2 Timöthi 1:7 - Wëël Jwøk

⁷ Kiper Jwøk ø käre mooø ki cwïnynyi mo lwäär, 'ba cïpa cwïnynyi mo teek, ki mëër, ki män røk ki raay.

2 Timöthi 1:7 Iomraidhean Croise

Pwöc Leec Wïc 2:7

Eni pwöc leec wïc wø meede meedø jï jøøa marge thiiŋ, ni bëëde na kwöt leny jï jøøa marge tiir.

Pwöc Leec Wïc 8:14

Pwöc moa beyø ki leec wïc mana näk kare beege 'moa, ni ŋäc tiet luup ki teek ena baŋa.

Aydheea 11:2

Ni ö Jwïëc Wuuö Jwøki ni ö bääte, ni bee jwïëyo cïp leec wïc ki ŋäc tiet luup, jwïëyo bwøth dhaanhø ka acaara mo beer ni wø cïpi ki teek, jwïëyo cïp kwänynyö ki lwär ki Wuuö Jwøk.

Mikiya 3:8

'Ba aani, dëëra päŋ ki teek, ki Jwïëc Wuuö Jwøk, ki ŋøl ma kare, ni cwïnya da cer, ki man caana gïïa bac nyïïkwaac Jeekapi jïge, ki raay moge, ge na jø Icriel.

Dhekaraya 4:6

Køøre ena köö jïra, ni «Man beeye dwør Wuuö Jwøk mana caane jï Dherubabel, ena köö, ni ‹Paa ki teek wala ki mak røk, 'ba beeye ki køør jwïëy 'moa.› Manøgø caana Wuuö Jwøki, eni na wïth jammi bëët.

Luk 10:19

Neennu, uuna wëëga teek ki man nyøru thwöre ka agarapi, ki teek ki man böötu teek mar nyimän bäre na näk anägö, ni bäŋ gïn mo gwaar uuni.

Luk 15:17

'Ba na caar wïïe ni pëëny dëëre keere, ena köö, na ‹?A jø tïïc adïï ni en jï wära ni jïge da cam mo päl mo dhäthö, ni thøøa ki käc kany en?

Luk 24:49

'Ba kawaane, a wëëga gïna buuk Wära uuni. 'Ba bëëdu paani, këël mano jïtu ki teek mano ööi ki maal.»

Luk 8:35

Kanyøgø jiy aci wøk kuna neenge gïna tägö; 'ba na pïïcge buut Jecu, ŋata aay anäge dëëre anwänge no opï piny tiet Jecu, dëëre ka abïï ni wïïe odøø kare. Ni putge lwäyö.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

Moa Tïïc Nyïïatwieli 1:8

'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.»

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Moa Tïïc Nyïïatwieli 21:13

'Ba Pøøl ajutö, ni kööe, na «?Agïnaŋø ni tïïyu enøgø, nou jwöŋö nou thääŋa cwïnya? Kiper yaa nø caar ni paa tööc keere, 'ba këël a doo thøw thuwø yi Jerucalem kiper nyeŋ Kwäärö ma Jecu, yia doo met.»

Moa Tïïc Nyïïatwieli 26:11

Ni ge wø pööta pöötö cooth yïth uut acook lam bëët, naa manynya man wëëga geni jany nyeŋŋøgø. Ni gëëma ki geni këël mana pïïa tiet mïëc juurre, naa män ki geni døc.

Moa Tïïc Nyïïatwieli 26:25

'Ba Pøøl aköö, ni «Mara paa bøølø, ï na Pecta, nyigwaak. 'Ba a cara gïï ma adïëri.

Moa Tïïc Nyïïatwieli 6:8

'Ba Ectipen na cwïnye päŋ ki met yi Jwøk ki teek Jwøk, gïï mo døøŋŋø døc mo rëëma ec ki ŋïïce atïïe dï jiy.

Moa Tïïc Nyïïatwieli 9:22

'Ba teek Cøøl ree ameede, ni tïm wïth jø Juuthi moa bëëdö yi Damacka ni wïïrö, kiper man wø nyuth gø geni ni Jecu beeye Krictø.

Wëëlö Mana Göör Pøølli Baŋ Jø Röm 5:5

'Ba ŋäädhe cwïnynyø bäŋ wø wëëk pädhö. Kiper mëëc Jwøk okïth cwïnynyø ni päl ki køør Jwïëc Jwøk na en kur keere na cïp jïïø.

Wëëlö Mana Göör Pøølli Baŋ Jø Röm 8:15

Kiper u kär wëëk jwïëy mo tïïya uuni na laaŋe nou cäŋu lwäyö. 'Ba uuna wëëk Jwïëy mo tïïya uuni na nyïï Jwøk. Kiper kany wø jwöŋø, ni «Abba, Awuuö,»

1 Körin 2:4

Ni dwøra na cääna ki gø, ki dwøl mana køba, kära caanø naa møøtha uuni ki luup mo riek waŋ, 'ba Jwïëc Jwøk ki teek ee nyoodhø,

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Köløcia 1:8

ni beeye eni na caan mëër maru na en ri Jwïëc Jwøk jïwa.

Ibaru 2:15

ni pät jiy bëët yi laŋ mar thøø na lwäärge ki gø yïth nïne moge bëët.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Jøøn 4:18

Bäŋ lwär ri mëër. 'Ba mëër mana näk adïëri, lwär wø rieme wøk. Kiper lwär ena kur pöödö, ni ŋat wø lwäär, mëëye paa othur kare.