2 Timöthi 1:12 - Wëël Jwøk

¹² Ni beeye ni jwøra gïï ni leth ii. 'Ba wïïa ba doo lääö, kiper ŋata ŋäädha ŋääa, ni ŋääa ni løny jïre ki man gwøk gïna wëëga eni këël mano këët cäŋöca.

2 Timöthi 1:12 Iomraidhean Croise

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 50:7

Kiper Kwäärö Wuuö Jwøk a wø kønye kønyø, kiper manøgønø, wïïa ba lääy. Cwïnya amaa ki man jïënya gïïögø, ni puta gø ŋäc møn ni wïïa ba lääy.

Aydheea 54:4

«Kärï lwäyö, kiper wïïï ba wëëk lääö këët; kär wïïï laay, kiper wïïï ba lääy. 'Ba wïïï owïl ki laac wïc mar thïnhö marï, ni ba parï wïïï këët ka ajøøŋ mana pïï dëërï ki køør mana bëëdï kaamar cï thøø.

Neeyam 1:7

Wuuö Jwøk beer, ni ena teek mar jiye cäŋ gïï mo leth. Jiy mo wø kan rege buute di gwøø.

Mathiew 12:21

Ni nyeŋŋe beeye noo ŋääth wïth juurre.»

Mathiew 24:36

«'Ba dïcäŋöca ki yi caannøca, bäŋ ŋat ŋäc gø, këël nyïïatwiet maal wala Wäädö. 'Ba beeye Wuuö keere.

Mathiew 7:22

'Ba dïcäŋöca jiy mo thööth oköö ki aani, ni ‹?Kwäärö, Kwäärö, aŋø, luum Jwøk kärwa købø ki nyeŋŋï, ni riemwa anäge wøk ki nyeŋŋï, ni tïïcwa tïïe mo thööth mo døøŋŋø ki nyeŋŋï?›

Luk 10:12

'Ba a cäänna uuni, noo tïmö ni theemma ajäl Cødam ki paanøca dïcäŋöca.

Luk 23:46

'Ba kanyøgø Jecu aköök ki dwøl mo päl, na «Awuuö, jwïëya acïba cerï.» 'Ba na nø caan luummögø, ena jwïëy ka aŋuudi.

Jøøn 17:15

A ba kwääö kaper nee ge käla wøk yi piny, 'ba a kwääö kaper nee ge gwøgï ki ŋata raac.

Jøøn 6:44

Bäŋ dhaanhø mo doo maara ö baŋa ni näk ba nyïï Wära na jääŋ aani. 'Ba eni otïŋa maal yi cäŋo cuŋ pinynyi yie.

Moa Tïïc Nyïïatwieli 13:46

'Ba Pøøl ki Barnaba gena put cäänö døc ni cwïnyge da cer, ni köge, ni «Doo beer ki mana di luum Jwøk caanø jïïu dïkwøŋ. 'Ba kawaane na thanyu gø wøk, ni ŋølu rou wøk nou ba rømi ki kwøw mana näk adïëri mo bäŋ cuŋŋe, wa luga baŋ juurre nø.

Moa Tïïc Nyïïatwieli 13:50

'Ba jø Juuth yïth määr wø lämö na näk kwör cwøwge døøŋŋø, ki yïth jaae mo pääny, acoonge, ni tïïge ka ageem dëër Pøøl ki Barnaba, ni riemge ge wøk poge.

Moa Tïïc Nyïïatwieli 21:13

'Ba Pøøl ajutö, ni kööe, na «?Agïnaŋø ni tïïyu enøgø, nou jwöŋö nou thääŋa cwïnya? Kiper yaa nø caar ni paa tööc keere, 'ba këël a doo thøw thuwø yi Jerucalem kiper nyeŋ Kwäärö ma Jecu, yia doo met.»

Moa Tïïc Nyïïatwieli 7:59

'Ba kanya pootge ni ge këëra Ectipen, Ectipen alämö, ni kööe, ni «Kwäärö Jecu, lwør jwïëya.»

Moa Tïïc Nyïïatwieli 9:16

'Ba eno nyutha gïï mo thööth mo jwøre jwørø kiper nyeŋŋa.»

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

1 Körin 1:8

ŋato käär uuni këël aŋuun nïne, ni bäŋ ajäla dëëtu dïcäŋo näk dïcäŋ Kwääyø ma Jecu Krictø.

1 Körin 3:13

ŋati man nø tïïe onyooth. Kiper onyooth dïcäŋöca, kiper geno jier ki maac, ni ö maaci ni pääny ge ki man näk teeŋ tïïe mo nyïëdi na tïïc ŋati man nø.

Pilipay 1:20

Kiper yaa ŋäädhø døc ni wïïa ba doo lää bäre bäre, 'ba cwïnya yaa maa døc kawaane kaawat man wø bëëda cooth, nee Krictø wøør ki dëëra, nee mara kwøw wala thøø.

Pilipay 3:10

kiper naa tïma naa ŋäya eni, ki teek duunne wøk ki yi thøø, naa tïma naa nywaaga gïïa leth na jwøre, ni tïma kaamare ri thøwe;

Pilipay 3:21

ŋato wiil dëëtø moi ni reyø ii, ni tïïc ge ni caala dëëre na näk dëër ajiem, ki køør teek man wø en jïre ki man tïïc jammi bëët ni leŋa mare.

Pilipay 3:8

Ni jammi bëët ataa møn, kiper mana beerra eni døc beeye ki man ŋääa Krictø Jecu na näk Kwääya. Ni beeye kipere na taaa jammi bëët, ni neeta geni kaamar juu mo owetø, kiper nee Krictø ci jïra,

1 Thecalönika 2:16

kiper mana mänge waani ki man caanwa luum Jwøk jï juurre, nee ge piem. Ni beeye gïï wø tïïcge cooth ni ge meeta raay moge ni thööth. 'Ba ka aŋuudi, wëëc Jwøk arøm dëëtge.

1 Thecalönika 5:4

'Ba nyïïmera, u ba en yi muudhö ki man thäŋ cwïnynyu ki cäŋöce noo caal kuu.

1 Timöthi 6:20

Ï na Timöthi, gwøk gïna wëëk ïïni. Kwier luup mo ba en jöör Jwøk, ki pïëm mar gïn wø cwøl ni kwänynyö, ni patha eni.

2 Timöthi 1:14

Gwøk gïna näk adïëri na wëëk ïïni, ki køør Jwïëc Jwøk na en kur keere ni bëëdö cwïnynyø.

2 Timöthi 1:16

'Ba bäth-ec mar Wuuö en bäät po Onecipera, kiper aana kønye kwöre mo thööth. Ni wïïe kär lääö ko oguudi 'moa.

2 Timöthi 1:18

'Ba ojïti ki met ec baŋ Wuuö dïcäŋöca. Ni ŋäyï døøc na ateeŋ køny mo nyïëdi na køny aani ki gø yi Epeca.

2 Timöthi 1:8

'Ba kär wïïï lääö nø, ki man nyoothï riï kiper Kwääyø, wala kipera, a na tööny eni. 'Ba lwør kurï ri gïïö ni leth yøø, kiper luumma nyään na met, ki køør teek man wø cïp Jwøki jïrï,

2 Timöthi 2:9

ni beeye luummögø na nyään na met ni jwøra gïï ni leth ii kipere, ni aano twöö ko oguudi kede aana kuu. 'Ba luum Jwøk patha otwöö.

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

Tayta 3:8

'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 2:18

Ni løny jïre ki man køny jø wø päänynyi, kiper eni ki dëëre gïï mo leth akwøŋ jwør, ni päänynyi.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

1 Piter 1:5

u na näk ogwøk Jwøki ki teege ki køør ŋäädhe, nee pïëm man piem u ki gø mana näk onø jiiŋŋø noo nyooth kanyo cuŋ pinynyi yie nee jootu.

1 Piter 4:16

'Ba ni näk da ŋat mo jwør gïï mo leth kiper mana näk ena dhaanh Krictø, kär wïïe lääö. 'Ba Jwøk wär jieme ki køør nyeŋŋøgø.

1 Piter 4:19

Kiper manøgønø, wär jø wø jwør gïï mo leth keda mana many Jwøki, tïïcge gïï mo beyø, ni cïpge jwïëcge cer Jwøk na näk Cwääy na dwøre ba dak.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.