2 Timöthi 1:8 - Wëël Jwøk

⁸ 'Ba kär wïïï lääö nø, ki man nyoothï riï kiper Kwääyø, wala kipera, a na tööny eni. 'Ba lwør kurï ri gïïö ni leth yøø, kiper luumma nyään na met, ki køør teek man wø cïp Jwøki jïrï,

2 Timöthi 1:8 Iomraidhean Croise

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Aydheea 8:20

Beerra man cïpge ŋäädhe marge ri pwöc Wuuö Jwøk ki ciik moe. 'Ba ni näk luummögø ba tïïcge, nyootha gø ni bäŋ tar bäätge.

Maak 8:38

'Ba ŋato wäro wïïe laay ki nyeŋŋa, ki luupa, dï beenhnhø man ni wø kwier luum Jwøk, na jø raay en, Wär Dhaanhø wïïe olaay ki gø thuwø, kanyo ööe ki nyïïatwiet maal moa en kur keerge ka ajiem wänni.»

Luk 9:26

'Ba ŋato wäro wïïe laay ki nyeŋŋa ki luupa, Wär Dhaanhø wïïe olaay ki gø kanyo ööe ka ajieme, ka ajiem Wuuö Jwøk, ka ajiem mar nyïïatwiet maal moa en kur keerge.

Jøøn 15:27

'Ba uuni thuwø, gïra okøpu, kiper uuna bëëdö ki aani ki kanya täga.

Jøøn 19:35

'Ba ŋata neen gøøni ki waŋe beeye na caan mare kiper gø, ni mana caane beeye adïëri, ni ŋääe ni eni caana adïëri, kiper nee uuni thuwø, nou jïëyu ni ŋäädhu.

Moa Tïïc Nyïïatwieli 5:41

Kanyøgøøni gena put ö wøk ki nyïm kwääc løøe ni aacge, ni yïthge met kiper gïna wëëk Jwøki geni nee jwørge kiper nyeŋŋøgø.

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

Wëëlö Mana Göör Pøølli Baŋ Jø Röm 8:36

Kaawat mana gööri, ni «Beeye kiperï ni bëëtwa ni wa di nääŋŋö cooth, ni waano tïmö kaamar dïëk mo di ŋarø.»

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

1 Körin 1:6

kaawat mana ö luumma caan kiper Krictø na kïthi cwïnynyu ni teek.

2 Körin 6:7

ki køør caan luup na adïëri, ki køør teek Jwøk, ki køør jap leny mar cer cwïïc ki cer caam, na näk beeye bëënynyö.

Epeca 3:1

Ni beeye na ööa, a na Pøøl, na tööny Krictø Jecu kiperu, u na juurre.

Epeca 3:13

Kiper manøgønø, a kwaya uuni, kär cwïnynyu wëëgu pädhö ki gïr gïï ni leth ni jwøra kiperu en. Kiper ge kännö ka ajiem jïïu.

Epeca 4:1

Kiper manøgønø, a na tööny Wuuö, a kwaya uuni ki man bëëdu ki bëëtö mo orømø ki cwödö mana cwøl uuni kipere,

Epeca 4:17

Kiper manøgønø, a cäänna uuni ni mara køba ka nyeŋ Wuuö, ni kär nou bëëdö këët kaawat man wø bëët juurre ni wø bäŋ gïn mo ŋäcge.

Pilipay 1:7

Wøp jïra ki mana caara gïnögø kiperu bëët. Kiper gïru ena cwïnya u bëët, kaawat mana dwätu ki aani ri met yi Jwøk, këël ki yi twöc mara, ki piem luumma nyään na met nee cuŋŋe ni teek.

Pilipay 3:10

kiper naa tïma naa ŋäya eni, ki teek duunne wøk ki yi thøø, naa tïma naa nywaaga gïïa leth na jwøre, ni tïma kaamare ri thøwe;

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

Köløcia 1:11

nou tëënnu døc ki køør teek mare na bäŋ teeŋe, nee cwïnynyu magu, ni cwïnynyu you cïp piny ki met ec,

Köløcia 1:24

'Ba kawaane, yia amïnnö ki gïïa leth ni wø jwøra kiperu. 'Ba ki dëëra man, a thööra gïïa dööŋ ri moa jwør Krictø kiper dëëre na näk acooŋ Jwøk.

1 Thecalönika 3:4

Kiper kanya pootwa dïïu, acaanwa jïïu, ni gïï mo leth jwørø jwørø, kaawat mana nø täge enø, ni ŋäyu gø.

1 Timöthi 2:6

ŋata wïïr ree nyeŋ kwöc jiy bëët, ni gïre ocaanø ki kanya näk kare.

2 Timöthi 1:10

na nyooth kawaane kiper mana joot Pïëmi marø ma Krictø Jecu, ŋata raany thøø ni käl kwøw, ni beeye kwøw mana näk adïëri mo bäŋ cuŋŋe, ni tïïc gø ni nëënö ki køør luumma nyään na met.

2 Timöthi 1:12

Ni beeye ni jwøra gïï ni leth ii. 'Ba wïïa ba doo lääö, kiper ŋata ŋäädha ŋääa, ni ŋääa ni løny jïre ki man gwøk gïna wëëga eni këël mano këët cäŋöca.

2 Timöthi 1:16

'Ba bäth-ec mar Wuuö en bäät po Onecipera, kiper aana kønye kwöre mo thööth. Ni wïïe kär lääö ko oguudi 'moa.

2 Timöthi 2:3

Lwør kurï ri gïï wø leth, ni ïïna ŋat leny ma wøp mar Krictø Jecu.

2 Timöthi 2:8

Lääŋ Jecu Krictø na tïŋ maal ki yi thøø, na näk nyikwaar Deebit, kaawat mana en ri luumma nyään na met na caana,

2 Timöthi 2:9

ni beeye luummögø na nyään na met ni jwøra gïï ni leth ii kipere, ni aano twöö ko oguudi kede aana kuu. 'Ba luum Jwøk patha otwöö.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

2 Timöthi 4:5

'Ba ï ki dëërï, bëëdï karï cooth, ni cwïnyï iï maa ki gïï wø leth, ni tïïyï tïï ŋat wø køp luum Jwøk, nee tïïc marï put thur kare.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.

Mana Nyooth 1:2

ŋata køp gïr luum Jwøk ki gïr luum adïëri mana caan Jecu Krictø, këël gïr gïïa neene bëët.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.