1 Timöthi 6:9 - Wëël Jwøk

⁹ 'Ba jø wø many man tïmge no okwär, wø pätha jöör päänynyö ya abïëp, ni tïmge ni ge manynya gïï mo oballe jaak mo raanynya geni, ni beege gïï wø käl rääö ki ränynyö dëëtge.

1 Timöthi 6:9 Iomraidhean Croise

1 Nyeye 21:6

'Ba ena köö jï cïïe, ni «Aana cäänö ki Naböth nyï Jedhriel ni kööa, ni ‹Cïp pwöth omøki marï jïra nee ŋeea ki gwel. 'Ba ni näk mo yiï met, aani a cïpö jïrï ki pwöth omøki mør na kar pwödhö manøgø.› 'Ba Naböth aköö, ni ‹Pwöth omøki mara ba cïba jïrï.› »

Pwöc Leec Wïc 15:27

Ŋat mo cwïnye päl ni wø joot jammi ki jöö mo paa adïëri wø kïtha paare yi ränynyö, 'ba ŋat wø män ki jammi mo wø cïp ki piny, eni bëëdö ni kwøw.

Pwöc Leec Wïc 20:21

Jap wø dööŋ mo wø laar lwør ni karge poodi, bäŋ gwïëth mo pïï bäätge.

Pwöc Leec Wïc 21:6

Jap kwärö mo wø joot ki køør tööt caala rwöc ni wø laar aay, ni caala abïëp mo duunnö ki thøø.

Pwöc Leec Wïc 22:16

Ŋat wø møt dhaanhø mo can nee jap kwärö moe meede, ki ŋat wø cïpi jï jøøa näk okwär, wø pätha yi can.

Pwöc Leec Wïc 23:4

Kär niï ööla riï niï jïtï ki jap kwärö; bëëdï ni wïïï leer ni weyï acaara manøgø.

Aydheea 5:8

'Ba otïmö ni leth jïïu, u ni wø meet uudi mou ki uudi møøk, ni wø mëën bäät pwöth mou ki pwöth møøk, ni tïme ni bäŋ kany mo dööŋ jï jiy møga, ni dööŋŋa u keeru yi ŋöömö manøgø.

Dhekaraya 11:5

'Ba jø wø ŋeew ge wø ŋaalge ŋaalø ni putge aay ni dëëtge bäŋ ajäla. Ni ö jøøa gath ge ni köge, ‹Waana kwär! Pwøc en jï Wuuö Jwøk!› 'Ba dïkwääye moge cwïnyge ba pädhi ki gïrge.

Kwään Jiy 31:8

'Ba nyeye mo Midien moa näk abïïc anäkge ki jøøgø na aciel, ni nyeŋ nyeye moøgø beege Ëwi, ki Rekem, ki Cuur, ki Ur, ki Riba; ni 'näkge Beelam o Beeyör thuwø ko opëëllö.

Mathiew 13:22

'Ba mana jør yïth koodhi, beeye ŋat wø wïny luubö. 'Ba eni bëëdö ni lääŋŋa jap piny, ki mëëc kwär. Ni ö gïïögø ni bøøcge luummögø, ni ba jïte ki nyeŋ.

Mathiew 19:22

'Ba kanya ö nyenøgø na wïny gïnögø, ena aay ni cwïnye opädhö. Kiper eni jïre da jammi mo thööth døc.

Mathiew 26:15

ni kööe, na «?Agïnaŋø noo mëëgu aani ni näk mo Jecu cïba ceŋŋu?» Ni moocge eni ki gwel ma pïëradäk.

Mathiew 6:19

«Kär dëëtu kännu ki jammi bäät pinyi en, ni da alweela ki nyal mo raanynya ge, ki kuuwe mo turö ki uudi mo kwädö.

Maak 4:19

'ba jap piny ni wø lääŋŋi, ki mëëc kwär, ki many jammi møga wø cøøa yie, ni bøøcge luubö, ni ba jïtge ki nyeŋ.

Luk 12:21

'Ba beeye enønø jï ŋat wø känö ki jammi kiper dëëre keere, ni patha okwär nyïm Jwøk.»

Luk 21:35

Kiper cäŋöce ööa bäät jiy bëët moi ni bëëdö wï ŋöömö bäre en.

Moa Tïïc Nyïïatwieli 8:20

'Ba Piter aköö ki eni, ni «Ränynyï ki japï na aciel, kiper na caarï gø ni muuy mar Jwøk diï joodø ki gwel.

Epeca 4:22

Weyu bëëtö maru mana dïkwøŋ na kwøŋu bëëtö ki gø na raac ki køør japa reyø na nieŋ cwïnynyu køørge na cøøk uuni.

Tiet Ciik 7:25

'Ba gïïa tieŋge na juu moge dou waaŋø ki maac. 'Ba kär dee gïn manynyu ri warkey wala gwel-bïrö mana näk oleeny dëëtge, ni ba kädu rege kiper dëëtu, nee ba tïmge ni caala abïëp kiperu, kiper gïïögø beege gïï mo Wuuö Jwøk na näk Jwøu yie raac ki ge døc.

1 Timöthi 1:9

Ni ŋääø ni ciik Jwøk bäŋ wø caan kaper jøøa beyø, 'ba wø caan kaper jø wø wïnni na wïthge teek, ki jø wø kuc Jwøk, ki jø raay, ki jø wø bäŋ gïn wøørge ni wø taak mo Jwøk, ki jø wø nääŋ wëëkge ki mëëkge, ki jø wø nääŋ jiy jaak.

1 Timöthi 3:7

'Ba wär tïme na dhaanhø mo ŋäc jøø ni en wøk yøø ni bëëtö mare beer. Kiper kanymør eni jïtö ka ajøøŋ, ni päth ya abïëp anägö.

1 Timöthi 6:10

Kiper mëëc jammi beeye wø käl teeŋ raay bëët. Ni beeye päl cwïny kiper jammi na tïm jø møøki ni geno gaa wøk ri ŋäädhe, ni raanyge cwïnyge ki luup mo thööth mo leth.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

2 Timöthi 2:26

nee bøthge ki ya abïëp mar anägö, na kwøŋ ge peec kiper nee mana manynye tïïcge.

Tayta 2:12

ni wø pwöny øøni ni wiiø gïïa ba en jöör Jwøk ki gïïa reyø ni wø many cwïnynyø, nee ø bëëdø ni dëëtø yøø mänö ki raay, ni marø beer, ni bëëtö marø pinyi en ena jöör Jwøk,

Jøcua 7:11

Jø Icriel beege na bääyö; geni luumma mana tuuda na köömma geni ki gø akaalge. Gena lwötö røk gïïa näk onø wëëk geni nee raanyge na bäre, ni kwalge gïïögø, ni cäänge ki tööt. Køøre gïïögø akange dï jammi moa näk moge.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.