2 Timöthi 2:15 - Wëël Jwøk

¹⁵ Put dëërï mak døøc niï ciï nyïm Jwøk ni ïïna ŋat mo ee jïëö, na ŋat tïïc mo wïïe ba lääy, ni luum adïëri iï gwøø døøc na wøp.

2 Timöthi 2:15 Iomraidhean Croise

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Maak 4:33

Ni caan luum buc Jwøk jïge ki yïth leere mo thööth ma yøøgønø, keda mana bëëtge ni løny jïge ki man wïnyge gø.

Luk 12:42

Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Moa Tïïc Nyïïatwieli 2:22

«U na jø Icriel, wïnynyu luupi ii. Aani, a cäänna uuni kiper Jecu nyï Nadhareth, ŋata nyooth Jwøki jïïu ki tïïe mo døøŋŋø ki gïï mo rëëma ec ki ŋïïce moa tïïc Jwøki dïïu ki køøre, kaa mana ŋäyu gø ki dëëtu.

Moa Tïïc Nyïïatwieli 20:27

Kiper a kär lwäyö ki man caana luup Jwøk bëët jïïu.

Wëëlö Mana Göör Pøølli Baŋ Jø Röm 14:18

Ni ŋat wø tïny Krictø na enønø, døøya yi Jwøk mo met, ni ŋäyi ya jiyi ni beer.

Wëëlö Mana Göör Pøølli Baŋ Jø Röm 16:10

Määthu Apele ŋata joot na adïëri na dhaanh Krictø. Ni määthu tuuŋ Aritøbula.

Wëëlö Mana Göör Pøølli Baŋ Jø Röm 6:13

Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

1 Körin 2:6

'Ba da leec wïc mo wø caanwa caanø dï jøøa wïthge leer. 'Ba paa leec wïc mar pinyi en, wala man wø car jø bëën pinyi en, jøø ni teekge ojøøl yøø.

2 Körin 10:18

Kiper paa ŋat wø nyooth dëëre ni wø jïëc, 'ba beeye ŋat wø nyooth Wuue.

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

2 Körin 4:2

Waani tïï atade ni wø määnö akwierwa, ni wa ba caath jöör riek waŋ, wala ki man wiilwa luum Jwøk. 'Ba dëëtwa ewa nyoodhø jï jiy bëët nyïm Jwøk ki køør luumma näk adïëri ni wø køpwa ni wïnyö jaak.

2 Körin 5:9

Kiper manøgø nø, nee wa ena kany wala wa tøør kany, wïthwa poot ewa këël ri gïï wø met yie ki ge.

Galeecia 1:10

?Aŋø, aani kawaane, a manynya man ö jiyi ni pwøcge aani, ni patha pwøc mar Jwøk? Wala, a manynya man døøya yïth jiy mo met? Onää a poot døøya yïth jiy mo met, a bäŋ doo tïmö ni aana laŋŋø mar Krictø.

Epeca 1:13

Ni beeye ki køøre na ö uuni thuwø, u na wïny luumma näk adïëri, luumma nyään na met na jootu pïëm ree man piem uuni ki gø, ni jïëyu ni ŋääthu eni, ni mooc uuni ki ŋïï na näk Jwïëc Jwøk na en kur keere, na kwøŋ buuk.

1 Thecalönika 2:4

'Ba wa wø cäänö kaawat mana ö Jwøki na jïëc waani ki man caanwa luumma nyään na met, ni paa nee yïth jiy døøcwa mo met, 'ba wa wø tïïya mo wø mïn yi Jwøki ki ge, ŋat wø pääny cwïnywa.

1 Thecalönika 5:14

'Ba wa köömma uuni, nyïïmera, ki man köömmu jøø ni bëëtge ogwäyö yøø, ni cømmu cwïny jøø ni cwïnyge lwäär yøø, ni kønynyu jøøa jägö, ni ba jøømmu ki geni bëët.

1 Timöthi 4:6

'Ba ni näk luupi ii peedhï nyïm nyïïmëëe, ï tïmö ni ïïna dïpööy mo beer jï Krictø Jecu, ni piidhï yïth luup ŋäädhe, ki pwöc mo beer mana caathï køøre.

Ibaru 4:11

Kiper manøgønø, beerra man maa dëëtø ki man dønynyø kar jwömöce, nee bäŋe ŋat kääŋi kiper teek wïc mo caala manøgø.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

2 Piter 1:10

Kiper manøgønø, nyïïmera, putu cwïnynyu cïp ri cwödö mana cwøl uuni ki gø ki mana jier u, nee tïme na adïëri. Kiper ni näk gïnögø tïïyu tïïö, u ba maara pädhö.

2 Piter 1:15

'Ba manøgø, aano tïïö bääte døc, kiper kanyo tïme na køør thøø mara, nee maar lønyø jïïu ki man cäŋu wïthu parrø ki gïïögø kany wäro manynyu.

2 Piter 3:14

Kiper manøgønø, omëëya, na tïme nou koora gïïögø, putu manynyø ki cwïnynyu bäre nou nwäne ki bëët-mëër ni bäŋ kïdö mo raac wala gïn mo jøøŋŋi dëëtu.