1 Timöthi 4:6 - Wëël Jwøk

⁶ 'Ba ni näk luupi ii peedhï nyïm nyïïmëëe, ï tïmö ni ïïna dïpööy mo beer jï Krictø Jecu, ni piidhï yïth luup ŋäädhe, ki pwöc mo beer mana caathï køøre.

1 Timöthi 4:6 Iomraidhean Croise

Pwöc Leec Wïc 4:2

kiper a wø cïpa pwöc mo beer jïïu; uuni, kär ciik 'moa weyu.

Jeremaya 15:16

Kanya ö luupï baŋa, amwønya yia, ni cïpge ki met cwïny jïra, ni mïn yia, kiper a wø cwøla ri nyeŋŋï, ï na Wuuö Jwøk, Jwø wïth jammi bëët.

Mathiew 13:52

Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Luk 1:3

'Ba ï na nyigwaak ma Thïëpöla, yaa caarø, ni doo beer jïra thuwø ki man gööda ki wëëlö jïrï ki køør mana bëëda naa neeta tiet gïïögø døøc ki kanya täkge yie, ni gööra ni yaa cïïmmö,

Moa Tïïc Nyïïatwieli 1:15

'Ba yïth nïrögø Piter ree athïïŋe dï nyïïmëëe moa näk bääk Jecu. 'Ba acooŋa bäre jïtö ki kar jiy ma dïpa aciel ki pïërariiø. Ni kö Piterri jïge,

Moa Tïïc Nyïïatwieli 20:31

Kiper manøgønø, gwøgu rou, ni parru wïthu ki cwiiya näk adäk na thööra cääŋŋe ki wärre naa köömma uuni bëët ki luubö mo teek, naa jwöŋö.

Moa Tïïc Nyïïatwieli 20:35

'Ba ki yïth japøgø bëët, a nyuunhnha uuni, ni dhaanhø doo tïïö døc na enøgønø ni køny jøøa can, ni para wïïe ki luupa caan Kwäärö ma Jecu, na kööe, ni ‹Beerra mar ŋat wø cïpi, ni kaala ŋat wø mooc.› »

Wëëlö Mana Göör Pøølli Baŋ Jø Röm 15:15

'Ba luup møøk agööra baŋu naa para wïthu naa kär lwäyö, kiper met ec mana wëëk Jwøki aani,

1 Körin 4:17

Ni beeye na jääŋŋa Timöthi baŋu, na mëëra ki gø, na nyilaal mo oŋäädhö døc ki ri Wuuö, nee wïthu cäŋ parrø ki jöör bëëtö mara na en ri Krictø, kaawat man wø pööa ki gø yïth mïëri bëët ki yïth acook Jwøk bëët.

2 Körin 11:23

?Gena jiy mo tïnynya Krictø? Theemma aani. Ŋääa naa cäänö kee aana bøøl. Aani, kadha öölö mara, ni kadha aani ki tööyö uut tööc. Aana pööti ki kwör pöödö mo ba kwaan, ni bødha kwör mo thööth ki thøø.

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

2 Körin 6:4

'Ba dëëtwa ewa nyoodhø ki yïth jammi bëët ni waana laaŋe mo Jwøk ki køør gïï wø leth døc wø jïënywa, teeŋ ka gïï wø pïï dëëtwa, ki caannø, ki rïm can,

Epeca 6:21

'Ba kawaane Taykika, cöögö mana mëërö ki gø na näk ŋat tïïc mo oŋäädhö ki nyeŋ Wuuö, jammi bëët ocaane jïïu, kiper nee bëëtö mara man bëëda ki gø en, ki gïn tïïa en, nee ŋäyu thuwø.

Pilipay 2:20

Kiper bäŋ dhaanhø mør buuta mo nëëna eni mo cwïnye ena baŋu na adïëri kiper bëëtö maru.

Pilipay 2:22

'Ba beeny Timöthi ŋäyu, kaawat mana bëëde ni tïïö ki aani na aciel ri luumma nyään na met, ni eni bëëdö keda nyilaal mo ena buut wänni.

Pilipay 3:16

'Ba beerra man putø mana nø joodø mak na adïëri.

Köløcia 2:19

ni Wïc käre maa, na näk Krictø, ŋata ö dëëlli bäre ni wø piidhe ki ree no odwätö na aciel ki ri mut ki läär na dwal gø, ni piith ka pïth mana en baŋ Jwøk.

Köløcia 3:16

Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.

Köløcia 4:7

'Ba gïïa tägö dëëra bëët, ocaan Taykika jïïu. Eni, ena cöögö na mëërø ki gø, ni ena ŋat tïïc mo oŋäädhö, ni tïïö ka waani na aciel ki ri Wuuö.

1 Thecalönika 3:2

Ni jääŋwa cöögø ma Timöthi, na näk laŋ Jwøk ri luum Krictø na nyään na met, nou wëëk tëënnö ki ri ŋäädhe maru, ni kööm uuni

1 Timöthi 1:10

Ni cïp kaper kääpe, ki cwøw mo wø døø rege ki niine, ki jø wø kwädö ki jiy, ki tööte, ki jø wø kööŋ ko oballe jaak, ki jø wø tïïc teeŋ gïï møøk bëët ni wø män ki pwöc ma adïëri,

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

1 Timöthi 6:3

'Ba ni näk da dhaanhø mo pöö ki teeŋ pwöc mør, ni ba jïëy ki luup moa näk adïëri mo Kwääyø ma Jecu Krictø, ki pwöc mana en jöör Jwøk,

2 Timöthi 1:6

'Ba a doo naa para wïïï nee wïïï ba wïle ki muuy manø ni cwïnyï enø na cïp Jwøki jïrï ki køør mana cïba ceŋŋa bäätï.

2 Timöthi 3:10

'Ba kawaane pwöc mara araŋï, ki bëëtö mara, ki gïna këëlla wïïa ree, ki ŋäädhe mara, ki mëër mara, ni cwïnya yaa cïp piny naa ba dääŋi;

2 Timöthi 4:3

Kiper da kany mo öö, kanyo ö jiyi noo ba manyge pwöc ma adïëri, 'ba dëëtge omäänyge ki dïpööye moo caan gïïo mïn yïthge ki ge, kiper ïthge na jel ki man wïnyge luup mo ŋweeth.

Tayta 2:1

'Ba ï ki dëërï, pööï ki gïï mo orømø ki pwöc mana näk adïëri.

1 Piter 2:2

Ni tïmu kaamar obwöre mo marr, nou manynya caak, ni beeye caak mana näk luum Jwøk na näk bäŋ gïn mo raac yie, nou døøŋŋu ki gø ki ri pïëm mana piem uuni ki gø,

2 Jøøn 1:9

'Ba ŋat wø reŋ nyïm ni ba bëëdö ri pwöc Krictø, tøør ri Jwøk. 'Ba ŋat wø bëën pwöc Krictø, ena ri Wuuö ki Wäädö karge riet.

Juut 1:5

'Ba kawaane a manynya man para wïthu, këël na näk you nø wïnynyö ni beer, ni Wuuö Jwøk na piem jiy yi ŋööm jø Ijep, jøøa näk kär jïëy ni ŋääthge acäŋ raanynyø.