1 Timöthi 4:16 - Wëël Jwøk

¹⁶ Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

1 Timöthi 4:16 Iomraidhean Croise

1 Luup Nyeye 28:10

Raŋï ennø, Wuuö Jwøk ïïna jiere niï gëëdï ki øtø mo ena kur keere ma øt lam; mak riï ni teek nø, ni tïïyï gø.»

2 Luup Nyeye 19:6

Ni kööe jï jø ŋøl luup, ni «Gwøgu rou ki tïï ŋøl luup mano tïïyu, kiper u ba ŋudö ka køør man wø many jiyi, 'ba beeye ki køør man wø many Wuuö Jwøki ni wø bëëdö ki uuni kanyo ŋøllu luup.

Bwøth Wøk 23:13

«'Ba gïïa caana jïïu bëët yøø, beerra man magu rou ki man gwøgu geni. Kär dee nyeŋ juu møøk mo cøøru wala gïrge wïnyö dhøgu.

Aydheea 55:11

aani thuwø, a na Wuuö Jwøk, luubö man wø ö wøk ki dhaa ba duu baŋa jaak ni gïna manynya nee tïïe käre thöörö, ni gïna jääŋŋa gø kipere käre wëëk thur kare.

Jeremaya 23:22

'Ba doo na geno bëëdö wï maac mara, a na Wuuö Jwøk, luup 'moa dege købø jï jiya, ni dege jiya duu wøk ki yïth uutjïëth raay moge, ki tïïe moge na reyø.

Maak 13:9

«'Ba gwøgu rou, kiper uuno kïthge kwör løøe, ni pöötge uuni yïth uut acook lam. Ni cuŋŋu nyïm kwääri ki nyeye kiper nyeŋŋa, nou køpa gïra nyïmge.

Luk 21:34

«Gwøgu dëëtu. Kanymør cwïnynyu tïmö ni ena køør caammi, ki meeye, ki lääŋ jap kwøwi en, ni ö cäŋöce ni laar ö bäätu ni caala abïëp.

Moa Tïïc Nyïïatwieli 26:22

'Ba a wø køny Jwøki kønyø këël dïcäŋi en. Ni beeye ni cuŋŋa kany en, naa cäänna jøøa kwörge therø ki jøøa kwörge døøŋŋø, naa para luupa car nyïïkuk Jwøki ki moa car Modhe ni doo tägö, ni bäŋ gïn mør mo kïtha bäätge,

Moa Tïïc Nyïïatwieli 6:4

'Ba waani dëëtwa ocïpwa køør lam cooth ki køp luum Jwøk.»

Wëëlö Mana Göör Pøølli Baŋ Jø Röm 11:14

kiper nee jø powa ma jø Juuth døøya mo këëö, nee møøk dïge piema ki jöörögø.

Wëëlö Mana Göör Pøølli Baŋ Jø Röm 16:17

Nyïïmera, a kwaya uuni ki man gwøgu dëëtu ki jø wø käl apääk dïïu ni wø kïth dïdëët jööra pwöny uuni ki gø. Kwierru geni.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

1 Körin 1:21

'Ba Jwøk, ki køør leec wïc mare, jø piny amäne ki man ŋäcge eni ki køør leec wïthge. 'Ba eni yie amïnnö ki man piem jø wø jïëy ni ŋääthge ki køør luum bøøl ni wø køpwa.

1 Körin 9:22

'Ba ki jï jøøa näk ŋäädhe marge thiinh, dëëra atïïa keda aana dhaanhø mo ŋäädhe mare thiinh, kiper naa känna kura ki jøøa ŋäädhe marge thiinh. Aani, dëëra atïïa na enøgønø ki yïth jammi bëët jï jiy bëët, kiper naa jïta ki jöö ki yïth japøgø bëët nee jø møøk piema.

1 Körin 9:27

'Ba a pööta dëëra, ni dïïma gø, kiper naa ba tïma naa patha orømø, a na kwøŋ jø møga pwönynyö.

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

Köløcia 4:17

Ni caannu gø jï Arcipa, ni «Beerra man thöörï tïïc mana cïp Wuuö jïrï.»

1 Thecalönika 2:16

kiper mana mänge waani ki man caanwa luum Jwøk jï juurre, nee ge piem. Ni beeye gïï wø tïïcge cooth ni ge meeta raay moge ni thööth. 'Ba ka aŋuudi, wëëc Jwøk arøm dëëtge.

1 Timöthi 1:3

Dööŋï Epeca kaawat mana caana gø jïrï kanya aa Macedönia, kiper nee jø møøk joogï nee ba pööge ki teeŋ pwöc mør,

1 Timöthi 4:15

Tïïc gïïögø cooth, ni cïbï cwïnyï køørge, kiper nee tïïc marï joot jiyi niï cäätha nyïm.

1 Timöthi 4:6

'Ba ni näk luupi ii peedhï nyïm nyïïmëëe, ï tïmö ni ïïna dïpööy mo beer jï Krictø Jecu, ni piidhï yïth luup ŋäädhe, ki pwöc mo beer mana caathï køøre.

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

2 Timöthi 3:14

'Ba ïïni ki dëërï put bëëtö ki køør gïna kwanyï na jïëyï døøc ki cwïnyï bäre, niï lääŋŋa jøøa kwanyï gø baŋge,

2 Timöthi 4:2

ki man køpï luum Jwøk cooth ki cwïnyï bäre, kany wø näk ma kare, ki kany wø näk mo patha kare, niï cøga jiy, ni joogï geni, ni köömmï ge, ni pwöc marï ba weyï, niï ba jøøm.

Tayta 1:9

Ni eni doo maga luumma näk adïëri keda mana pwönynyi ki gø, kiper nee tïme ni maara pöö ki pwöc ma adïëri, ni pïëme ki jø wø taak pwöc moe thuwø.

Tayta 2:15

Køp gïïögø jïge døøc. Ni köömmï geni ni joogï ge, ni teegï iï nyoodhø jïge, ni bäŋe ŋat mo taak marï.

Tayta 2:7

Ni nyoothï riï ki yïth jammi bëët, nee bëëtö mana beer kwanyge ki køørï. 'Ba kany wø pööï, pööï ki dwøl aciel, na pwöc mo bäŋ tuuk ree,

Piliman 1:19

coola coolø jïrï. 'Ba luubö man gööra aani ki cera, a na Pøøl. 'Ba marï na mayï baŋa ba caana nø, këël dëërï kiree.

Ibaru 12:15

Gwøgu røgu nee bäŋe ŋat mo kääŋi ki met yi Jwøk, nee bäŋe gïn mo keec mo tuy ni ööl uuni, ni raany jiy mo thööth.

Ibaru 13:9

Kär nou wëëga wïthu maaŋŋø ki pwöc ma teeŋi mo path. 'Ba gïna beerra eni beeye ki man wëëgø cwïnynyø tëënnö ki ri met yi Jwøk, ni patha kiper gwøk ciik mo caammi ni wø bäŋ gïn duuge jï jø wø caath køørge.

Jeemeth 5:20

wär ŋääe ni ŋat wø duu ŋat raay kare, ni mäna gø ki jööre na raac, piema jwïëc ŋatøca ki thøø, ni raay mo thööth ogëëŋe.