1 Timöthi 3:6 - Wëël Jwøk

⁶ 'Ba eni kär näk ŋat mo kanya jïëe yie poot cään, kiper kanymør cwïnye laara jïtö ka atöör, ni päth ya ajäla kaamar anägö.

1 Timöthi 3:6 Iomraidhean Croise

2 Nyeye 14:10

'Ba ennø møn, jø Ëdöm anø böötï ni jït cwïnyï ka atöör. Beerra man mïn yiï ka ajiem mana jootï ni bëëdï paarï. ?Aŋø ni manynyï gïn mo raac en, mo ïïni ki jiyï ma jø Juuda u thum ki gø?»

2 Luup Nyeye 26:16

'Ba Udhaya kanya nø tëënne, cwïnye ajïtö ka atöör, ni päth yïth raay, ni bääye dëër Wuuö Jwøk, Jwøk mare. Kiper ena døny yi Øt Wuuö Jwøk kuna waaŋ jer wø jïcge ŋwääi ni met bäät gïn wø waaŋ jer wø jïcge ŋwääi ni met bääte.

2 Luup Nyeye 32:25

'Ba Edhekaya bäŋ pwøc mo ee dwøgø jï Wuuö Jwøk na kar gïna beer na joode, kiper cwïnye ajïtö ka atöör. Kiper manøgønø, wëëc Jwøk aö bääte ki bäät jø Juuda ki jø Jerucalem.

Pwöc Leec Wïc 18:12

Kany wø poot dhaanhe ni kär ränynyö, cwïnye wø da atöör, 'ba kany wø bëët dhaanhe ni mwöl, wø jïtö ki wödö.

Pwöc Leec Wïc 29:23

Atöör mar dhaanhø, dhaanhø wø dwøge piny, 'ba ŋat mo bëëdö ni dëëre ee dwøk piny wø jïtö ki wödö.

Aydheea 2:12

'Ba Wuuö Jwøk, eni na wïth jammi bëët, da cäŋ ajäla mare mo ööa bäät jø atöör ki jø wø tïŋ dëëtge maal mo ge dwøge piny yie,

Daniel 11:12

'Ba kanyo ö lwaa leny manøgø noo maai ki tøŋ, nyeny jï løø Tier-Piny cwïnye jïtö ka atöör mo ena maal døc, ni 'näk jiy ma kume. 'Ba eni ba böödö.

Luk 10:18

'Ba Jecu aköö jïge, ni «Ceethan ajooda ni pänhnhö ki maal kaamar agaackøth.

1 Körin 3:1

'Ba nyïïmera, kär løny jïra ki man cäänna uuni kede uuna jiy mo cwïnyge ena køør Jwøk, 'ba uuna cäänna ni uuna jiy mo cwïnyge ena køør mo dëël, nou therø dëër Krictø.

1 Körin 8:1

'Ba kawaane mar luum olämme mo wø ŋaal ni wø cïp jï gïï wø lam, ŋääø bëët ni tiet jammi yøø kwanyø. 'Ba gïn wø kwany dhaanhe wø käla atöör, 'ba mëër beeye wø wëëk jiy tëënnö.

2 Körin 12:7

'Ba kiper naa ba kanynya døc ni kaala kanynyø mana daa kanynyø ki gø kiper gïïa thööth na nyooth jïra, koodhø akïth dëëra na näk nyïïatwiel Ceethan kiper naa ööle, naa ba kanynya døc ni kaala kanynyø mana daa kanynyø ki gø.

Tiet Ciik 17:20

kiper nee cwïnye ba jïte ka atöör bäät tuuŋge, nee ba gaa bäät cwïïe wala bäät caame ki ri ciik, kiper nee eni ki nyïïkwaaye nee bëëtge ki cwiiri mo thööth yi nyec marge yïthakic jø Icriel.

Tiet Ciik 8:14

rou wär gwøgu, ni ba jït cwïnynyu ka atöör, ni ba wïl wïthu ki Wuuö Jwøk na näk Jwøu na käl uuni wøk ki yi ŋööm Ijep na näk po laŋ.

1 Timöthi 3:7

'Ba wär tïme na dhaanhø mo ŋäc jøø ni en wøk yøø ni bëëtö mare beer. Kiper kanymør eni jïtö ka ajøøŋ, ni päth ya abïëp anägö.

1 Timöthi 6:4

ŋatøgø päŋŋa cwïnye ka atöör, ni bäŋ gïn ŋääe. Eni wïïe raac no okadhø ki pïëc, ni yie met ki pïëm tiet luup, ni wø käl gwön, ki wëëye, ki waac nyeŋ, ka adïëde mo reyø,

2 Timöthi 3:4

na jø abuua, ni gena köönynye, ni cwïnyge päŋ ka atöör, ni ge mëër ka jap dëëtge ni ge ba mëër ki Jwøk.

1 Piter 2:2

Ni tïmu kaamar obwöre mo marr, nou manynya caak, ni beeye caak mana näk luum Jwøk na näk bäŋ gïn mo raac yie, nou døøŋŋu ki gø ki ri pïëm mana piem uuni ki gø,

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.

2 Piter 2:4

Kiper nyïïatwiet maal kär wec Jwøki kanya bääcge, 'ba gena leeŋ kar pöödö, ni kïth ge yïth buri mo cøl døc, nee bëëtge yïthge këël mano ŋøl luup marge piny.

Juut 1:6

Ni eni, nyïïatwiet maal moa kwier kwör kööre moge, na wec kanya beer na beetge, awii yi tööc mana näk bäŋ cuŋŋe kany mo cøl døc, këël mano ŋøl luup dïcäŋo dwøŋ.