1 Timöthi 6:10 - Wëël Jwøk

¹⁰ Kiper mëëc jammi beeye wø käl teeŋ raay bëët. Ni beeye päl cwïny kiper jammi na tïm jø møøki ni geno gaa wøk ri ŋäädhe, ni raanyge cwïnyge ki luup mo thööth mo leth.

1 Timöthi 6:10 Iomraidhean Croise

Wïlöölö 29:14

Ni kö Leeban jïgø, ni «Ka adïëri møn, ïïna tuuŋwa mana näk rem dëëra kiree.» Ni ö Jeekapi ni put bëëdö ki dwääy aciel buut Leeban.

Wïlöölö 29:26

'Ba Leeban aköö, ni «Manøgø paa kööŋŋö mar powa, ki man nywøm ŋata thiinh ni ŋata dwøŋ poodi.

Wïlöölö 34:27

Ni ö wäät Jeekapi møga ni cige dï jøøa thøw ni twierge pääny kiper mana ö jøøgø na raanyge cokge.

Wïlöölö 38:16

Køøre ena gaa baŋ gø thääŋ øtjöö, ni kööe, «Ööï naa ööa baŋï na dhaagø,» kiper eni kuue ni beeye cï nyaare. Køøre Tamar aköö, «?Agïnaŋø noo mëëgï aani kiper niï ööï baŋa?»

1 Nyeye 2:40

Kanyøgønø, Cimiy aput ö maal ni jiiŋ arëën mare, ni ci Gëth baŋ Akïc kuna many laaŋe moe, ni käl geni.

2 Nyeye 5:27

'Ba ennø, dhøøbø mana en dëër Neeman ööa dëërï ni neegän dëërï ki dëët jiy moo käl dëërï na bäre bäre.» Køøre Gaadhi aput aay buut Ilaaca, ni ö dëëre ni put jïtö ki dhøøbø, ni neepwøth ni tar.

Pwöc Leec Wïc 1:19

Man beeye gïno tägi dëët jø wø cwïnyge päl ni wø joot jammi ki jöö mo paa adïëri, ni teeŋ bëëtö manøgønø, jwïëc jøøgø käle kälö.

Pwöc Leec Wïc 1:31

kiper manøgø nø, gïïo duu uutjïëth tïïe moge obelge, ni jäŋge ki gïïo jootge ki køør riek waŋ marge.

Pwöc Leec Wïc 15:27

Ŋat mo cwïnye päl ni wø joot jammi ki jöö mo paa adïëri wø kïtha paare yi ränynyö, 'ba ŋat wø män ki jammi mo wø cïp ki piny, eni bëëdö ni kwøw.

Luup Dïpööy 2:19

'Ba ŋäyi ŋa, kanymør ŋatøgø beeye ŋat mo wïïe leer, wala ŋat mo wïïe bäŋ acaara. 'Ba eni jammi moa tïïa ki leec wïc na ööla kiperge tier cäŋ piny kany en, dööŋ jïre. Manøgø thuwø poot na gïn mo bäŋ tiere.

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 56:11

ni ge caala guu mo owär mo ge ba jäŋ, ni ge caala dïkwääc dïëk mo tiet luup ba kwanyge. Ge bëët, gena gaa wøk ni aacge ki øtjöö marge keerge, ni ŋati man nø dëëtge manynya gïn mo joode kiper dëëre keere.

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Edhikiel 16:33

Jiy bëët mo wø gath dëëtge ki käp, ge wø di cunnö ki gwel, 'ba ïïni, ï cïpö ki muuce jï omëërri moï jaak niï ŋeewa geni ki man öge baŋï ki kwöra enge yïthge bëët, ni käbï ki ge.

Edhikiel 22:12

Ni da jiy moï mo cïpö ki gwel ki piny kiper køny rem jiy piny. Ni ïïni gwel mo wø mac baŋï tïïyï tïïö nee duui jïrï ni da wïthge, ni gwet jø møøk kälï kälö ni marï twëër, niï bëëdö ni wïïï owïl ki aani.› Luummögø caana Kwäärö Wuuö Jwøki.»

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Milkiya 1:10

Ni cäŋ köö, «Beerra mana di dhaanhø acielli cøø dëëtu ni cïëk dhøgi mo kal mar Øt Jwøk, kiper nee bäŋe dhaanhø dïïu mo äp maac bäät gïn wø cïp olämme bääte mana näk mara ki gïn mo bäŋ tiere jaak. Bäŋ gïn mo døøc yia mo met ki uuni; olämme moo cïpu jïra ba jïëa.

Mathiew 13:22

'Ba mana jør yïth koodhi, beeye ŋat wø wïny luubö. 'Ba eni bëëdö ni lääŋŋa jap piny, ki mëëc kwär. Ni ö gïïögø ni bøøcge luummögø, ni ba jïte ki nyeŋ.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 6:19

«Kär dëëtu kännu ki jammi bäät pinyi en, ni da alweela ki nyal mo raanynya ge, ki kuuwe mo turö ki uudi mo kwädö.

Maak 4:19

'ba jap piny ni wø lääŋŋi, ki mëëc kwär, ki many jammi møga wø cøøa yie, ni bøøcge luubö, ni ba jïtge ki nyeŋ.

Tiet Ciik 16:19

'Ba geni, luup moa näk karge kär daaŋge; kärge jëënyö; kärge kädö ki jammi mo wø cïp ki piny, kiper jammi mo wø cïp ki piny waŋ ŋata wïïe leer di cøørø, ni daaŋ luup mo jøøa marge thïïŋ.

Tiet Ciik 23:18

Kär dee gwel mo joot dhaage ki køør käp, wala mo joot cwøwi ki køør man wø døøge dëëtge keerge mo kälu øt Wuuö Jwøk na näk Jwøu na muuce mo doo cïbö ki køør kööŋ maru, kiper tïïe moøgø karge riet Wuuö Jwøk na näk Jwøu yie raac ki geni.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

1 Timöthi 3:3

ni patha ŋat meeye, wala ŋat lenye, ni ba wëëyi, 'ba eni doo mwöl, ni cwïnye ba päl ki jammi.

1 Timöthi 6:21

Kiper da jø møøk mo ogaa wøk ki jöör ŋäädhe, kiper mana jïëcge gïnögø. Met ec bëëde bäätu.

1 Timöthi 6:9

'Ba jø wø many man tïmge no okwär, wø pätha jöör päänynyö ya abïëp, ni tïmge ni ge manynya gïï mo oballe jaak mo raanynya geni, ni beege gïï wø käl rääö ki ränynyö dëëtge.

2 Timöthi 3:2

Kiper otïmö ni ŋati man nø mëër ka ree, ni jiy mëër ka jammi, ni ge töödö, ni ge koorrø, ni dhøkge ŋaam, ni wïthge teek ki jøøa nywøl geni, ni bäŋ met ec mo maarge dwøgø, ni luum Jwøk kucge.

2 Timöthi 4:10

Kiper Diima aana wiie ni aae, kiper mana mëëre ki piny man en, ni ci Thecalönika. 'Ba Karecen aci Galeecia, ni ö Tayta ni ci Dalmacia.

Tayta 1:11

Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

Jeemeth 5:19

'Ba nyïïmera, ni näk da dhaanhø dïïu mo gaa wøk ri jöör adïëri, ni duui ya ŋat mørri kare,

Jøcua 7:21

Aani, ki røk jammi moa twier bëët, kanya jooda abïï mo mïërö mo tïïca paana cwøl ni Cinaar, ki warkey ma lwøŋŋø ma rumme ma pïërabïïc mar rumi mana cwøl ni cekel, ki gwel-bïrö ma rumme ma dïpe ariiø mar rumi mana cwøl ni cekel, cwïnya atïmö ni päl ki ge ni lwøra geni. 'Ba ennø, gïïögø okoony piny yo oduŋkaara mana näk mara, ni gwel-bïrö beeye ni en ya aŋuudi piny tiet gïïögø bëët.»

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.

Mana Nyooth 18:13

ki wïth jer wø kïth yi kadø, ki gïï wø jïcge ŋwääi ni met, ki teeŋ mädhi mo wø ŋwääi ni met, ki kwøk nyïïomøki, ki mädhi, ki muunni ma twaye, ki beel, ki dhäk, ki dïëk, ko okwëënyi, ki jïëthe mo wø tut okwëënyi, ki laaŋe, këël jwïëc jiy.