2 Timöthi 1:1 - Wëël Jwøk

¹ Aana Pøøl na nyïïatwiel mar Krictø Jecu ki køør mana many Jwøki kiper kwøw mana buue ni di cïbö ni en ri Krictø Jecu.

2 Timöthi 1:1 Iomraidhean Croise

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:54

Ŋat wø cam dëëra ni maath remma, ree da kwøw mana näk adïëri mo bäŋ cuŋŋe, ni eno tïŋa maal yi cäŋo cuŋ pinynyi yie.

Wëëlö Mana Göör Pøølli Baŋ Jø Röm 1:1

Aana Pøøl na laŋ Jecu Krictø ni göön baŋu ki wëëlö en. Ni aano cwølø naa tïma na nyïïatwiel, ni aano cïp kur keera kiper luumma nyään na met mar Jwøk,

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

1 Körin 1:1

Aana Pøøl na cwøl nee tïme na nyïïatwiel mar Krictø Jecu ki køør mana many Jwøki, ki cöögø ma Cøtheni.

2 Körin 1:1

Aana Pøøl na nyïïatwiel mar Krictø Jecu, ki køør mana many Jwøki, ki cöögø ma Timöthi. A göönna baŋ acooŋ Jwøk mana en yi Körin, ki jï jø Jwøk bëët moa en dï Akeea bäre.

2 Körin 1:20

Kiper gïïa buuk Jwøki bëët wø thura karge ki ri Krictø. Ni beeye ni wø kööø ni «Enøgønø» ki køøre, ni ø jiema Jwøk.

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Epeca 3:6

Ni beeye ni juurre atïmö na lwiidhi ki jø Jwøk na aciel, ni gena dëël aciel, ni karge dagø ri buuk mana buuk ki ri Krictø Jecu ki køør luumma nyään na met.

1 Timöthi 6:19

'Ba kanyo tïïcge gïïögø ge këëlla tietge piny na wøp kiper yi nyïm, kiper nee un kwøw mana näk adïëri makge.

2 Timöthi 1:10

na nyooth kawaane kiper mana joot Pïëmi marø ma Krictø Jecu, ŋata raany thøø ni käl kwøw, ni beeye kwøw mana näk adïëri mo bäŋ cuŋŋe, ni tïïc gø ni nëënö ki køør luumma nyään na met.

2 Timöthi 1:13

Caath køør luum pwöc mana näk adïëri na wïnynyï baŋa, niï caatha køør ŋäädhe ki mëër na en ri Krictø Jecu.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

2 Timöthi 2:3

Lwør kurï ri gïï wø leth, ni ïïna ŋat leny ma wøp mar Krictø Jecu.

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

Tayta 1:4

A göönna baŋï, ï na Tayta, ï na wääda ma adïëri ki ri ŋäädhe mana nywaaø. Met ec ki bëët-mëër ni en jï Jwøk na näk Wuuö ki Krictø Jecu na näk Pïëmi marø, en bäätï.

Ibaru 9:15

Kiper manøgønø, ena nyïjöö mar luumma tuut na nyään, kiper nee olaaw mana näk adïëri na bäŋ cuŋŋe na buuk nee ci jï jøøa cwøl, kiper mana tïme ni da ŋat mo othøw man wø wïïl geni wøk yïth moa dhalge ri luumma kwøŋ tuut na bëënge.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.