1 Timöthi 6:20 - Wëël Jwøk

²⁰ Ï na Timöthi, gwøk gïna wëëk ïïni. Kwier luup mo ba en jöör Jwøk, ki pïëm mar gïn wø cwøl ni kwänynyö, ni patha eni.

1 Timöthi 6:20 Iomraidhean Croise

Moa Tïïc Nyïïatwieli 16:1

'Ba Pøøl ki Cayla gena öö Derbe ki Litara thuwø. 'Ba kaace da bääŋ mo nyeŋŋe Timöthi, ma o nyakøøn jø Juuth mo ojïëy. 'Ba wänni ŋat Gïrïïk.

Moa Tïïc Nyïïatwieli 17:18

'Ba jø møøk thuwø dëët jø acaara mo Epikurien ki jø acaara mo Ectöik arøømmø ki eni. Ni kö jø møøki, na «?Agïnaŋø ni wø caan ŋati na ŋat dïlweel en?» 'Ba møøk aköö, «Eni nëëni kee pwönynya jiy ki teeŋ juu møøk,» kiper na køp luumma nyään na met mar Jecu ki mar duun wøk ki yi thøø.

Moa Tïïc Nyïïatwieli 17:21

'Ba jø Athen bëët ki jøøa path mo wø bëëdö kaace, cääŋŋe bëët wø thöörge ni ge cara luup mo nyärö ni wïnynya moge.

Wëëlö Mana Göör Pøølli Baŋ Jø Röm 1:22

'Ba na köge ni wïthge leer, gena tïmö na bøøre,

Wëëlö Mana Göör Pøølli Baŋ Jø Röm 3:2

Oduunnö møn ki yïth luup bëët. Mana dïkwøŋ beeye ni jø Juuth luup moa caan Jwøki awëëk geni.

1 Körin 2:6

'Ba da leec wïc mo wø caanwa caanø dï jøøa wïthge leer. 'Ba paa leec wïc mar pinyi en, wala man wø car jø bëën pinyi en, jøø ni teekge ojøøl yøø.

1 Körin 3:19

Kiper leec wïc mar pinyi en beeye gïr bøøl ki jï Jwøk. Kiper ogöörö, ni «Eni jø wø ŋääth leec wïc marge keerge wø wëëge mak ka abïëp riek waŋ marge.»

Köløcia 2:18

'Ba kär dee ŋat jääl uuni ni caana gø, ni «Dwøgu rou cään,» ni «Wøørru nyïïatwiet maal,» ni eni ŋäya lääk moe keere, ni eni töödö kiper gïn mo bäŋ tiere, kiper cwïnye na poode køør mo piny,

Köløcia 2:8

Gwøgu rou, nee bäŋe ya ŋat mo tïïc uuni na laaŋe ki køør luum acaare mo jiy, ki man maaŋ wïthu ki luup mo oballe jaak, keda luup kwäre ni wø caan jiyi, ki juu mo bäät piny, ni paa moa näk mo Krictø.

2 Thecalönika 1:4

Beeye ni töötwa kiperu yïth acook Jwøk en, kiper mana bëëdu nou teek nou ŋäädhö yïth gïïa caan uuni ki ge, ki moø ni leth ni poot jwørru yøø.

2 Thecalönika 2:15

Kiper manøgø, nyïïmera, cuŋŋu nou teek, nou ŋäya luup moa pwönywa uuni ki ge, kaawat mana wïnynyu dhøkwa, wala moa jootu yi wëëlö.

1 Timöthi 1:11

kaawat pwöc mana en ri luumma nyään na met mar Jwøø ajiem na näk ogwïëdhö na wëëk aani.

1 Timöthi 1:2

A göönna baŋï, ï na Timöthi, ï na wääda ma adïëri ki køør ŋäädhe. Met ec ki bäth-ec ki bëët-mëër na en jï Jwøk na näk Wuuö ki Krictø Jecu na näk Kwääyø bëëde bäätï.

1 Timöthi 1:4

ni ba öölge dëëtge ki leere, ki luup tiet tuŋi mo kwäre moge, ni wø känni ki pïëm mo bäŋ tiere, ni wø ba pwöny dhaanhø ki jöör Jwøk na en ri ŋäädhe.

1 Timöthi 1:6

'Ba jø møøk gïïögø awecge ni gaage wøk køør luup mo oballe jaak.

1 Timöthi 1:9

Ni ŋääø ni ciik Jwøk bäŋ wø caan kaper jøøa beyø, 'ba wø caan kaper jø wø wïnni na wïthge teek, ki jø wø kuc Jwøk, ki jø raay, ki jø wø bäŋ gïn wøørge ni wø taak mo Jwøk, ki jø wø nääŋ wëëkge ki mëëkge, ki jø wø nääŋ jiy jaak.

1 Timöthi 4:7

Bëëdï ni karï bäär ki leere mo oballe na näk ba en ri luum Jwøk. Pwöny riï ki bëët jöör Jwøk.

1 Timöthi 6:11

'Ba ïïni, ï na dhaanh Jwøk, tïïc karï ni bäär ki gïïögø. Këël wïïï ri gïïa beyø ki bëët jöör Jwøk, ki ŋäädhe, ki mëër, niï teek, niï mwöl.

1 Timöthi 6:14

ki man gwøgï mana cem Jwøki na kare, nee bäŋe ŋat jøøŋ gø këël mano neen Kwääyø ma Jecu Krictø.

2 Timöthi 2:1

Ï na wääda nø, bëëdï niï teek ki ri met ec mana en ri Krictø Jecu.

2 Timöthi 2:16

Kwier luup moø ni ba en jöör Jwøk yøø, kiper jiy bwødhe wøk jöör Jwøk, ni kadhe døc.

Tayta 1:14

ni ba cekge ïthge ki leere mo jø Juuth, wala dööt jøøa kweer ka adïëri.

Tayta 1:4

A göönna baŋï, ï na Tayta, ï na wääda ma adïëri ki ri ŋäädhe mana nywaaø. Met ec ki bëët-mëër ni en jï Jwøk na näk Wuuö ki Krictø Jecu na näk Pïëmi marø, en bäätï.

Tayta 1:9

Ni eni doo maga luumma näk adïëri keda mana pwönynyi ki gø, kiper nee tïme ni maara pöö ki pwöc ma adïëri, ni pïëme ki jø wø taak pwöc moe thuwø.

Tayta 3:9

'Ba kwier pïëm bøøre, ki luup tiet tuŋi mo kwäre, ki wëëye, ki pïëm tiet luup mo ciik Jwøk. Kiper gïïögø reyø, ni bäŋ gïn duuge.

Mana Nyooth 3:3

Caar wïïï nø, ki gïna wëëk ïïni na wïnynyï. Gwøgï, ni løgï cwïnyï. 'Ba ni näk ï ba päy, a öö kaawat man wø ö kuuwi, ni kuyï caanno ööa baŋï yie.