2 Jøøn 1:6 - Wëël Jwøk

⁶ 'Ba mëër beeye ki man caadhø køør gïïa cem. Ni mana ceme beeye en, keda mana wïnynyu gø cøøn, nou doo caatha køør mëër.

2 Jøøn 1:6 Iomraidhean Croise

Jøøn 14:15

«Ni näk mou mëër ki aani, luupa dou gwøø.

Jøøn 14:21

'Ba ŋat wø ŋäc luupa ni gwøk geni beeye ŋat wø mëër ki aani. 'Ba ŋat wø mëër ki aani, Wära omëëyi ki gø, ni ööa ni mëëya ki eni ni nyoodha raa jïre.»

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

Jøøn 15:10

'Ba ni näk luupa you gwøø, uuno bëëdö ni mëëya ena bäätu, keda mana gwøa luup Wära ni bëët mëëye bääta.

Jøøn 15:14

Uuna nyïïawääta ni näk mana caana jïïu tïïyu tïïö.

Tiet Ciik 13:4

'Ba caathu køør Wuuö Jwøk na näk Jwøu, ni lwäärru eni; gwøgu ciik moe ni leŋŋu dwøre; tïnynyu eni ni göögu ree.

1 Jøøn 2:24

Wëëgu gïna wïnynyu cøøn bëëtö cwïnynyu. Ni näk gïna wïnynyu cøøn bëëdö cwïnynyu møn, uuno put bëëtö dëër Wäädö ki Wuuö.

1 Jøøn 2:5

'Ba ŋat wø gwøk luumme, ŋatøca mëëc Jwøk othur kare cwïnye na adïëri. Ni beeye gïnögø noo ŋääø gø ni ø ena dëëre.

1 Jøøn 2:7

Omëëya, a ba göör dwøl mo nyään baŋu, 'ba beeye dwøl mana näk oruuö cøøn na en jïïu. Ni dwøl manøgø no oruuö enø beeye luumma wïnynyu.

1 Jøøn 5:15

'Ba ni näk mo ŋääø nø ni eni döötø wø wïnynye wïnynyö ki gïï wäro pëënynyø bëët, ŋääø nø ni gïïa pëënynyø baŋe wø cøøa jïïø.

1 Jøøn 5:3

'Ba mëër ki Jwøk beeye ki man gwøø gïïa ceme. Ni gïïa ceme dhaanhø ba ööle.

2 Jøøn 1:5

'Ba kawaane a kwaya ïïni, ï na dhaagø, ni paa naa gööra dwøl mo nyään baŋï, 'ba beeye mana en jïïø cøøn, ni mëërø ki røgø.