1 Timöthi 5:17 - Wëël Jwøk

¹⁷ 'Ba jaak acooŋ Jwøk moø ni tïïö døc yøø, wär tïmge na jiy mo di wøørø døøc, ni letha per jøø no oööl røk yøø ki køp luum Jwøk ki pwöc.

1 Timöthi 5:17 Iomraidhean Croise

2 Nyeye 2:9

'Ba kanya nø ŋutge løøga, Ilaaja aköö jï Ilaaca, ni «Pëëny gïn manynyï en nee tïïa jïrï kany poode naa kär kälö buutï en.» Ni kö Ilaaca, ni «Beerra man ö teek Jwøki manø ni bäätï enø ni ö bääta, naa läwa karï.»

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 17:18

Beerra man lää wïth jø wø 'caan aani, 'ba beerra man ba lää wïïa; beerra man tïm dëëtge ni kwanynyi ki lwär, 'ba beerra man ba tïm dëëra ni kwanynyi. Beerra man kälï cäŋ gïï mo leth bäätge, ni raanynyï geni ka aranya mo raac døc.

Dhekaraya 9:12

Wui, u na jø twöc mo cwïnyge da ŋäädhe en, døøu kar gwøk røk mana teek; kiper a caana gø jïïu dïcäŋi ni jammi moa jwørru coola coolø jïïu ki gwïëth mo opöödhö.

Kwään Jiy 18:31

'Ba otïmö ni løny jïïu ki jø pou ki man cammu gïïögø kany wø manynyu jaak, kiper beeye gïno jootu ki køør tïïc maru yo oduŋkaany røømmø.

Mathiew 24:25

'Ba ennø, a caana gø jïïu kany poode ni poot kär tägö en.

Luk 10:7

Ni putu bëëte ødøca, nou cämö ni mädhu ki gïïo mëëkge uuni. Kiper ŋat tïïc wø rømi ka gät tïïc mare. Ni ba dääŋu, nou cøøa ødi nø, ni cou ødi.

Luk 12:42

Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Jøøn 4:38

'Ba, uuna jääŋŋa wøk baŋ kac kany mou kär kwøŋ öölö yie. Jø møøk beege na ööl ri tïïögø, ni ö uuni ni cou yïth gïïa tïïcge na ööl geni.»

Moa Tïïc Nyïïatwieli 11:30

Ni putge gø tïïc, ni jääŋge gø baŋ jaak acooŋ Jwøk, ni käära Barnaba ki Cøøl.

Moa Tïïc Nyïïatwieli 20:35

'Ba ki yïth japøgø bëët, a nyuunhnha uuni, ni dhaanhø doo tïïö døc na enøgønø ni køny jøøa can, ni para wïïe ki luupa caan Kwäärö ma Jecu, na kööe, ni ‹Beerra mar ŋat wø cïpi, ni kaala ŋat wø mooc.› »

Moa Tïïc Nyïïatwieli 28:10

Ni moocge wa ki muuce mo thööth. 'Ba kanya tïŋwa, yi jääy akïthge ki japa canwa bëët.

Wëëlö Mana Göör Pøølli Baŋ Jø Röm 12:8

Ni ŋato wëëk köömmö man kööm jiy, wär jiy köömme. Ni ŋato wëëk muuy man muu jammi, wär muue ki bäth ec. Ni ŋato wëëk nyuunhnhö man nyuunh jiy ki luup, wär jiy nyuunhnhe ki cwïnye bäre. Ni ŋato wëëk køny man kunye, wär kunye ni yie met.

Wëëlö Mana Göör Pøølli Baŋ Jø Röm 15:27

Geni, yïthge met ki tïïc gø, ni beeye mana dege tïïö møn. Kiper ni näk mo juurre otïmö ni ge nywaaga jöör Jwøk marge, ge dege tïnynyö thuwø ki jap piny mo wø wëëk Jwøki geni.

Wëëlö Mana Göör Pøølli Baŋ Jø Röm 16:12

Määthu Taripana ki Taripöca, määra tïïö døc ki nyeŋ Wuuö. Ni määthu omëëya ma Perca, ŋata tïïö ki tïïc mo teek ki nyeŋ Wuuö.

1 Körin 15:10

'Ba beeye met ec mar Jwøk na tïïc aani ni aana dhaanhø en. 'Ba met yie na nyuth aani paa oballe jaak. 'Ba atïmö ni tïïö aani døc naa kaala geni. 'Ba paa aani, 'ba beeye met yi Jwøk ni wø tïïö dëëra.

1 Körin 16:16

'Ba a köömma uuni ni beerra man leŋŋu teeŋ dööt jiy ma yøøgønø, këël jiy bëët mo wø kunyö na ööl ki tïïc man.

1 Körin 3:9

Kiper waana jø tïïc bëët na aciel jï Jwøk, ni nägu pwöth Jwøk, ni uuna øtø mar Jwøk.

2 Körin 6:1

'Ba waana tïmö ni wa tïïö ka Jwøk na aciel, ni wa köömma uuni nee met yi Jwøk ba jïëyu ki dhøgu jaak.

Galeecia 6:6

'Ba ŋat wø pwönynyi ki luum Jwøk, wär jape na beyø bëët nywaae ki ŋat wø pöö.

Tiet Ciik 18:8

'Ba mano came na kure otïmö ni röömi ki mano cam ŋati man nø røk jø tuuŋ Libay moøgø. 'Ba ni näk mo da gïï mo ee joodø baŋ wëëkge ki køør gïï møøk mo odwøk pwödhö, gïïögø ba doo kwaana røk japøgø.

Pilipay 2:16

ni luubö mana en kwøwi ree you maa cwïnynyu, kiper naa tïma naa töödö dïcäŋo näk cäŋ Krictø, ki man näk mo ŋwïëy mara kära ŋwieø jaak, wala raa kära öölö jaak.

Pilipay 2:29

Kiper manøgønø, pänhnhu eni ki nyeŋ Wuuö ni mïn yïthu bëët, ni wøørru teeŋ jøøgø.

Pilipay 4:3

Naa kwaya ïïni thuwø, ï na näk ŋat tïïc ma adïëri ki aani, køny määrögø, kiper gena tïïö ki aani na aciel ri luumma nyään na met, ge ki Kalement ki jø møga moa tïïö ki aani bëët, jøøa nyeŋge en yi wëël kwøw.

1 Timöthi 3:5

?Kiper ni näk ba løny jï dhaanhø ki man pwöny jø paare, a acooŋ Jwøk ogwøk gø nidïï?

1 Timöthi 4:10

Kiper ŋäädhe marø ena ri Jwøa kwøw, ŋata näk Pïëmi mar jiy bëët, ni piema jøøa näk ojïëy røk, ni beeye ni tïïø ni øøno ööl døc en.

1 Timöthi 4:14

Kär niï taaga muuy manø ni en jïrï enø, na wëëk ïïni ki køør mana caan nyikuŋ Jwøki, kanya ö jaak acooŋ Jwøki na cïpge ceŋge bäätï.

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

1 Timöthi 4:6

'Ba ni näk luupi ii peedhï nyïm nyïïmëëe, ï tïmö ni ïïna dïpööy mo beer jï Krictø Jecu, ni piidhï yïth luup ŋäädhe, ki pwöc mo beer mana caathï køøre.

1 Timöthi 5:19

Kär niï jïëy ki luubö mo di caanø, ni da gïn mo raac mo otïïc jaan acooŋ Jwøki ni näk ba caana jiyi ariiø wala adäk, jøøa ŋäc gø.

1 Timöthi 5:3

Wøør mään moø ni bëëdö na määr thuunhnhi ni bäŋ ŋat køny ge yøø.

2 Timöthi 2:6

Ni beeye ŋat puur man wø tïïö døc, na doo kwøŋ kure lwør ri beel moo kwøŋ ciek.

2 Timöthi 4:2

ki man køpï luum Jwøk cooth ki cwïnyï bäre, kany wø näk ma kare, ki kany wø näk mo patha kare, niï cøga jiy, ni joogï geni, ni köömmï ge, ni pwöc marï ba weyï, niï ba jøøm.

Ibaru 13:17

Leŋŋu dööt jø wø bwøth uuni, ni jïëyu geni. Kiper ge koora jwïëyu, ni ŋäcge ni beege noo pëënynyi ki gïïa tïïcge. Beerra man wëëgu geni tïïc gïnögø ni yïthge met, ni cwïnyge ba peek. Kiper ni näk ma enøgønø tïmö ni bäŋ gïn mo beer mo kwanynyu.

Ibaru 13:24

Määthu jø wø bwøth uuni, ki jø Jwøk bëët. 'Ba uuna määth jøøa käl yi ŋööm Itali.

Ibaru 13:7

Lääŋŋu jøøa bwøth uuni, jøøa caan luum Jwøk jïïu. Caarru bëëtö marge këël aŋuunne, ni ŋwaallu ŋäädhe marge.