1 Timöthi 6:2 - Wëël Jwøk

² 'Ba jøø ni kwääri moge ojïëy yøø, kär wïthge tïmö ni teek kiper mana tïmge na nyïïmëëe. 'Ba ge doo puta tïïö ki tïïc ma wøp, kiper mana tïme ni jøø ni tïnyge yøø, gena jiy mo ojïëy ni ŋääthge, no omëëcge. Beerra man pwönynyï geni ni köömmï geni ki gïïögø.

1 Timöthi 6:2 Iomraidhean Croise

Jool 2:28

«'Ba noo tïme na køør gïïögø, aani, Jwïëy 'moa kïtha bäät jiy bëët, ni ö wäätu ki nyïïu ni køpge dwøra, ni ö jäle mou ni läkge ki lääk, ni ö wøpe mou ni neenge jammi mo nyïm mo wø nyooth ki yi wïc.

Kwään Jiy 16:3

'Ba geni rege acooŋge kiper Modhe ka Aran ni köge jïge, «Wui, maru ka akadhø nø; kiper jø lwaak bëët beege jiy mo ena kur keerge ni gena mo Wuuö Jwøk, ni ö Wuuö Jwøki ni en dïge. ?Aperŋø nø ni tïïyu rou nou døøŋŋø bäät lwaa Wuuö Jwøk?»

Mathiew 23:8

'Ba uuni, u ba doo cwølø ni Dïpööye. Kiper jïïu da Dïpööy aciel, ni uuna nyïïmëëe bëët.

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Moa Tïïc Nyïïatwieli 1:15

'Ba yïth nïrögø Piter ree athïïŋe dï nyïïmëëe moa näk bääk Jecu. 'Ba acooŋa bäre jïtö ki kar jiy ma dïpa aciel ki pïërariiø. Ni kö Piterri jïge,

Wëëlö Mana Göör Pøølli Baŋ Jø Röm 11:17

'Ba ni näk bäädi møøk otuur wøk, ni ö ïïni na näk jaath paap ni rap ïïni karge niï nywaagï beeny jaath paac,

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Epeca 1:1

Aana Pøøl na nyïïatwiel mar Krictø Jecu ki køør mana many Jwøki. A määtha u na jø Jwøk ni wø ŋääth ki ri Krictø Jecu.

Epeca 1:15

Kiper manøgø nø, na wïnynya gøøni ni Kwäärö ma Jecu you ŋäädhö møn, nou mëër ki jø Jwøk bëët,

Epeca 3:6

Ni beeye ni juurre atïmö na lwiidhi ki jø Jwøk na aciel, ni gena dëël aciel, ni karge dagø ri buuk mana buuk ki ri Krictø Jecu ki køør luumma nyään na met.

Köløcia 1:2

A määtha uuni na jø Jwøk na en Köløcia, u na nyïïmëëe moa näk oŋäädhö ni en dëër Krictø. Met ec ki bëët-mëër man wø ööi ki baŋ Jwøk na näk Wääø bëëde bäätu.

Köløcia 1:4

Kiper awïnywa ni uuno jïëy ni ŋääthu Krictø Jecu, ni wïnywa mëër maru, nou mëër ki jø Jwøk bëët,

Köløcia 4:1

U na kwääri, bëëdu ki laaŋe mou na wøpe, ni ba caannu geni, ni ŋäyu gø ni jïïu da Kwäärö maal thuwø.

2 Thecalönika 1:3

'Ba nyïïmera, met ec marwa ba maarwa wec ki man dwøkwa gø jï Jwøk cooth kiperu, ni beeye mana beer ki man tïïcwa gø, kiper mana tïm ŋäädhe maru ni päl, ni ö mëërri maru mana mëërru ki røgu ni meet ree.

1 Timöthi 4:11

Kööm jiy ni pwönynyï geni ki gïïögø.

1 Timöthi 5:1

Kär ŋat mo dwøŋ joogï ki luubö mo teek, 'ba köömmï kaawat mana diï wäru köömmö, ni cäännï wøpe kaamar nyïïmeru.

Tayta 2:1

'Ba ï ki dëërï, pööï ki gïï mo orømø ki pwöc mana näk adïëri.

Tayta 2:15

Køp gïïögø jïge døøc. Ni köömmï geni ni joogï ge, ni teegï iï nyoodhø jïge, ni bäŋe ŋat mo taak marï.

Tayta 3:8

'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

Ibaru 3:1

Kiper manøgønø, nyïïmera, u na en kur keeru na mo Jwøk, ni nywaak cwönna öö ki maal, caarru gïr Jecu, na näk Nyïïatwiel na Kwääy Lam Mana Dwøŋ mana jïëø ki gø.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

1 Piter 5:1

Kiper manøgønø, a köömma jaak acooŋ Jwøk ni en dïïu, ni näga jaa thuwø, na ŋata neen gïïa leth na jwør Krictø, naa nywaaga ajiem mano nyooth.

2 Piter 2:10

Ni kadha jø wø rïïŋi køør gïïa reyø ni wø nieŋ cwïnynyi køørge røk, ni wø taak teek Jwøk. 'Ba kiper na bäŋe gïn mo wøørge ni cwïnyge teek, ge ba lwäär ki man janyge moa jïge da ajiem maalø.

Juut 1:8

'Ba jøøgø poot raanynya dëëtge na enøgønø thuwø ki gïï mo patha karge ni wø lääŋge, ni kwierge teega bëënge, ni janyge moa jïge da ajiem maalø.