2 Timöthi 2:12 - Wëël Jwøk

¹² Wala ni näk cwïnynyø yøø maa, øøno røøny thuwø ki eni na aciel. 'Ba ni näk eni mooŋø mooŋø, ø mooŋe mooŋø thuwø.

2 Timöthi 2:12 Iomraidhean Croise

Pwöc Leec Wïc 30:9

kiper naa ba jääŋa ni mooŋa ïïni, ni kööa, ni ‹?Wuuö Jwøk aŋa?› wala naa ba tïma naa can ni kwäta, naa raanynya nyeŋŋï, ï na Jwøk mara.»

Mathiew 10:33

'Ba ŋat wäro mooŋ aani nyïm jiy, omooŋa thuwø nyïm Wära ni en maal.

Mathiew 26:35

Ni kö Piterri jïre, ni «Këël maa thøw ki ïïni na aciel, ï bäŋ daa mooŋø.» Ni ö bääŋi bëët ni caange teeŋ gïnögø thuwø.

Mathiew 26:75

Ni ö Piterri ni par wïïe ki gïna caan Jecu, ni «Dïwääni ni gwienø poot kär köök, riï mooŋï mooŋø ki aani ki kwöre adäk naa kuyï.» Ni ci wøk ni jwöŋe ni keeya yie.

Maak 10:33

Ni kööe, ni «Neennu, ø cøøa yi Jerucalem. 'Ba Wär Dhaanhø ocïp ceŋ kwääc laam ki dïpööye mo ciik Jwøk. 'Ba eno ŋølge yi thøø, ni cïpge gø ceŋ juurre.

Maak 8:38

'Ba ŋato wäro wïïe laay ki nyeŋŋa, ki luupa, dï beenhnhø man ni wø kwier luum Jwøk, na jø raay en, Wär Dhaanhø wïïe olaay ki gø thuwø, kanyo ööe ki nyïïatwiet maal moa en kur keerge ka ajiem wänni.»

Luk 12:9

'Ba ŋato wäro mooŋ aani nyïm jiy, omooŋ thuwø nyïm nyïïatwiet maal mo Jwøk.

Luk 22:29

'Ba keda mana ö Wära na mooc a ki bura, beeye thuwø na wëëga gø uuni,

Luk 22:30

kiper nou cämu ni mädhu kar cam mara yi buya, ni pïïu piny bäät wäle, nou ŋøla luum tuk Icriel karge paari kurriiø.»

Luk 9:26

'Ba ŋato wäro wïïe laay ki nyeŋŋa ki luupa, Wär Dhaanhø wïïe olaay ki gø kanyo ööe ka ajieme, ka ajiem Wuuö Jwøk, ka ajiem mar nyïïatwiet maal moa en kur keerge.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Wëëlö Mana Göör Pøølli Baŋ Jø Röm 5:17

'Ba ni näk thøø odïmö ki køør luumma näk aciel na dhal dhaanhe acielli, a teeŋ kwøw mo nyïëdi noo kwøw jø wø ci met yi Jwøki mana päl jïge ki bëënynyö mana cïp ki køør ŋatøgø na aciel enø, na näk Jecu Krictø!

Wëëlö Mana Göör Pøølli Baŋ Jø Röm 8:17

'Ba ni näk øøna nyïïe nø, øøna lwiidhi, na lwiidhi mo Jwøk, ni øøna lwiidhi ki Krictø na aciel, ni näk mo ø jwøra gïï mo leth ki eni na aciel, kiper nøø jiem ki eni na aciel thuwø.

Pilipay 1:28

'Ba kär nou lwäyö ki gïï wø tïïc jø wø män ki uuni bëët. Kiper manøgøøni beeye nyuudhi jïge mar ränynyö marge, 'ba ki jïïu beeye pïëm man piem uuni ki gø, ni beeye man wø cïp Jwøki.

1 Timöthi 5:8

'Ba ni näk da dhaanhø mo tuuŋge ba caame, ni letha per jø paare røk, ŋatøgø nyootha gø ni eno kweer ki lam man, ni kadha rääye døc ki ŋat mo kär jïëy.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.

Mana Nyooth 1:6

ni tïïc øøni ni øøna jø bura, na dïlämme jï Jwøe na näk Wänni. Enøgønø.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.

Mana Nyooth 20:6

Ŋato en ri duun wøk ki yi thøø mano kwøŋ tägö, gwïëth oen jïre, ni eni ena kur keere na mar Jwøk. Teeŋ jøøgø, thøw oen cään bäŋ teek jïre bäätge, 'ba ge tïmö ni gena dïlämme mo Jwøk ki Krictø. 'Ba geno bëënni ki eni na aciel ki cwiiri ma kuma.

Mana Nyooth 3:10

'Ba kiper mana gwøgï luumma na bëëdï ni cwïnyï iï maa, ïïno gwøa kanyo ö gïïa lethi no öge bäät piny bäre kuna päänyge jøøi ni bëëdö bäät piny en.

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.

Mana Nyooth 3:8

«Aani, tïïe moï ŋääa. 'Ba neenï, ïïna wëënna ko odhuulu mo ojabø, mo bäŋ ŋat mo maar lønyø jïre ki man cïëk gø. Ni ŋääa ni teek marï thiinh, 'ba luumma poot iï gwøø, ni nyeŋŋa kärï mooŋø.

Mana Nyooth 5:10

Ni tïïyï geni na jø bura na dïlämme jï Jwøk marø. 'Ba geno bëënni bäät piny.»