1 Timöthi 5:10 - Wëël Jwøk

¹⁰ 'Ba eni wär tïme na dhaagø mo wøp mare ee nyoodhø kiper tïïe moa beyø ni wø tïïe, na ŋat mo piitha obwöre, mo pänhnha jiy, mo lwøga tiet jø Jwøk, mo kønya jøøa näk dëëtge da gïï mo leth, mo puta tïmö ni tïïya gïï wø beyø ki yïth jammi bëët.

1 Timöthi 5:10 Iomraidhean Croise

Wïlöölö 18:4

kiper naa känna ki pïï mo thenh kiper nee tietu lwøgu ki ge, ni jwömmu dëëtu tier jaadhi en;

Wïlöölö 19:2

Ni kööe, ni «Wëëga, beerra man gääu paac mana näk mar laŋŋø maru, nou butu yie wääni, nee tietu lwøgu; køøre nø uuno møøl ni pööthu kuna cou yie.» Ni köge, ni «Bäŋ gïre, waani wa buta bura wääni.»

Wïlöölö 24:32

Kanyøgø ŋatøgø aci paayø, ni ö Leeban ni pät jammi wøk bäät athïrööle, ni mooc geni ki luum mo otal ki gïï wø cam lääyi. Ni mooc ŋatøce ki pïï mo lwøk tiete ki ge, ni mooc jøøa cäädhö ki eni thuwø ki pïï mo lwøkge tietge ki ge.

Wïlöölö 43:24

Ni ö nyenøgø ni kïth jøøgø po Jocep ni mooc geni ki pïï, ni lwøkge tietge; ni ö eni ni mooc arëëni moge ki cam.

Aydheea 1:17

ni kwänynyu ki man tïïyu jammi moa beyø. Bëëdu nou tïïya ŋøl ma kare, ni joogu jøøa no ogäy. Cuŋŋu løø kïïe ki määr thuunhnhi.»

Ciik Kiper Dïlämme 25:35

« ‹'Ba ni näk mo ŋat pou otïmö ni can, ni ba løny jïre ki man køny dëëre keere dïïu, eni wär kønyï kaawat mana diï wëëllö kønyø, wala ŋat mo beeta kany mo thiinh buutï; kiper nee eni bëëde ni ena dïïu.

Mathiew 25:17

Ni poot caala manøgø thuwø, ŋata mooc ki gwel ariiø agädhö ki ge, ni duunne ki gwel ariiø møøk.

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

Luk 7:38

ni cuŋŋe ŋää gø kany mo cään ni jwöŋö, ni tïm pï nyeŋŋe ni cwïëra bäät tiet Jecu, ni pooc gø ki jïëye, ni nuum tiet gø, ni wïïr ge ki maarøgø.

Luk 7:44

'Ba køøre ree aløø baŋ dhaaŋŋøgø, ni kööe jï Cayman, «?Dhaaŋŋi en ajootï? Aana duny ødï, ni kärï a mooø ki pïï kiper tieta, 'ba eni tieta atïïe ni thec ki pï nyeŋŋe, ni pooc ge ki jïëye.

Moa Tïïc Nyïïatwieli 10:22

Ni köge, ni «Waani, wa jääŋŋa Körnilia ma wïth lwaa dïkuye ma dïpa, mo ena dhaanhø mo beer ni lwäär ki Jwøk, ni eni wø pwøc jø Juuthi pwøø bëët. Eni, ena nyuunh nyïïatwiel maalli mør na en kur keere na mar Jwøk kiper nee jääk baŋï niï ööï paare, kiper nee luupo caanï wïnynye.»

Moa Tïïc Nyïïatwieli 22:12

«'Ba nyen mør mo nyeŋŋe Ananaya aö baŋa, ŋat mo cwïnye ena køør Jwøk kaawat man wø caani ri ciik Jwøk, ni wø pwøc jø Juuthi bëët mo wø bëëdö kaace.

Moa Tïïc Nyïïatwieli 6:3

Kiper manøgønø, nyïïmera, jëëtu dïïu ki jiy abïriiø mo ŋäyu ni beyø, mo cwïnyge päŋ ki Jwïëc Jwøk, mo wïthge leer, kiper nee tïïögø wëëkwa geni.

Moa Tïïc Nyïïatwieli 9:36

'Ba da bääŋ aciel mo bëëdö Jøpa, mo nyeŋŋe Tabitha, na näk tiere beeye Dørka. Ena nyijø mo wø tïïya gïï mo beyø na ŋat køny.

Moa Tïïc Nyïïatwieli 9:39

Kanyøgø Piter aö maal ni cøøe ki ge. 'Ba na pïïe, ena kälge ni kïthge gø yi øt pööki mana en maal. Ni ö määr thuunhnhi bëët ni cuŋge buute ni ge jwöŋö, ni ge nyøtha koothe ka abïïe moa tïïc Dørka kanya poode dïge.

Wëëlö Mana Göör Pøølli Baŋ Jø Röm 12:13

Nywaagu japu ki jø Jwøk mo wø can, ni bëëdu nou pänhnha jiy.

Epeca 2:10

Kiper øøna gïïa tïïe, ni cwääc ka ri Krictø Jecu kiper tïïe moa beyø, moa näk ojiiŋ Jwøki cøøn, nee ø bëëdø ni ø tïïya geni.

Köløcia 1:10

nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

1 Timöthi 2:10

'Ba ge doo tïïya gïï mo beyø, kaawat mana doo tïïc määnni mo wø köö ni geno jïëy ki luum Jwøk.

1 Timöthi 3:2

'Ba ŋat wø raŋ acooŋ Jwøk doo tïmö na dhaanhø mo bäŋ gïn mo jøøŋŋi ri bëëtö mare, mo cïïe aciel, ni ree ee mänö ki raay, ni wïïe leer, ni eno rømø ki wøør, na ŋat mo pänhnha wëëlle, ni ŋäc pwöc,

1 Timöthi 3:7

'Ba wär tïme na dhaanhø mo ŋäc jøø ni en wøk yøø ni bëëtö mare beer. Kiper kanymør eni jïtö ka ajøøŋ, ni päth ya abïëp anägö.

1 Timöthi 5:16

'Ba ni näk da dhaagø mo ojïëy ni ŋäädhe mo jïre da tuuŋge ma määr thuunhnhi, beerra man gwøk geni, nee ba tïme na öölö bäät acooŋ Jwøk, na acooŋ Jwøk tïme ni gwøga määra näk määr thuunhnhi møn.

1 Timöthi 5:25

Kaawat manøgø thuwø, gïï wø beyø ni wø tïïc dhaanhe wø nëënö jaak. 'Ba këël doo ba nëënö, ba doo puta bëëtö no okanø.

1 Timöthi 6:18

'Ba ge doo tïïya tïïe mo beyø, ni tïm kønynyi ni päl jïge, ni ceŋge jööt ki muuc, ni cwïnyge piew ki køny.

2 Timöthi 1:5

Naa lääŋŋa ŋäädhe marï na näk adïëri, ni beeye ŋäädhe mana kwøŋ en cwïny waŋu ma Lööi ki meru ma Yuni, ni ŋääa ni ena cwïnyï kawaane.

2 Timöthi 2:21

'Ba ni näk dhaanhø dëëre ee jiiø ni wec gïna näk ba mïërö, eni doo tïmö ni caala dak mar tïïa mïërö, no ocïp kur keere ni pere leth døc jï wää paaci, no ojiiŋŋø kiper tïïe moo beyø.

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

2 Timöthi 3:17

Kiper nee ŋata näk dhaanh Jwøk nee tïme ni eno thur kare, ni ree ee jiiø kiper tïïe mo wø beyø bëët.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Tayta 2:7

Ni nyoothï riï ki yïth jammi bëët, nee bëëtö mana beer kwanyge ki køørï. 'Ba kany wø pööï, pööï ki dwøl aciel, na pwöc mo bäŋ tuuk ree,

Tayta 3:1

Kööm geni ki man wøørge kwääri ki jøøa jïge da teek, ni bëëtge na dïleŋ luup, ni yïthge met ki man kunyge ri tïïe mo wø beyø bëët, ni cwïnyge leer,

Tayta 3:14

'Ba beerra man ö jø Jwøki moa en Kariit kaagø man kwanyge tïï gïï mo beyø, nee kany wø dee gïï mo leth mo tägö nee ge wø laarge kunynyö, ni ba bëëtge jaak.

Tayta 3:8

'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

Ibaru 10:24

Beerra man neetø dëëtø ki man cøømmø cwïnynyø ni ø mëër ni tïïø ki tïïe mo beyø,

Ibaru 13:2

Kär nou weya man pänhnhu jøw mo path, kiper jø møøk nyïïatwiet maal apänhge na enøgønø ni kucge.

Ibaru 13:21

uuno wëëk gïïa beyø bëët, kiper nee mana manynye tïïyu, ni tïïc gïï wø met yie ki ge yïth cwïnynyø, ki ri Jecu Krictø, ŋat wø en ajiemmi jïre këël na bäre bäre. Enøgønø.

1 Piter 2:12

Bëëdu ki bëëtö ma wøp dï juurre, kiper manøgønø, këël ge doo cäänö dëëtu ki gïï mo reyø ni uuna jø raay, nee tïïe moa beyø ni wø tïïyu nee neenge ni jiemge Jwøk dïcäŋo lïïmme.

1 Piter 4:9

Bëëdu nou pänhnha røgu ni bäŋ jøømø.

3 Jøøn 1:12

'Ba Dimitaria gïre wø caan jøw bëëti caanø; këël bëëtö mare na näk kare, wø nëënö dëëre. Naa køpa gïre thuwø, ni ŋäyï ni gïn wø køba beeye adïëri.