1 Timöthi 3:3 - Wëël Jwøk

³ ni patha ŋat meeye, wala ŋat lenye, ni ba wëëyi, 'ba eni doo mwöl, ni cwïnye ba päl ki jammi.

1 Timöthi 3:3 Iomraidhean Croise

Pwöc Leec Wïc 1:19

Man beeye gïno tägi dëët jø wø cwïnyge päl ni wø joot jammi ki jöö mo paa adïëri, ni teeŋ bëëtö manøgønø, jwïëc jøøgø käle kälö.

Pwöc Leec Wïc 15:27

Ŋat mo cwïnye päl ni wø joot jammi ki jöö mo paa adïëri wø kïtha paare yi ränynyö, 'ba ŋat wø män ki jammi mo wø cïp ki piny, eni bëëdö ni kwøw.

Luup Dïpööy 7:8

Aŋuudi mar luubö beerra eni ni kaala tägö mar luubö. Cïp cwïny piny beerra eni ni kaala atöör.

Aydheea 28:1

Otïmö ni leth jï Cameria, päänya näk caala adun atöör mar jø Ipariem na näk jø meerø, päänya näk ajiem mïërö mare caala wï jaath mo oŋøøk ni manynya närö, na näk ogeer bäät thuur buut gool mana ŋöömme beer na näk mar jøøa no oŋääö ki maath.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Edhikiel 44:21

Ni bäŋe dïlämi mo mäthi ki køøŋø kany wø näk mo eni dunynya yi kal mana en dïër.

Ciik Kiper Dïlämme 10:9

ni «Ïïni ki wäätï, kär nou bëëdö ni uuno mädhö ki køøŋ nyïïomøki wala køøŋø mo keec, kany wø cou yo oduŋkaany røømmø, kiper nou ba thøwu. Manøgø tïmö na ciik mo bëëdö na bäre bäre ki yïth beenhnhe mou,

Mikiya 2:11

Ni näk mo da nyikuŋ Jwøk man wø wïdi ni køpa luup tööt ki luup cwøk, mo köö, ni ‹Køøŋ omøki ki kwøŋ mo keec obëëdö ni thööth jaak,› teeŋ ŋatøgø beeye ni wø met yïthu ki gø.»

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Milkiya 1:10

Ni cäŋ köö, «Beerra mana di dhaanhø acielli cøø dëëtu ni cïëk dhøgi mo kal mar Øt Jwøk, kiper nee bäŋe dhaanhø dïïu mo äp maac bäät gïn wø cïp olämme bääte mana näk mara ki gïn mo bäŋ tiere jaak. Bäŋ gïn mo døøc yia mo met ki uuni; olämme moo cïpu jïra ba jïëa.

Mathiew 21:13

Ni kööe jïge, no «Ogöörö yi wëël Jwøk ni Jwøk aköö, ni ‹Øda doo cwølø ni øt lam.› 'Ba uuni, atïïyu na kar dïmute.»

Moa Tïïc Nyïïatwieli 20:33

Bäŋ ŋat mo gwete yaa parø, wala warkey, wala abïïe.

Wëëlö Mana Göör Pøølli Baŋ Jø Röm 16:18

Kiper teeŋ jøøgø nø ba tïny Kwääyø ma Krictø, 'ba ge tïnynya yïthge, ni ge maaŋŋa wïth jø wø cwïnyge cwøk ki luup mo ŋweeth.

Epeca 5:18

Käru meeyø ki kwøŋ, kiper beeye wø käl bëëtö mo raac, 'ba cwïnynyu päŋge ki Jwïëc Jwøk,

1 Thecalönika 5:14

'Ba wa köömma uuni, nyïïmera, ki man köömmu jøø ni bëëtge ogwäyö yøø, ni cømmu cwïny jøø ni cwïnyge lwäär yøø, ni kønynyu jøøa jägö, ni ba jøømmu ki geni bëët.

1 Timöthi 3:8

Kaawat manøgø thuwø, jø wø tïny acooŋ Jwøk doo tïmö na jiy mo owøørø, ni bäŋ luup oriewi dhøkge, ni ge patha oŋïyö ki maath kwøŋ mo thööth, ni ge patha owär ki joot jammi.

2 Timöthi 3:2

Kiper otïmö ni ŋati man nø mëër ka ree, ni jiy mëër ka jammi, ni ge töödö, ni ge koorrø, ni dhøkge ŋaam, ni wïthge teek ki jøøa nywøl geni, ni bäŋ met ec mo maarge dwøgø, ni luum Jwøk kucge.

Tayta 1:11

Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

Tayta 1:7

'Ba ŋat wø raŋ acooŋ Jwøk, kiper mana tïme na ŋat wø tïny Jwøk, doo bäŋ ajäla ri bëëtö mare, ni paa ŋat mo koorrø, wala ŋat mo cwïnye laara ränynyö ni wëëre, wala ŋat meeye, wala wïnni, wala ŋat mo cwïnye päl kiper gïn joode.

Tayta 2:3

Ni köömmi cïdëëre nee bëëtge na enønø thuwø, ni bëëtö marge wøp, ni ba tïmge na dïwääc nyeŋŋi, wala owär ki kwøŋ. 'Ba ge doo pöö ka gïïa beyø,

Tayta 3:2

ni bäŋe ya gïn mo raac mo caange dëër ŋat mør, ni kwierge wëëye, ni tïmge ni ge mwöl, ni tïmge ni jiy bëët ege wøørø na adïëri.

Ibaru 13:5

Bëëdu ni dëëtu you gwøø ki mëëc jammi, ni uuno rømø ki mou na en jïïu. Kiper Jwøk aköö, ni «U ba leeŋa piny, ni ba wiia uuni.»

Jeemeth 4:1

?Agïnaŋø ni wø käl lenye ki wëëye dïïu? ?Aŋø, patha gïïa reyø ni wø nieŋ cwïnynyu køørge ni wø këëdi yïth cwïnynyu?

1 Piter 5:2

Gwøgu pïïth mar Jwøk ni en ceŋŋu, ni paa ni uuno maa ki teek, 'ba tïïyu ka met ec kaawat man wø many Jwøki; ni paa kiper nou jïtu ki jammi ree, 'ba beeye kiper mana cïbu cwïnynyu køøre bäre.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

1 Camiel 8:3

'Ba wäät Camiel jöör wääge kärge caadhø; gena gaa wøk ni tïm cwïnyge ni päl ki jammi, ni kätge ki jammi mo wø cïp ki piny, ni daaŋge luup jiy.