19 'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»
Kiper manøgønø, Kwäärö Wuuö Jwøk aköö, ni «Raŋŋu, aani a kïtha yi Dhayan ki kïdi, ni beeye kïdi mo onø päänynyö, kïnna pere leth na näk kïn gøøt, na näk ocwöth piny ni teek. 'Ba ŋato jïëc gøøni, wïïe ree ba kiere.
Kanyøgø Wuuö Jwøk aköö jïre, ni «Ciï ni wïrï dï pääny Jerucalem bäre, ni kïthï täärnyïm jiy ki ŋïï, ni beege jøøa näk cwïnyge opädhö ni wø bëëdö ni ge cooyø ki jammi moø ni reyø ni tïïc yie yøø.»
«'Ba Wuuö Jwøk, eni na wïth jammi bëët, aköö, ni ‹Noo tïme na dïcäŋeca, ï na dhaanhnha ma Dherubabel o Celatiyal, ï lwøra lwørø ni tïïa ïïni kaamar ogut lweedø mara mana näk ree da ŋïï, kiper ï yaa jierø.› Manøgø caana Wuuö Jwøki, eni na wïth jammi bëët.»
Raŋŋu kïdi mø mana näk yaa cïp nyïm Jøcua! Da nyeŋ abïriiø mo raŋ mo ena dëër kïdi manøgø na aciel enø. 'Ba aani, jammi møøk ogööra bääte; ni ööa ni paanya raay bäät jiy moi ni en yi ŋöömö man en ki dïcäŋ aciel.› Manøgø beeye luumma caan Wuuö Jwøki, eni na wïth jammi bëët.»
Køøre ena cäänö ki Köra ki jøøa cäädhe ki geni, ni kööe, ni «Diøø ka amöölla Wuuö Jwøk ŋata näk ee jierø na mare na näk ee cïp kur keere onyoodhe, ni tïïc gø nee nyänh buute. Eni ŋato jiere otïïe nee nyänh buute.
Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.
Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.
Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce ki gïï mo rëëma ec ni maaŋge wïth jøøa näk ojierø ni näk mo løny jïge.
Eni caala dhaanhø mo ogëëdö ki øtø, mo tier gø ee koonyø ni thur piny, ni cwää tier gø bäät kïdi. 'Ba na ö jwïëe, pïï akwöt dëër ødøgø, ni käre løny ki man nëëk gø, kiper mana näk mo ogeerø ni teek.
'Ba na joot gø, ena käl Antïëk. Ni cuŋge ka acooŋ Jwøk ki cwiir bäre ni pwönyge jiy mo thööth. 'Ba yi Antïëk beeye kanya kwøŋ bääŋi cak yie ni jø Krictø.
Ni mana manynya ki cwïnya døøc, a manynya man køba luumma nyään na met kany mo nyeŋ Krictø poot kär wïnyö yie, kiper naa ba tïma naa läwa kar tïï ŋat mør.
A göönna baŋ jø acooŋ Jwøk moa en yi Körin, jøøa näk ocïp kur keerge ki ri Krictø Jecu, na cwøl ni jø Jwøk na aciel ki jøø ni en kwörögø bëët ni wø cøør nyeŋ Kwääyø ma Jecu Krictø, na näk Kwääyge, ni näk marø.
'Ba omëëya, kiper mana tïme ni gïïögø buuka jïïø nø, beerra man døøyø dëëtø mo waany ki gïï wø raany dëël ki jwïëy, ni tïïø bëëtö mana en kur keere no othur kare ni ø lwäära Jwøk.
?'Ba kawaane na tïmu ni Jwøk ŋäyu, ni doo beerra mana daa köö, ni uuna tïmö nou ŋäc Jwøki, uuna dou cäŋ døø baŋ juu moøgø nidïï, na näk jïge bäŋ teek ni bäŋ karge, ni cäŋu tïmö ni uuna laakge en?
Läänögø na jootï enø, nut dïkwøŋ cøøn, ni tøør ennø, ni eni ööa wøk ki yi buura näk bäye bäŋ cuŋŋe ni cøøa kar ränynyö. 'Ba jø wø bëëdö bäät piny na näk nyeŋge kär göörö yi wëël kwøw ki kanya täk pinynyi, yïthge othäŋŋi noo neenge Läänögø, kiper na nude dïkwøŋ cøøn, ni tøør ennø, 'ba eni poot öö.
«Aani, tïïe moï ŋääa. 'Ba neenï, ïïna wëënna ko odhuulu mo ojabø, mo bäŋ ŋat mo maar lønyø jïre ki man cïëk gø. Ni ŋääa ni teek marï thiinh, 'ba luumma poot iï gwøø, ni nyeŋŋa kärï mooŋø.