1 Timöthi 4:13 - Wëël Jwøk

¹³ Kwaan wëël Jwøk nyïm jiy bëët, ni køpï luum Jwøk, ni pööï këël mano ööa.

1 Timöthi 4:13 Iomraidhean Croise

Jøøn 5:39

U wø määnyö yïth weet Jwøk, kiper you caarø ni yïth luupögø beeye noo jootu kwøw mana näk adïëri mo bäŋ cuŋŋe. Ni beege geni ni wø køp gïra.

Moa Tïïc Nyïïatwieli 17:11

'Ba jø Juuth moøgø theemma geni ki moa en Thecalönika, kiper gena laar jïëy ki luum Jwøk, ni bëëtge ni ge raŋŋa luup moa en yïth weet Jwøk cooth ki man näk mo luupögø adïëri.

Moa Tïïc Nyïïatwieli 6:4

'Ba waani dëëtwa ocïpwa køør lam cooth ki køp luum Jwøk.»

Wëëlö Mana Göör Pøølli Baŋ Jø Röm 12:8

Ni ŋato wëëk köömmö man kööm jiy, wär jiy köömme. Ni ŋato wëëk muuy man muu jammi, wär muue ki bäth ec. Ni ŋato wëëk nyuunhnhö man nyuunh jiy ki luup, wär jiy nyuunhnhe ki cwïnye bäre. Ni ŋato wëëk køny man kunye, wär kunye ni yie met.

1 Körin 14:26

?'Ba agïnaŋø noo tïïø nø, nyïïmera? Kany wø dwätu kanya ciel, ni ŋat mør jïre da duut, ni dhaanhø mør jïre da pwöc, ni dhaanhø mør da gïn mo onyoodhø jïre, ni maya cäänö ka dhøk mør, wala da luubö mo di dwøgø, wär japøgø bëët tïïc nou wëëga acooŋ Jwøk tëënnö.

1 Körin 14:3

'Ba løøk maya, ŋat wø køp dwør Jwøk, cäänna jiy ni wëëga ge tëënnö, ni cøma cwïnyge, ni cøga geni.

1 Körin 14:6

?'Ba kawaane nyïïmera, ni näk maa ööa baŋu naa cäänö ka dhøgi møøk, naa ba muuny uuni ki gïn mo onyoodhø, wala gïn mo dou ŋääö, naa ba køp dwør Jwøk jïïu, wala pwöc, agïnaŋø noo kwanynyu baŋa?

Tiet Ciik 17:19

Ni ö wëëlö manøgø ni bëëde buute ni kwäänö ki gø ki yïth nïr kwøw moe bëët, nee kwänynye ki man bëëde ni lwäär ki Wuuö Jwøk na näk Jwøe, ki man gwøk ciik bëët, ni kïth ge bäät tïïc,

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

1 Timöthi 4:6

'Ba ni näk luupi ii peedhï nyïm nyïïmëëe, ï tïmö ni ïïna dïpööy mo beer jï Krictø Jecu, ni piidhï yïth luup ŋäädhe, ki pwöc mo beer mana caathï køøre.

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

2 Timöthi 4:2

ki man køpï luum Jwøk cooth ki cwïnyï bäre, kany wø näk ma kare, ki kany wø näk mo patha kare, niï cøga jiy, ni joogï geni, ni köömmï ge, ni pwöc marï ba weyï, niï ba jøøm.

Tayta 2:15

Køp gïïögø jïge døøc. Ni köömmï geni ni joogï ge, ni teegï iï nyoodhø jïge, ni bäŋe ŋat mo taak marï.

Jøcua 1:8

Luup moa en yi wëëlö man na mar ciik en kär nee tïmö ni tøør dhiï, 'ba bëëdï niï lääŋŋa gø ki dïcäŋ ki wäär, nee riï gwøgï ki man tïïyï jammi bëët na karge kaawat mana näk ogöörö yie; køøre nø, jöö marï obëëdö ni tiir, ni thur jammi mo wø tïïyï bëët karge.