2 Timöthi 2:26 - Wëël Jwøk

²⁶ nee bøthge ki ya abïëp mar anägö, na kwøŋ ge peec kiper nee mana manynye tïïcge.

2 Timöthi 2:26 Iomraidhean Croise

Jööp 1:12

Køøre Wuuö Jwøk aköö jï Ceethan, «Wøp nø, jammi moe bëët ena cerï, 'ba kär dee gïn gutï ri dëëre.» Ni ö Ceethan ni aae nyïm Wuuö Jwøk.

Jööp 2:6

Køøre Wuuö Jwøk aköö jï Ceethan, «Wøp, tïïc gïna manynyï jaak dëëre, 'ba jwïëye keere kär gutï.»

Aydheea 28:13

Kiper manøgønø, dwør Wuuö Jwøk mano caane kiperge otïmö ni bee en, «Tïïyu gïn, ni tïïyu gïn, gwøgu ciik man, ki ciik man; nyi luubö mo thiinh en, maya ice.» Kanyøgø geno aay, ni päänhge no otaare, ni tøcge, ni päthge ya abïëp, ni mak geni ki tøŋ.

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Aydheea 8:15

'Ba mo thööth tietge ocwanyge ri kïnnögø, ni päthge ni tøcge; ni ö møøki ni mak geni ka abïëp.

Luk 11:21

Kany wø dee dhaanhø mo teek mo cere da tøŋ mo koora paare, jape ba ränynyi.

Luk 15:17

'Ba na caar wïïe ni pëëny dëëre keere, ena köö, na ‹?A jø tïïc adïï ni en jï wära ni jïge da cam mo päl mo dhäthö, ni thøøa ki käc kany en?

Luk 5:10

Këël Jeemeth ki Jøøn wäät Dhebedi, na näk jø wø bïdhö ki Cayman, gena bwøk thuwø. 'Ba Jecu aköö jï Cayman, ni «Kärï lwäyö. Køør man ennø, ïïno tïmö na dïbïth jiy.»

Jøøn 13:2

'Ba kanya pootge ni ge ena kar cam, na anägö gïn mør ee nø kïth cwïny Juudac Ickarïët na näk o Cayman nee Jecu cïbe ceŋ nyïïmänne,

Jøøn 13:27

'Ba køør møgøgø, Ceethan aput døny cwïnye. Ni kö Jecu jïre, «Gïno tïïyï, laar tïïc nø.»

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Moa Tïïc Nyïïatwieli 5:3

'Ba Piter aköö, na «?Ananaya, aŋø ni ö Ceethanni ni pääŋ cwïnyï en, ki man cäänï ki tööt jï Jwïëc Jwøk na en kur keere, ni kanï thäŋ gwet pwödhö en?

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

2 Körin 2:11

kiper nee ø ba bööt Ceethanni. Kiper atade moe paa gïï mo kuuø.

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Köløcia 1:13

Ni beeye eni na käl øøni wøk ki yi teek muudhö, ni kïth ø yi buc Wääde na mëëre ki gø.

1 Timöthi 1:20

'Ba jøøgø beege Aymeneea, ki Alekdhander, jøøa cïba jï Ceethan kiper nee ŋäcge møn ni ba doo beer jïge ki man bëëtge ni dhøkge reyø.

1 Timöthi 3:7

'Ba wär tïme na dhaanhø mo ŋäc jøø ni en wøk yøø ni bëëtö mare beer. Kiper kanymør eni jïtö ka ajøøŋ, ni päth ya abïëp anägö.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.