1 Timöthi 6:1 - Wëël Jwøk

¹ 'Ba jøø bëët ni bëëdö yi laŋ ni caal twöc enø, beerra man ŋäcge kwääri moge no orømø ki wödö ma wøp, kiper nee nyeŋ Jwøk ki pwöc moe bëët nee ba jøøŋŋi.

1 Timöthi 6:1 Iomraidhean Croise

Wïlöölö 16:9

'Ba nyïïatwiel Wuuö Jwøk aköö jïre, ni «Døø baŋ Caray na tïnynyï, ni cïpï dëërï jïre ni bëëdï niï ena tiere.»

Wïlöölö 24:12

Kanyøgø ena köö, «Wui Wuuö Jwøk, ï na Jwø kwääya ma Eeberam, a kwaya ïïni ki man wëëgï gïna ööa kipere thur kare jïra dïcäŋi, ni nyoothï mëëyï ni wø ba jøøl jï kwääya ma Eeberam.

Wïlöölö 24:2

Kanyøgø Eeberam acäänö ki ŋat tïïc mare mana dwøŋŋa eni dï jø paare, na en jammi moe bëët cere, ni kööe jïgø, ni «Beerra man cïbï cerï bäät ääma,

Wïlöölö 24:27

Ni kööe, ni «Pwøc en jï Wuuö Jwøk, Jwø kwääya ma Eeberam. Eni adïëri mare ki mëëye ni wø ba jøøl käre paanyø bäät kwääya. Eni thuwø aana bwødhe ni kïth aani yi øt jø tuuŋ kwääya.»

2 Camiel 12:14

'Ba kiper gïna baayï ni dwøŋ enø, na taagï Wuuö Jwøk, nyilaal marï kiree mana lwaar dhaagø manøgø ki gø puta thøø.»

2 Nyeye 5:13

Køøre jø tïïc moe aö buute ni cäänge ki eni ni köge, na «?Awuuö, doo na nyikuŋ Jwøk caana gïn mo dwøŋ jïrï kiper nee tïïyï, ba diï tïïö cøøn? Tugi ki nyi man ni caane jïrï en, ni ‹Ci lwøgï nee dëërï døø kare ni waany.› »

Neemiya 9:5

Køøre jø tuuŋ Libay, ni beege Jëcua, ki Kadmiël, ki Bani, ka Acabeniya, ki Cërëbiya, ko Odiya, ki Cebaniya, ki Petaya, gena köö, ni «Ööu maal ni pwøyu Wuuö Jwøk, Jwøk maru, eni na nut cøøn ni bëëdö na bäre bäre.» Køøre jiy abwøthge ki lam ni köge, ni «Wui Wuuö Jwøk, pwøc en ri nyeŋŋï na näk nyeŋ ajiem na bëëdö ni ena maal ni kaala nyeŋŋi bëët moa näk opwøø.

Aydheea 47:6

Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Aydheea 52:5

Kiper manøgønø, Wuuö Jwøk aköö, ni «?Ennø, agïne noo tïïa kany? Kiper jiya akäl jaak ki gïn mo bäŋ tiere, ni ö jiyi moa käär geni ni bëëtge ni ge kwöŋŋö bäätge, ni nyeŋŋa bëëdö ni di janynyø cooth ki yïth nïne bëët.

Aydheea 58:6

«'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Edhikiel 36:20

Kwöra cige yïthge bëët dï wïth juurre, ge bëëdö ni ge pääta nyeŋŋa na en kur keere, kiper jiy cäänö kiperge, ni ‹Moøgø beege jic Wuuö Jwøk ni ee cäŋ mänö yøø ki man bëëtge yi ŋöömme.›

Edhikiel 36:23

Aani, ajiem mar nyeŋŋa na dwøŋ na en kur keere na päät dï wïth juurre nyoodha nyoodhø, ni beeye nyeŋŋa na päätu dïge. Køøre nø, ŋäc wïth juurre ŋääö ni bee aani na Wuuö Jwøk, kanyo nyoodha bëëtö mara na en kur keere ki rou ni nëënö jïge. Luummögø caana aani, a na Kwäärö Wuuö Jwøk.

Milkiya 1:6

Wuuö Jwøk, eni na wïth jammi bëët, aköö, ni «Nyilaal wänni di wøørø, ni ö ŋat tïïci ni wøør kwäärö mare. Wøp nø; ?ni näk mo aana wääu, age wödö mana nyoothu jïra? ?Ni näk mo aana kwääyu thuwø, age lwär mana nyoothu jïra? Uuni na dïlämme, beeye uuni na taak aani. «'Ba uuna köö, ni ‹?Ï ewa taaø nidïï?›

Mathiew 11:30

Kiper jaadha man wø rïï ŋut jööt, ni tëër mara ba peek.»

Mathiew 11:9

?A aperŋø nø, na cou paap? ?U cøøa kuna neennu nyikuŋ Jwøk? Kare møn, a caana gø jïïu, ni eni kaala cer nyikuŋ Jwøk.

Luk 17:1

Kanyøgø Jecu aköö jï bääge, ni «Gïï wø wëëk dhaanhø bääyö öö, ni ba kääŋi. 'Ba otïmö ni raac jï ŋat wø öge ki baŋe.

Moa Tïïc Nyïïatwieli 10:22

Ni köge, ni «Waani, wa jääŋŋa Körnilia ma wïth lwaa dïkuye ma dïpa, mo ena dhaanhø mo beer ni lwäär ki Jwøk, ni eni wø pwøc jø Juuthi pwøø bëët. Eni, ena nyuunh nyïïatwiel maalli mør na en kur keere na mar Jwøk kiper nee jääk baŋï niï ööï paare, kiper nee luupo caanï wïnynye.»

Moa Tïïc Nyïïatwieli 10:7

'Ba na nø aac nyïïatwiel maalli mana cäänö ki eni, eni jiy ariiø røk jø tïïc moe acwøle, ki dïkuri aciel mo cwïnye ena køør Jwøk dëët jø wø tïny gø.

Moa Tïïc Nyïïatwieli 15:10

?Kiper manøgønø, aŋø ni päänynyu Jwøk en, nou manynya man kïthu ŋut bääŋi ki gïn mo caala jaath puur man wø rïï ŋut rwaath, gïna näk kär løny jï kwäyø wala øøni ki man tïëti?

Wëëlö Mana Göör Pøølli Baŋ Jø Röm 2:24

Kiper ogöörö, ni «Nyeŋ Jwøk ajøøŋŋi dï juurre kiperu.»

1 Körin 10:32

Kär cwïny jø Juuth, ki cwïny jø mo patha jø Juuth, wala cwïny jø acooŋ Jwøk, wëëgu ränynyö,

Galeecia 5:1

'Ba øøna pät Krictø, nee ø bëëdö ni øøno pädö. Kiper manøgønø, cuŋŋu nou teek. Ni ba cäŋu jïëy ki bëët laŋ ni caal twöc.

Tiet Ciik 28:48

nyïïmännu moo jääŋ Wuuö Jwøki baŋu otïnynyu nou can ki jammi bëët, ni dëëtu da käc ki riew ki wääth røk; ni ö Wuuö Jwøki ni kïth ajäla mo teek bäätu, këël mano thöör uuni na bäre.

1 Timöthi 5:14

'Ba a doo naa manynya man nywøm mään moø ni therø yøø, ni nywølge ki jiy, ni jekge mïëcge, nee nyimän ba jïte ki jöö man buu øøni ki gø.

Tayta 2:5

ni bëëtge ni wïthge leer, ni ge ciil ki raay bëët, ni mïëcge ege jiiŋŋø, ni ge mwöl, ni ge wø leŋa luup cwøwge, kiper nee bäŋe gïn mo jøøŋŋi ri luum Jwøk.

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.

1 Piter 3:16

Weyu cwïnynyu ni leer, kiper kany wø jany uuni, nee jø wø jany bëëtö maru na beer ki ri Krictø, nee wïthge lääge.