1 Timöthi 5:22 - Wëël Jwøk

²² Kär niï läädö ki cïp ceŋ bäät dhaanhø kiper tïny Jwøk, ni ba ciï yïth raay mo ŋat mør. 'Ba bëëdï karï, niï ciil ki raay bëët.

1 Timöthi 5:22 Iomraidhean Croise

Moa Tïïc Nyïïatwieli 13:3

'Ba køøre na nø lämge ki lam-wödö, ceŋge acïpge bäätge, ni jääŋge ge wøk.

Moa Tïïc Nyïïatwieli 18:6

'Ba na kwierge luumme ni janyge eni, abïïge akenye, ni kööe jïge, ni «Remø maru odööŋ wïthu. A tøør yie. Køør man ennø, a cøøa baŋ juurre.»

Moa Tïïc Nyïïatwieli 20:26

Kiper manøgønø, a cäänna uuni dïcäŋi, naa tøør ri remmu karubëët.

Moa Tïïc Nyïïatwieli 6:6

Jøøgø akïthge nyïm nyïïatwieli. Ni ö geni ni cïpge ceŋge bäätge ni lämge.

Epeca 5:11

Tïïyu karu ni bäär ki tïïe mo muudhö ni wø bäŋ gïn duuge. 'Ba u doo jooga geni.

1 Timöthi 3:10

'Ba geni thuwø, ge doo kwøŋa päänynyö. Køøre nø, noo nyoothge røkge ni bäŋ gïn jøøŋŋi ri bëëtö marge, wär tïmge na jø wø tïny acooŋ Jwøk.

1 Timöthi 3:2

'Ba ŋat wø raŋ acooŋ Jwøk doo tïmö na dhaanhø mo bäŋ gïn mo jøøŋŋi ri bëëtö mare, mo cïïe aciel, ni ree ee mänö ki raay, ni wïïe leer, ni eno rømø ki wøør, na ŋat mo pänhnha wëëlle, ni ŋäc pwöc,

1 Timöthi 3:6

'Ba eni kär näk ŋat mo kanya jïëe yie poot cään, kiper kanymør cwïnye laara jïtö ka atöör, ni päth ya ajäla kaamar anägö.

1 Timöthi 4:12

Ni bäŋe ŋat jøøŋ ïïni kiper thïnhö marï, 'ba tïmï ni ïïna jöö jï jøøa näk ojïëy ki yïth luup moï, ki bëëtö marï, ki mëër marï, ki ŋäädhe marï, niï ciil ki raay bëët.

1 Timöthi 4:14

Kär niï taaga muuy manø ni en jïrï enø, na wëëk ïïni ki køør mana caan nyikuŋ Jwøki, kanya ö jaak acooŋ Jwøki na cïpge ceŋge bäätï.

2 Timöthi 1:6

'Ba a doo naa para wïïï nee wïïï ba wïle ki muuy manø ni cwïnyï enø na cïp Jwøki jïrï ki køør mana cïba ceŋŋa bäätï.

2 Timöthi 2:2

'Ba mana wïnynyï baŋa buut jøøa thööth na wïny gø, wär wëëk jiy mo iï ŋäädhö mo maara lønyø jïge ki man pwönyge jiy møøk thuwø.

Ibaru 6:2

ki pwöc kiper lwøk dëël na nyuudhi, ki cïp ceŋ bäät dhaanhø, ki duun wøk køør thøø, ki ŋøl luup mana näk ba wiil.

Jøcua 9:14

Køøre jø Icriel alwötö røk caammi moa käär jøøgø. 'Ba kanya tïïcge gïnögø, Wuuö Jwøk kärge pëënynyö kiper dwøre mano caane.

2 Jøøn 1:11

Kiper ŋato määth gø, eni tïmö ni eni nywaaga tïïc mare na raac.

Mana Nyooth 18:4

Kanyøgø dwøl mør awïnynya ni ööi ki maal, ni kööe, «Ööu wøk yie, u na jiya, kiper nou ba kuutu ki eni yïth raay moe, nee jap räny piny moo ö bääte nee ba nywaagu.