2 Timöthi 2:16 - Wëël Jwøk

¹⁶ Kwier luup moø ni ba en jöör Jwøk yøø, kiper jiy bwødhe wøk jöör Jwøk, ni kadhe døc.

2 Timöthi 2:16 Iomraidhean Croise

Edhera 10:10

'Ba dïlämi ma Edhera aö maal ni kööe jïge, ni «Uuna bëëdö nou tïïya gïn mo raac, ki mana nywømmu nyïï juurre, nou meeda gø bäät raayu, u na jø Icriel.

Odheea 12:1

Jø tuuŋ Ipariem ge ŋwieya køør jamø, ni ge rïïŋö cooth køør jam wø ööi ki kur tuul-cäŋ; ni tööt ki tïïc gïï mo reyø ege kaadhø. Ni geno tudö thuwø ki luubö ki jø Aciria, ni ge jwëëga Ijep ki mädhi mo wø cam.

1 Körin 15:33

Kär wïthu maaŋŋi. Dwätö ki nyïïawäädi mo reyø beeye wø raany bëëtö mo beer.

1 Körin 5:6

Atöör maru ba beer. ?Kuyu ni thømmø mo thiinh møø bäre mo ocoodø wø wänynyö ki gø?

1 Timöthi 1:9

Ni ŋääø ni ciik Jwøk bäŋ wø caan kaper jøøa beyø, 'ba wø caan kaper jø wø wïnni na wïthge teek, ki jø wø kuc Jwøk, ki jø raay, ki jø wø bäŋ gïn wøørge ni wø taak mo Jwøk, ki jø wø nääŋ wëëkge ki mëëkge, ki jø wø nääŋ jiy jaak.

1 Timöthi 4:7

Bëëdï ni karï bäär ki leere mo oballe na näk ba en ri luum Jwøk. Pwöny riï ki bëët jöör Jwøk.

1 Timöthi 6:20

Ï na Timöthi, gwøk gïna wëëk ïïni. Kwier luup mo ba en jöör Jwøk, ki pïëm mar gïn wø cwøl ni kwänynyö, ni patha eni.

2 Timöthi 2:14

Par wïthge ki gïn, ni köömmï geni nyïm Jwøk, ki man kwierge pïëm tiet luup ni wø bäŋ gïn mo joot rege, 'ba beeye ränynyö keere jï jø wø wïny gø.

2 Timöthi 2:21

'Ba ni näk dhaanhø dëëre ee jiiø ni wec gïna näk ba mïërö, eni doo tïmö ni caala dak mar tïïa mïërö, no ocïp kur keere ni pere leth døc jï wää paaci, no ojiiŋŋø kiper tïïe moo beyø.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

Tayta 1:11

Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

Tayta 1:14

ni ba cekge ïthge ki leere mo jø Juuth, wala dööt jøøa kweer ka adïëri.

Tayta 3:9

'Ba kwier pïëm bøøre, ki luup tiet tuŋi mo kwäre, ki wëëye, ki pïëm tiet luup mo ciik Jwøk. Kiper gïïögø reyø, ni bäŋ gïn duuge.

Ibaru 12:15

Gwøgu røgu nee bäŋe ŋat mo kääŋi ki met yi Jwøk, nee bäŋe gïn mo keec mo tuy ni ööl uuni, ni raany jiy mo thööth.

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

2 Piter 2:2

'Ba jiy mo thööth oluk køør bëëtö marge na näk patha karge, ni ö jöör adïëri ni janynyi kiperge.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 13:3

'Ba Läänögø wïïe aciel nëëni kede da ŋwellø mo cööpa ri thøø. 'Ba ŋwelle na doo cööp ri thøø ocaŋŋø, ni ö jø bäät pinynyi bëët ni caathge køør Läänögø, ni yïthge orëëm.