2 Timöthi 1:10 - Wëël Jwøk

¹⁰ na nyooth kawaane kiper mana joot Pïëmi marø ma Krictø Jecu, ŋata raany thøø ni käl kwøw, ni beeye kwøw mana näk adïëri mo bäŋ cuŋŋe, ni tïïc gø ni nëënö ki køør luumma nyään na met.

2 Timöthi 1:10 Iomraidhean Croise

Aydheea 43:3

Kiper bee aani na Wuuö Jwøk, Jwøk marï, a na Jwø Icriel na en kur keere bee aani na pïëmï marï. Ijep anø coola karï, ni ö Kuuci ki Ceba ni nø wiila ge ki ïïni.

Aydheea 45:15

Wui, ï na Jwø Icriel, ï na pïëmi! Ka adïëri møn, ïïna Jwøk mo dëërï kanï kanø.

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Odheea 13:14

?Aŋø, a na Wuuö Jwøk, jø dhi øt Ipariem ge daa wïïla wøk cer teek thøø? ?Aŋø, ge daa käl wøk ki yi thøø? ?Wui, ï na thøø, age teek aranya marï? ?Wui, ï na thøø, age teek gïna leth ni wø tïïyï? Aani, cwïnya ba cïba piny këët.

Luk 11:36

'Ba ni näk dëërï orømø ki tar ni bäŋ kany mo cøl, dëërï bäre ena yi tar møn, keda man wø ö lamba wø meeny ïïni ki taye.»

Luk 13:7

Ni kööm ŋata en pwödhe cere, ni ‹Neenï, cwiiyi na adäk ii, a bëëdö naa cäädhö naa manynya nyey ro olaami en, 'ba bäŋgø mo jooda. Ŋøt piny. ?Aŋø na nyääk piny jaak en?›

Luk 2:11

Kiper dïcäŋi Pïëmi anywøl jïïu yi po Deebit, ni beeye Krictø na näk Kwäärö.

Jøøn 1:9

'Ba taya näk adïëri na cïpö ki tar jï jiy bëët, beeye eni na ö piny.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 4:42

Ni köge jï dhaagø, ni «Paa kiper luummï këët na jïëcwa ki gøøni ni ŋääthwa gø, 'ba luumme awïnywa ki dëëtwa, ni beeye na jïëcwa ni ŋääthwa gøøni en. Ni ŋäcwa gø na adïëri møn ni beeye eni na Pïëmi mar piny bäre.»

Jøøn 5:40

'Ba u kweeyø ki man ööu baŋa nou jïtu ki kwøw.

Moa Tïïc Nyïïatwieli 13:23

Ni beeye ki røk nyïïkwaac Deebit manøgø na ö Jwøki na käl Pïëmi jï jø Icriel, ni beeye Jecu, kaawat mana kwøŋ gø buuk.

Moa Tïïc Nyïïatwieli 5:31

'Ba ena cuum Jwøki bäät cwïïe ni tïïc gø na Kwäärö ni näk Pïëmi, kiper nee jø Icriel wëëk løk cwïnyge, ni wec raay moge.

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

Wëëlö Mana Göör Pøølli Baŋ Jø Röm 3:31

?Kiper manøgønø, ø weta ciik Jwøk wøk ki køør ŋäädhe man? Ba doo løny. Ø poot gwøga ciik Jwøk.

Wëëlö Mana Göör Pøølli Baŋ Jø Röm 6:6

Ŋääø ni gïïa kwøŋ en cwïnynyø anäk bäät jaadha no odëëdö ki eni na aciel, kiper nee dëël mana päŋ ki raay nee ränynye, nøø tïmø ni ø patha laaŋe jï raay këët.

1 Körin 15:26

'Ba nyimän mano raanynyi na aŋuudi beeye thøø.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 5:4

Kiper kany pootwa ni wa ena ya abïlli en, wa wø mïïmmö ki gïno tägi. Ni patha kiper ni wa doo tïmö ni bäŋ abïï dëëtwa, 'ba wa doo manynya man røc waani ki mør, kiper nee gïn ni wø bëën thøø en mwøny kwøwi.

Galeecia 5:4

U ni many man jïëc u ni maru beer ki køør ciik Jwøk, uuna ŋul wøk ri Krictø, ni tïmu nou tøør ri met ec.

Epeca 1:18

ni jap nyeŋ mo cwïnynyu kiper nou tïmu nou ŋäya ŋäädhe mana en nyïm mana cwøl u kipere, ni ŋäyu dööŋ olaaw mare na näk ree da ajiem mo bäŋ teeŋe ni wø en jï jø Jwøk,

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

2 Thecalönika 2:8

'Ba kanyøca nø, Ŋata raac oneen. 'Ba eno 'näk Kwäärö ma Jecu ki jam dhee, ni raany gø, kanyo ööe noo nëëne.

2 Timöthi 1:1

Aana Pøøl na nyïïatwiel mar Krictø Jecu ki køør mana many Jwøki kiper kwøw mana buue ni di cïbö ni en ri Krictø Jecu.

2 Timöthi 1:8

'Ba kär wïïï lääö nø, ki man nyoothï riï kiper Kwääyø, wala kipera, a na tööny eni. 'Ba lwør kurï ri gïïö ni leth yøø, kiper luumma nyään na met, ki køør teek man wø cïp Jwøki jïrï,

2 Timöthi 4:1

A köömma ïïni nyïm Jwøk ki Krictø Jecu, ŋato ŋøl luup jøøa kwøw ki moa näk othøw kanyo ööe noo këël buye piny,

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

Tayta 2:11

Kiper met yi Jwøk man piem jiy bëët ki gø anyooth,

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Tayta 3:4

'Ba kanya ö Jwøki, eni na Pïëmi marø, na nyooth beenynye ki mëëye,

Ibaru 10:32

'Ba cäŋu wïthu caarrø ki nïra kwøŋu beet kanya magu cwïnynyu ki gïïa leth na jwørru, køør mana cwøl u yi tar,

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

2 Piter 1:11

'Ba uuno wëëk jöö mo päl man dønynyu yi buya näk bäŋ cuŋŋe mar Kwääyø na näk Pïëmi ma Jecu Krictø.

2 Piter 1:3

'Ba teege na näk teek Jwøk, jap kwøw bëët ki jap bëët jöör Jwøk awëëk øøni ki køør mana ŋääø eni, ŋata cwøl øøni ya ajieme ki beenynye.

2 Piter 2:20

'Ba ni näk wïthge ocäŋ maaŋŋø ni bööt geni, køør mana bøthge ki japa doo raany geni piny, ki køør ŋäc mana ŋäcge Kwääyø na näk Pïëmi ma Jecu Krictø, bëëtö mana en cään atïmö ni raaca eni døc ki bëëtö mana dïkwøŋ.

2 Piter 3:18

'Ba cääthu nyïm nou ŋäya met ec ki ŋäc man ŋäyu Kwääyø na näk Pïëmi ma Jecu Krictø. 'Ba ajiem en jïre en nø, këël na bäre bäre. Enøgønø.

2 Piter 3:2

kiper nou bëëdu nou lääŋŋa luup moa køp nyïïkuk Jwøki na en kur keerge ni tägö, ki ciik Kwäärö ma Jecu na näk Pïëmi na wïnynyu baŋ nyïïatwietu.

1 Jøøn 1:2

'Ba kwøw manøgø anyooth, ni neenwa gø, ni wa wø køpa gïre, ni beeye kwøw mana näk adïëri mo bäŋ cuŋŋe na køpwa jïïu ennø, kwøwa nut ki Wuuö na nyooth jïwa.

1 Jøøn 4:14

'Ba mana neenwa ni wø køpwa beeye ni Wuuö Wääde ajääŋŋe na Pïëmi mar piny.

Mana Nyooth 18:1

Køør gïïögø nyïïatwiel maal mør aneena ni ööa piny ki maal, ni jïre da cuum mo dwøŋ døc. Ni ö pinynyi ni tïme ni tar døc ka ajieme.

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 20:14

Kanyøgø thøø ki kar bëët jwïëc jøøa näk othøw aleeŋ yi naama liel ki maac. Manøgø beeye thøø mano en cään, mar naamo liel ki maac.

Mana Nyooth 22:14

«Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.