1 Timöthi 5:1 - Wëël Jwøk

¹ Kär ŋat mo dwøŋ joogï ki luubö mo teek, 'ba köömmï kaawat mana diï wäru köömmö, ni cäännï wøpe kaamar nyïïmeru.

1 Timöthi 5:1 Iomraidhean Croise

Ciik Kiper Dïlämme 19:32

« ‹Wøørru jøøa wïthge da lwaar ni beege jäle, ni lwäärru aani, a na Jwøk maru. Beeye aani na Wuuö Jwøk.

Mathiew 23:8

'Ba uuni, u ba doo cwølø ni Dïpööye. Kiper jïïu da Dïpööy aciel, ni uuna nyïïmëëe bëët.

Moa Tïïc Nyïïatwieli 14:23

'Ba na nø kwänyge ki jaae yïth acook Jwøk bëët ki køør lam ki wödö, gena wiige cer Wuuö, ŋata jïëcge ni ŋääthge.

Moa Tïïc Nyïïatwieli 15:4

'Ba na pïïc Pøølli ki Barnaba yi Jerucalem, gena pänh acooŋ Jwøki, ki nyïïatwieli, ki jaae. Ni køpge jammi bëët moa tïïc Jwøki ki rege.

Moa Tïïc Nyïïatwieli 15:6

'Ba nyïïatwieli ki jaae rege acooŋge kanya ciel kuna løøŋge tier luummögø.

Moa Tïïc Nyïïatwieli 20:17

'Ba na pïïe Milita ena jääk Epeca, ni eni cwöla jaak acooŋ Jwøk baŋe.

Wëëlö Mana Göör Pøølli Baŋ Jø Röm 13:7

Cïpu gïï wø cïpu jïge bëët. Cïpu teeŋ ajwäk bëët jï ŋat wø en ajwäki cere, ni lwäärru ŋat mo di lwäärö, ni wøørru ŋat mo di wøørø.

Galeecia 6:1

Nyïïmera, noo dee ŋat jootu no obääyö, u ni cwïnynyu en køør Jwøk, wär cou baŋe nou mwöl, ni dwøgu gø kare. 'Ba riï wär gwøgï, niï ba päänynyi thuwø.

Tiet Ciik 33:9

Jø tuuŋ Libay beege na taak wëëkge ki mëëkge kiper tïïc marï, na kwier nyïïmëëkge, na wec obwöre moge. Kiper geni luummï akïthge cwïnyge ni kïthge gø bäät tïïc, ni gwøkge luummï na tuutï.

1 Timöthi 5:17

'Ba jaak acooŋ Jwøk moø ni tïïö døc yøø, wär tïmge na jiy mo di wøørø døøc, ni letha per jøø no oööl røk yøø ki køp luum Jwøk ki pwöc.

1 Timöthi 5:2

Ni cäännï cïdëëre kaamar mëëe, ni köömmï nyïïakuue kaamar nyïïmeru, niï ciil ki raay bëët.

Tayta 2:2

Ni köömmï jäle nee bëëtge mëëth, ni rege ege wøørø, ni ge ŋäc cäänö ni wïthge leer, ni geno jïëy ni ŋääthge møn, ni ge mëër, ni ge bëëdö ni teek karge.

Tayta 2:6

Ni köömmï wøpe na enøgønø thuwø, nee dëëtge mänge ki raay.

Jeemeth 3:17

'Ba acaara man wø ööi ki maal, bäŋ gïn mo raac dëëre, 'ba bëët-mëër ena ree, ki mööl, ki leŋ luup, ki køny mo päl, ki tïïe mo beyø, ni bäŋ dööti ariiø, wala atade.

Jeemeth 5:14

?Da dhaanhø mo tuu dïïu? Wär jaak acooŋ Jwøk cwøle, ni ö geni ni lämge bääte, ni wïïrge dëëre ki maaw ki nyeŋ Wuuö.

1 Piter 5:1

Kiper manøgønø, a köömma jaak acooŋ Jwøk ni en dïïu, ni näga jaa thuwø, na ŋata neen gïïa leth na jwør Krictø, naa nywaaga ajiem mano nyooth.

2 Jøøn 1:1

Aana jaan acooŋ Jwøk naa määtha dhaaŋŋa näk ojierø ki nyïïe, jøøa mëëra ki geni ki ra adïëri, ni patha a keera, 'ba këël jøøa ŋäc adïëri bëët thuwø,

3 Jøøn 1:1

Aana jaan acooŋ Jwøk, naa määtha ïïni, ï na Geea, ï na nyawatwa mana mëëra ki gø ki ra adïëri.

Mana Nyooth 4:4

'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.