1 Timöthi 6:12 - Wëël Jwøk

¹² Këël leny ŋäädhe ki leny ma wøp. Ni magï kwøw mana näk adïëri mo bäŋ cuŋŋe na cwøl ïïni kipere, kanya køpï luubö marï na wøp nyïm jøøa thööth na wïny gø.

1 Timöthi 6:12 Iomraidhean Croise

Pwöc Leec Wïc 3:18

Ena jaath kwøw jï jø wø göök ree, ni jø wø mak gø di gwïëdhö.

Obeec Dudi 3:4

'Ba kanya pöödha ki buutge mo thiinh, ŋata mëëra ki gø ki cwïnya aputa joot, ni puta gø mak ni mäna gø ki wääth, ni kïtha gø po mera, yi øtø mare, eni na nywøl aani.

Aydheea 44:5

'Ba ki dï jøøgø, ŋat mør köö, ni ‹Aana mar Wuuö Jwøk;› ni ö maya ni cwøl nyeŋŋe ri Jeekap; ni ö mørri ni gööt cere, ni ‹Manna mar Wuuö Jwøk,› ni cak nyeŋ Icriel na nyeŋ mo owøørø.»

Dhekaraya 10:5

'Ba geni bëët, geno tïmö kaamar jø leny mo teek mo wø nyør nyïïmän moge ri leny yïth odhöönhe mo nyeŋ jïëthe. 'Ba kiper mana näk mo Wuuö Jwøk bëëdö ka geni, geno këëdi ni böötge jø wø këëdi ki bäät okwëënyi.

2 Körin 6:7

ki køør caan luup na adïëri, ki køør teek Jwøk, ki køør jap leny mar cer cwïïc ki cer caam, na näk beeye bëënynyö.

2 Körin 9:13

Kiper tïïögø nyootha bëëtö maru, ki man näk mo uuno tïmö nou jiema Jwøk ki køør mana leŋŋu luumma nyään na met mar Krictø na jïëyu, ki man cïpu ki muuce mo thööth ki bäth ec kiperge ki jø møga bëët,

Tiet Ciik 26:3

Ni ci baŋ dïlämi mano en bäät tïïc kar kaace, ni kööe jïgø, na ‹A caana gø dïcäŋi jï Wuuö Jwøk na näk Jwøa ni aana pïï yi ŋöömma kööŋ Wuuö Jwøki kipere jï kwäyø nee mëëk øøni.›

Pilipay 1:30

'Ba uuni, u ena yi gïn mo teek mo keda leny, mo caala mana kwøŋu gø joot dëëra ca, ni cäŋu gø wïnynyö kawaane naa poot ena yie en.

Köløcia 3:15

Ni wëëgu leec cwïny mar Krictø bwøth uuni ki yïth cwïnynyu, ni beeye gïna cwøl uuni kipere møn, na tïmu na dëël aciel. Ni dwøgu met ec jï Jwøk.

1 Thecalönika 2:12

ni cømwa cwïnynyu, ni caanwa gø jïïu, ki man bëëdu ki bëëtö mo beer mo orømø ki Jwøk, ŋat wø cøør uuni yi buye kiree ni mooc uuni ka ajiem.

2 Thecalönika 2:14

Ni beeye na ö eni na cwøl uuni ki køør luumwa na nyään na met na køpwa, kiper nee moa beyø na näk mo Kwääyø ma Jecu Krictø na näk rege da ajiem, nee cige jïïu.

1 Timöthi 1:18

'Ba ï na wääda ma Timöthi, a köömma ïïni ki luummi en, kaawat mana caan nyïïkuk Jwøki na wara nyoothge ïïni, kiper noo lääŋŋï gïïögø, yiï omïnni ki man këëdï ki leny ma adïëri,

1 Timöthi 1:19

niï ŋäya ŋäädhe, ni putï bëëtö ki bëëtö ma adïëri. Kiper da jø møøk mo ŋäädhe marge ege nø raanynyø, ni tïïcge gø kaamar thääŋ jääy mo oränynyö, kiper mana kwierge luup moa näk adïëri na ŋäcge ki cwïnyge.

1 Timöthi 4:14

Kär niï taaga muuy manø ni en jïrï enø, na wëëk ïïni ki køør mana caan nyikuŋ Jwøki, kanya ö jaak acooŋ Jwøki na cïpge ceŋge bäätï.

1 Timöthi 6:13

A köömma ïïni nyïm Jwøk, eni ni wø cïp kwøw jï jammi bëët, ki nyïm Krictø Jecu, ŋata käl luubö mare wøk ni beer kanya køp mare nyïm Pøntia Paylat,

1 Timöthi 6:19

'Ba kanyo tïïcge gïïögø ge këëlla tietge piny na wøp kiper yi nyïm, kiper nee un kwøw mana näk adïëri makge.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

2 Timöthi 2:2

'Ba mana wïnynyï baŋa buut jøøa thööth na wïny gø, wär wëëk jiy mo iï ŋäädhö mo maara lønyø jïge ki man pwönyge jiy møøk thuwø.

2 Timöthi 4:7

Aana këëdö ki leny ma wøp, ni thööra ŋwïëy mara, ni gwøa ŋäädhe.

Ibaru 13:23

Beerra man ŋäyu gøøni ni cöögø ma Timöthi apät, ni uuno jootwa ki eni ni näk eni laara öö.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 6:18

Kiper nee øøni na reŋ kar køny nee cwïnynyø cømø døc ki man maaø ŋäädhe mar yi nyïm mana møør nyïmmø, ki køør gïïögø na ariiø yøø na näk ba maar daaø, gïïa näk ba løny jï Jwøk ki man caan luup mo patha adïëri rege.

1 Piter 3:9

Kär nou dwøga raay jï ŋato tïïc raay dëëtu, wala ajaany jï ŋato jany uuni, 'ba mana dou tïïö, u doo gwïëtha eni. Ni beeye gïnögøøni na cwøl uuni kipere, nou gwïëth.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

Juut 1:3

Omëëya, a doo manynya man göönna baŋu kiper luum pïëm man piem øøni ki gø ni nywaaø en, 'ba acäŋa jootø ni doo beerra eni jïra ki man göönna baŋu naa köömma uuni ki man pïëmu kiper ŋäädhe mana wëëk jø Jwøk yie aciel ni bäŋ mørø.

Mana Nyooth 3:3

Caar wïïï nø, ki gïna wëëk ïïni na wïnynyï. Gwøgï, ni løgï cwïnyï. 'Ba ni näk ï ba päy, a öö kaawat man wø ö kuuwi, ni kuyï caanno ööa baŋï yie.

Pïëmme 3:2

'Ba gïnögø atïïc Wuuö Jwøki kiper nee beenhnhe mo jø Icriel moa näk lenye kucge dïkwøŋ nee kwänyge ki leny.