1 Timöthi 5:8 - Wëël Jwøk

⁸ 'Ba ni näk da dhaanhø mo tuuŋge ba caame, ni letha per jø paare røk, ŋatøgø nyootha gø ni eno kweer ki lam man, ni kadha rääye døc ki ŋat mo kär jïëy.

1 Timöthi 5:8 Iomraidhean Croise

Wïlöölö 30:30

kiper dïkwøŋ nuta dïëk mo nøk keerge jïrï; 'ba kanya ööa, gena nyaay ni tïmge ni thööth, ni ö Wuuö Jwøki ni gwïëth ïïni ki køøra. ?'Ba ennø, aano luunynya tïïc yi wäne thuwø kiper paara?»

Aydheea 58:7

Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Mathiew 18:17

'Ba ni näk mo coku kweer ki man wïny dööt jøøgø, caanï jï jø acooŋ Jwøk. 'Ba ni näk mo eni kweer ki man wïny dwør acooŋ Jwøk thuwø, wär eni tïme ni caala jur mør wala ŋat ajwäk ki jïrï.

Mathiew 7:11

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal, okääŋe nidïï ki man cïp gïï mo beyø jï jø wø pëëny eni?

Jøøn 15:22

Onää a kär öö ni cääna ki geni, doo bäŋ ajäla bäätge. 'Ba kawaane bäŋ jöö mo bøthge ki gø ka ajäla kiper raacge.

1 Körin 6:6

'Ba atïmö ni cöögö löö ka coki, ni løøa nyïm jøøa näk patha ojïëy.

2 Körin 12:14

'Ba kawaane dëëra yaa nø jek ki dää wäädhi ki man ööa baŋu. 'Ba u ba ööla, kiper a ba many japu, 'ba beeye dëëtu keere ni manynya. Kiper patha obwöre na doo känö ki jammi jï jøøa nywøl geni, 'ba beeye jøøa nyöödö ni wø känö jï nyïïge.

2 Körin 6:15

?Wala a tuuda ŋø ni en yïthakic Krictø ki Biliel? ?Wala agïnaŋø noo gääp ŋat mo ojïëy ki ŋat mo kär jïëy?

Galeecia 6:10

Kiper manøgønø, kaawat man bëëdö ni da jöö jïïø en, beerra man tïïø ki gïï mo beyø jï jiy bëët. 'Ba jøøa døø kønyø røk beege nyïïmëëe moa näk jø Jwøk.

2 Timöthi 2:12

Wala ni näk cwïnynyø yøø maa, øøno røøny thuwø ki eni na aciel. 'Ba ni näk eni mooŋø mooŋø, ø mooŋe mooŋø thuwø.

2 Timöthi 3:5

Ni ge nëënö keda gena jø lam, 'ba teek Jwøk ba maar ci cwïnyge. Teeŋ jøøgø nø, wär kwierï.

Tayta 1:16

Ge wø köö ni Jwøk ŋäcge møn, 'ba ege kwierø ki køør jap wø tïïcge. Ge reyø døc, na jø adhala, ni ge ba rømi ki tïïc gïn mo beer, bäre bäre.

2 Piter 2:1

'Ba da nyïïkuk Jwøk mo patha adïëri thuwø mo røkge ege thïïŋö dï jiy, kaawat mano ö dïpööye mo patha adïëri noo thïïŋge rege dïïu, jøw okäl teeŋ pwöc ränynyö baŋu ki jöö mør. Këël Kwäärö ma Jecu okwierge, ŋata ŋeew geni, ni ge käla ränynyö mo laara ö bäätge.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 3:8

«Aani, tïïe moï ŋääa. 'Ba neenï, ïïna wëënna ko odhuulu mo ojabø, mo bäŋ ŋat mo maar lønyø jïre ki man cïëk gø. Ni ŋääa ni teek marï thiinh, 'ba luumma poot iï gwøø, ni nyeŋŋa kärï mooŋø.