1 Timöthi 6:4 - Wëël Jwøk

⁴ ŋatøgø päŋŋa cwïnye ka atöör, ni bäŋ gïn ŋääe. Eni wïïe raac no okadhø ki pïëc, ni yie met ki pïëm tiet luup, ni wø käl gwön, ki wëëye, ki waac nyeŋ, ka adïëde mo reyø,

1 Timöthi 6:4 Iomraidhean Croise

Pwöc Leec Wïc 13:7

Dhaanhø mør ree wø di cøøgø ni eno kwär, 'ba bäŋ gïrpiny jïre; ni dhaanhø mør ree wø di cøøgø ni eni can, 'ba eno kwär.

Pwöc Leec Wïc 25:14

Ŋat wø buuk muuy mo ba cïbe, caala pøøl ki jamø mo öö mo ba cïpi ki køth.

Pwöc Leec Wïc 26:12

?Dhaanhø mo köö ni wïïe leer ki jïre ajootï? Da ŋäädhe mo thiinh kiper ŋat mo wïïe känni ni kaala teeŋ ŋatøgø.

Aydheea 58:4

Ka adïëri møn, këël na bëëdu nou wödö, u poot pïëmu nou këëdö, ni dëëtu pöötu pöötö ka alööŋŋe mo reyø døc. Teeŋ wödö man wø wödu ki gø manøgø, döötu ba tïïe nee pïïe maal baŋa, a na Wuuö Jwøk.

Moa Tïïc Nyïïatwieli 15:2

'Ba na nø jït Pøølli ki Barnaba ki pïëm mo ba thiinh ni ge løøŋŋa luummögø ki jøøgø, gena kwany ki jø møøk nee cige yi Jerucalem baŋ nyïïatwieli ki jaak acooŋ Jwøk, nee tier luummögø neenge.

Moa Tïïc Nyïïatwieli 18:15

'Ba na tïme na luum pïëc kiper luup ki nyeŋŋi, ki luum ciik Jwøk maru, neennu yie keeru. Aana kweer ki man ŋøla luupögø piny.»

Moa Tïïc Nyïïatwieli 8:9

'Ba kanyøce da nyen mør mo nyeŋŋe Cayman, mo okwøŋ tïïö ki tïï ajwøa paanøce, na thääŋ yïth jø Cameria bëët, ni eni wø köö ni ena ŋat mo dwøŋ døc.

Wëëlö Mana Göör Pøølli Baŋ Jø Röm 12:16

Bëëdu ki cwïny aciel. Käru tïmö nou töödö, 'ba ŋïïyu ki jø wø can. Ni ba caarru gø ni kadha uuni.

Wëëlö Mana Göör Pøølli Baŋ Jø Röm 13:13

Beerra man bëëdø ki bëëtö mo beer na man wø bëëdö ki gø ki waŋcäŋ, ni ø ba wïïri ni meeyø, wala øøna kääpe ni dëëtø yøø cïbö jï raay, wala ø wëëyø ni këëø.

Wëëlö Mana Göör Pøølli Baŋ Jø Röm 14:1

'Ba ŋat mo ŋäädhe mare thiinh wär pänhnhu, ni paa kiper nou pïëmu ki gïr gïïa caare.

Wëëlö Mana Göör Pøølli Baŋ Jø Röm 2:8

'Ba mar jø wø ŋäc dëëtge keerge ni wø ba leŋ adïëri ni ge jïëya raay, beeye gootø ki wëër noo en nyïmge.

1 Körin 11:16

'Ba nee da ŋat mo manynya man pïëme kiper gïn, bäŋ jöö mør mo ŋäcwa, këël ki yïth acook Jwøk.

1 Körin 11:18

Kiper mana dïkwøŋ na wïnynya, akøp ni kany wø cooŋŋu dëëtu ni uuna acooŋ Jwøk, ni da apääk dïïu, ni jïëa gø ki mo thiinh.

1 Körin 3:18

Kär dee ŋat mo cøøk ree keere. 'Ba ni näk da dhaanhø dïïu mo dëëre ee caarø ni wïïe leer pinyi en, wär eni tïme kaamar bøøl, nee wïïe tïme ni leer na adïëri.

1 Körin 3:3

Kiper cwïnynyu poot ena køør mo dëël, kiper kanyo poode nou këëö ni dïïu da pïëm, ?aŋø, cwïnynyu ba poot en køør mo dëël, nou bëëdö nou caala jiy møga jaak?

2 Körin 11:20

Kiper u wø laara jïëy ni näk da ŋat mo öö ni døøc u laaŋe, wala eni raanynya japu, wala møta uuni, wala cäädhi ka atöör, wala dhööŋŋa thäŋŋu.

Galeecia 5:15

'Ba ni näk mou kaaya dëëtu ni møønnu rou, dëëtu wär gwøgu, nee dëëtu ba raanynyu.

Galeecia 5:26

Kär dee atöör jïïø, ni bäŋe ŋat miin ŋat mør, ni bäŋe ŋat gwöni ki watge mør.

Galeecia 6:3

Kiper ŋat wø caar dëëre keere ni kare dwøŋ, ni kare ba dwøŋ, eni cøøga ree keere.

Pilipay 1:15

'Ba jø møøk gïr Krictø køpge kaper gwön ki pïëm na en cwïnyge, ni ö jø møøki ni køpge gø ni cwïnyge leer jaak.

Pilipay 2:14

Tïïyu jammi bëët nou ba dwaalli ni bäŋ pïëm,

Pilipay 2:3

Ni bäŋe gïn mo tïïyu ki cøl cwïny wala atöör, 'ba beerra man caarru gïr jiy møga, ni beyø geni ki uuni, nou mwöl.

Köløcia 2:18

'Ba kär dee ŋat jääl uuni ni caana gø, ni «Dwøgu rou cään,» ni «Wøørru nyïïatwiet maal,» ni eni ŋäya lääk moe keere, ni eni töödö kiper gïn mo bäŋ tiere, kiper cwïnye na poode køør mo piny,

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

1 Timöthi 1:4

ni ba öölge dëëtge ki leere, ki luup tiet tuŋi mo kwäre moge, ni wø känni ki pïëm mo bäŋ tiere, ni wø ba pwöny dhaanhø ki jöör Jwøk na en ri ŋäädhe.

1 Timöthi 1:7

Ni ge manynya man tïmge ni gena dïpööye mo ciik Jwøk, këël na kucge tiet gïï wø carge, wala gïï wø pïëmge kiperge.

1 Timöthi 3:6

'Ba eni kär näk ŋat mo kanya jïëe yie poot cään, kiper kanymør cwïnye laara jïtö ka atöör, ni päth ya ajäla kaamar anägö.

2 Timöthi 2:14

Par wïthge ki gïn, ni köömmï geni nyïm Jwøk, ki man kwierge pïëm tiet luup ni wø bäŋ gïn mo joot rege, 'ba beeye ränynyö keere jï jø wø wïny gø.

2 Timöthi 2:23

Kär dee gïn jølï ri pïëm luup bøøl moø ni bäŋ tietge yøø. Ŋäyï ni gïïögø wø käla wëëye.

2 Timöthi 3:4

na jø abuua, ni gena köönynye, ni cwïnyge päŋ ka atöör, ni ge mëër ka jap dëëtge ni ge ba mëër ki Jwøk.

Tayta 3:9

'Ba kwier pïëm bøøre, ki luup tiet tuŋi mo kwäre, ki wëëye, ki pïëm tiet luup mo ciik Jwøk. Kiper gïïögø reyø, ni bäŋ gïn duuge.

Jeemeth 1:19

'Ba ŋäyu gïn, nyïïmera, u na mëëra ki uuni. Beerra man ö ŋati man nø ni laar luubö wïnynyö, ni ba laar cäännö, ni ba laar wëër.

2 Piter 2:12

'Ba geni na caal lääy na bøøre, gïïa näk ocwääö ni wø caath køør gïï wø ŋäcge ki cwïnyge, na nywöli kiper nee maaŋŋi ni nääŋŋi, ge buua gïï mo kucge, 'ba geno ränynyi ki geni ciel kanyo raany geni,

2 Piter 2:18

'Ba dhøkge päŋ ka atöör jammi mo oballe jaak, ni ge maaŋŋa wïth jøøa bøth kany mo cään en, ceŋ jøøa en yïth raay, ki gïïa reyø ni wø many dëër dhaanhe.

Juut 1:10

'Ba jøøgø gïï wø kucge wø janyge janynyø. Ge bëëdö kaamar lääy ni wø ba cädö, ni gïï wø tïïcge beege gïï wø raany geni.

Juut 1:16

'Ba jøøgø gena jø gwön ni bäŋ gïn mo pwøcge, ni ge caatha køør gïïa reyø ni wø nieŋ cwïnyge køørge, ni dhøkge päŋ ka atöör, na jø wø mwøth jiy kiper nee ge jïtge ki jammi.

Mana Nyooth 3:17

Kiper ï wø köö, ni ‹Aano kwär, ni japa atïmö ni thööth, ni bäŋ gïn manynya.› Ni kuyï gø ni ïïno ränynyö, ni cwïny opädhö ki gïrï, niï can, ni ïïna cwør, niï cäädhï ka dëërï.