2 Timöthi 2:9 - Wëël Jwøk

⁹ ni beeye luummögø na nyään na met ni jwøra gïï ni leth ii kipere, ni aano twöö ko oguudi kede aana kuu. 'Ba luum Jwøk patha otwöö.

2 Timöthi 2:9 Iomraidhean Croise

Luk 23:32

'Ba da jiy ariiø møøk thuwø mo da gïï mo ege baa, mo okïth wøk nee 'näk ki eni ciel.

Moa Tïïc Nyïïatwieli 21:33

Kanyøgø kwääy dïkuye acøø ni mak gø, ni cïpe ki dwøl, ni eni twöc ko oguudi ariiø. Ni pëëe, ni ena ŋa, na agïnaŋø na tïïe.

Moa Tïïc Nyïïatwieli 28:31

Ni køp gïr buc Jwøk, ni pööe ki luum Kwäärö ma Jecu Krictø ni wïnyö jaak ni bäŋ ŋat mo omän gø.

Moa Tïïc Nyïïatwieli 9:16

'Ba eno nyutha gïï mo thööth mo jwøre jwørø kiper nyeŋŋa.»

Epeca 3:1

Ni beeye na ööa, a na Pøøl, na tööny Krictø Jecu kiperu, u na juurre.

Pilipay 1:17

'Ba jø gwön ki jø pïëm moøgø, gïr Krictø wø køpge kaper dëëtge keerge, ni yïthge da atade, 'ba ege caarø noo lïnhnhi jïra, a ni en øt twöc en.

Pilipay 1:7

Wøp jïra ki mana caara gïnögø kiperu bëët. Kiper gïru ena cwïnya u bëët, kaawat mana dwätu ki aani ri met yi Jwøk, këël ki yi twöc mara, ki piem luumma nyään na met nee cuŋŋe ni teek.

Köløcia 4:18

'Ba määdhe man en, gööra aani ki cera kiree, a na Pøøl. Caarru gïr tiimme ni en cera en. Met yi Jwøk bëëde bäätu.

Köløcia 4:3

Ni lämu kiperwa thuwø, kiper nee wa jäm Jwøki ki jöö man køpwa luum Jwøk ki gø, ni køpwa gïr Krictø na näk tiere okwøŋ kan, ni beeye gïn twöc aani kipere en.

1 Thecalönika 1:8

Kiper patha jø Macedönia ki jø Akeea keerge na wïny luum Wuuö baŋu, 'ba luum ŋäädhe maru na ŋääthu Jwøk, apööth kany mo bäär, ni bäŋ gïn mo caanwa kipere këët.

2 Thecalönika 3:1

'Ba mana dööŋ keere nø, nyïïmera, lämu kiperwa, nee luum Wuuö nyaae døc ni di jiemø, keda mana täge dïïu,

2 Timöthi 1:12

Ni beeye ni jwøra gïï ni leth ii. 'Ba wïïa ba doo lääö, kiper ŋata ŋäädha ŋääa, ni ŋääa ni løny jïre ki man gwøk gïna wëëga eni këël mano këët cäŋöca.

2 Timöthi 1:16

'Ba bäth-ec mar Wuuö en bäät po Onecipera, kiper aana kønye kwöre mo thööth. Ni wïïe kär lääö ko oguudi 'moa.

2 Timöthi 1:8

'Ba kär wïïï lääö nø, ki man nyoothï riï kiper Kwääyø, wala kipera, a na tööny eni. 'Ba lwør kurï ri gïïö ni leth yøø, kiper luumma nyään na met, ki køør teek man wø cïp Jwøki jïrï,

2 Timöthi 2:3

Lwør kurï ri gïï wø leth, ni ïïna ŋat leny ma wøp mar Krictø Jecu.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.

1 Piter 2:14

wala noo näk kwääri mo atude mo ööi ka dwøre kuna jäälge jøøa näk obääyö, ni pwøcge jø wø tïïc gïï mo beyø.

1 Piter 3:16

Weyu cwïnynyu ni leer, kiper kany wø jany uuni, nee jø wø jany bëëtö maru na beer ki ri Krictø, nee wïthge lääge.

1 Piter 4:15

'Ba kär dee dhaanhø mo jwør gïï mo leth kiper mana näk mo ena dïnääy, wala ena kuu, wala ŋat mo tïïya teeŋ raay møga, wala ŋat wø kïth ree yi luum dhaanhø mør.