2 Timöthi 2:21 - Wëël Jwøk

²¹ 'Ba ni näk dhaanhø dëëre ee jiiø ni wec gïna näk ba mïërö, eni doo tïmö ni caala dak mar tïïa mïërö, no ocïp kur keere ni pere leth døc jï wää paaci, no ojiiŋŋø kiper tïïe moo beyø.

2 Timöthi 2:21 Iomraidhean Croise

Aydheea 1:25

'Ba aani da gïn mo tïïa tïïö dëërï thuwø, ï na Jerucalem, gïïa reyø dëërï na caal apøk nyal, twöna wøk, kaawat man wø ö apøk nyalli mo wø en dëër nywïënyö wø twöni wøk kany wø leeny nywïënyö ki maac. Gïïa reyø bëët moa en dëërï käla wøk.

Aydheea 52:11

'Ba u ni wø käär jap Wuuö Jwøk na en kur keerge, aayu, aayu, daagu rou kaagø! Kär dee gïn mo gutu mo ba waany! Dønynyu wøk ki yi paanøgø, ni døøyu dëëtu mo waany.

Jeremaya 15:19

'Ba mana løk Wuuö Jwøki jïra beeye en, ena köö, «Ni näk ma acaara manøgø wiilï wiilø, aani, ï dwøga bäät tïïc marï, ni tïnynyï aani. Ni näk miï jiera moa perge leth ni weyï moa no oballe, ïïni, ï bëëdö na kar dhøk mara. Ni ö jiyi ni luuge rege baŋï, 'ba ï ba doo luga baŋge.

Milkiya 3:3

'Ba eni, eno bëëdö ni caala ŋato leeny gwel-bïrö ni twøn gø; ni ö eni ni tïïc nyïïkwaac Libay ni waany, keda man wø twøn warkey wala gwel-bïrö, ni twøn ka maac, kiper nee ge cïpge ki muuce jïra, aa na Wuuö Jwøk, ni cwïnyge leer.

Moa Tïïc Nyïïatwieli 9:15

'Ba Wuuö aköö jïre, ni «Ciï, kiper eni yaa jierø na gïr tïïc mara, nee nyeŋŋa kääre dï juurre ki nyeye ki dï wäät Icriel.

1 Körin 5:7

Kälu thømmø mana näk oruuö wøk, nou tïmu nou caala dhääth mo nyään, keda mana nø tïmu nou caala møø mo bäŋ thømmø. Kiper Krictø na näk nyidiel marø mar Cäŋa Pööth Thøøe Yie anø 'näk.

2 Körin 7:1

'Ba omëëya, kiper mana tïme ni gïïögø buuka jïïø nø, beerra man døøyø dëëtø mo waany ki gïï wø raany dëël ki jwïëy, ni tïïø bëëtö mana en kur keere no othur kare ni ø lwäära Jwøk.

2 Körin 9:8

Kiper løny jï Jwøk ki man gwïëth uuni døc ki yïth jammi bëët, nou bëëdu ni jïïu da jammi mo orømø cooth, nee u cïpö døc kiper tïïe bëët mo wø beyø cooth.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

1 Timöthi 6:11

'Ba ïïni, ï na dhaanh Jwøk, tïïc karï ni bäär ki gïïögø. Këël wïïï ri gïïa beyø ki bëët jöör Jwøk, ki ŋäädhe, ki mëër, niï teek, niï mwöl.

2 Timöthi 2:16

Kwier luup moø ni ba en jöör Jwøk yøø, kiper jiy bwødhe wøk jöör Jwøk, ni kadhe døc.

2 Timöthi 2:20

'Ba paac mo beer, patha dääe mo warkey wala dääe mo gwel-bïrö keerge ni wø en yie, 'ba yie da dääk jenni mo otieŋø thuwø, ki dääk odhöönhe, ni møøk tïïc kaper tïïe mo mïërö ni møøk tïïc kaper tïïe moa ba mïërö.

2 Timöthi 3:17

Kiper nee ŋata näk dhaanh Jwøk nee tïme ni eno thur kare, ni ree ee jiiø kiper tïïe mo wø beyø bëët.

2 Timöthi 4:11

'Ba beeye Luk keere ni en buuta. Wärï gaa baŋ Maak, ni löömmu ki gø na aciel, kiper eni pere leth jïra ki man køny aani ki tïïc.

Tayta 3:1

Kööm geni ki man wøørge kwääri ki jøøa jïge da teek, ni bëëtge na dïleŋ luup, ni yïthge met ki man kunyge ri tïïe mo wø beyø bëët, ni cwïnyge leer,

Tayta 3:14

'Ba beerra man ö jø Jwøki moa en Kariit kaagø man kwanyge tïï gïï mo beyø, nee kany wø dee gïï mo leth mo tägö nee ge wø laarge kunynyö, ni ba bëëtge jaak.

Tayta 3:8

'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Jøøn 3:3

'Ba jiy bëët mo wø ŋääth eni na enønø, dëëtge wø døøcge mo ciil ki raay, kaawat mare na ciil.