, aputu jïëc ni beeye luum Jwøk, ni näk adïëri møn, ni patha luum jiy jaak, ni beeye ni tïïö cwïnynyu, u na jïëy.

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

2 Timöthi 1:13

Caath køør luum pwöc mana näk adïëri na wïnynyï baŋa, niï caatha køør ŋäädhe ki mëër na en ri Krictø Jecu.

2 Timöthi 2:2

'Ba mana wïnynyï baŋa buut jøøa thööth na wïny gø, wär wëëk jiy mo iï ŋäädhö mo maara lønyø jïge ki man pwönyge jiy møøk thuwø.

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

Tayta 1:9

Ni eni doo maga luumma näk adïëri keda mana pwönynyi ki gø, kiper nee tïme ni maara pöö ki pwöc ma adïëri, ni pïëme ki jø wø taak pwöc moe thuwø.

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Ibaru 6:11

Ni wa manynya man ö ŋati man nø dïïu, ni put cwïnye cïp køør ŋäädhe mare mar yi nyïm ki teeŋ jöörögø, ni put gø ŋäc na adïëri ki kare bäre, këël cuŋŋe,