2 Timöthi 2:1 - Wëël Jwøk

¹ Ï na wääda nø, bëëdï niï teek ki ri met ec mana en ri Krictø Jecu.

2 Timöthi 2:1 Iomraidhean Croise

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

1 Körin 16:13

Kuru, ni cuŋŋu nou teek ri ŋäädhe maru. Magu cwïnynyu nou teek.

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

1 Timöthi 1:18

'Ba ï na wääda ma Timöthi, a köömma ïïni ki luummi en, kaawat mana caan nyïïkuk Jwøki na wara nyoothge ïïni, kiper noo lääŋŋï gïïögø, yiï omïnni ki man këëdï ki leny ma adïëri,

1 Timöthi 1:2

A göönna baŋï, ï na Timöthi, ï na wääda ma adïëri ki køør ŋäädhe. Met ec ki bäth-ec ki bëët-mëër na en jï Jwøk na näk Wuuö ki Krictø Jecu na näk Kwääyø bëëde bäätï.

2 Timöthi 1:1

Aana Pøøl na nyïïatwiel mar Krictø Jecu ki køør mana many Jwøki kiper kwøw mana buue ni di cïbö ni en ri Krictø Jecu.

2 Timöthi 1:2

A göönna baŋï, ï na wääda ma Timöthi, na mëëra ki ïïni. Met ec, ki bäth-ec, ki bëët-mëër ni en jï Jwøk na näk Wuuö ki Kwääyø ma Krictø Jecu en bäätï.

2 Timöthi 1:7

Kiper Jwøk ø käre mooø ki cwïnynyi mo lwäär, 'ba cïpa cwïnynyi mo teek, ki mëër, ki män røk ki raay.

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

Jøcua 1:7

'Ba mana pere letha eni keere, mak riï ni bëëdï niï teek; gwøk ciik bëët na karge moa ö dhaanhnha ma Modhe na kööm ïïni ki ge; kär niï gaa wøk ki røk ciik moøgø ni ba gaaï bäät cwïï wala bäät caamï, nee gïï wø tïïyï bëët thurge karge.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.