1 Timöthi 3:2 - Wëël Jwøk

² 'Ba ŋat wø raŋ acooŋ Jwøk doo tïmö na dhaanhø mo bäŋ gïn mo jøøŋŋi ri bëëtö mare, mo cïïe aciel, ni ree ee mänö ki raay, ni wïïe leer, ni eno rømø ki wøør, na ŋat mo pänhnha wëëlle, ni ŋäc pwöc,

1 Timöthi 3:2 Iomraidhean Croise

Aydheea 56:10

Jø koor mo Icriel gena cööye; bäŋ gïn mo ŋäcge ge bëët. Ge bëët, ge caala guu mo dhøkge orïpö, mo ba løny ki man gucge, ge bëëdö ni geno butö jaak ni marge lääk, ni gena jiy mo yïthge met ka niine,

Luk 1:6

'Ba gena jiy mo beyø nyïm Jwøk karge riet, ni ge caatha køør moa näk ocem Wuue ki ciik moe bëët, ni bäŋ gïn mo ege baaø rege.

Luk 2:36

'Ba da nyijø mør ma nyikuŋ Jwøk mo nyeŋŋe cwøl ni Anna, nyaa Paniel, na käl yi tuuŋ Acer. 'Ba eno døøŋŋø døc, ni eno kwøŋ bëëte ki cwøre ki cwiiri abïriiø kanya poode ni thiinh.

Wëëlö Mana Göör Pøølli Baŋ Jø Röm 12:13

Nywaagu japu ki jø Jwøk mo wø can, ni bëëdu nou pänhnha jiy.

Pilipay 2:15

kiper nee bäŋe ajäla mo ö dëëtu, ni bëëtö maru beer, ni uuna nyïï Jwøk mo bäŋ gïn mo jøøŋŋi ri bëëtö maru, kany bëëdu dï jøøi ni reyø ni wïthge teek ni en piny en, jøøo rienynyu dïge keda ceer ni wø meeny piny,

1 Timöthi 3:12

'Ba jø wø tïny acooŋ Jwøk wär nyöömge ki mään oceele, ni pwönyge nyïïge na wøp ki jø mïëcge bëët.

1 Timöthi 3:8

Kaawat manøgø thuwø, jø wø tïny acooŋ Jwøk doo tïmö na jiy mo owøørø, ni bäŋ luup oriewi dhøkge, ni ge patha oŋïyö ki maath kwøŋ mo thööth, ni ge patha owär ki joot jammi.

1 Timöthi 4:3

jø wø män jiy ki nywöm, ni mänge jiy ki caammi møøk moa cwääc Jwøki, na doo jïëc jø wø jïëy ni ŋäcge adïëri ni ge dwøga met ec jï Jwøk.

1 Timöthi 5:10

'Ba eni wär tïme na dhaagø mo wøp mare ee nyoodhø kiper tïïe moa beyø ni wø tïïe, na ŋat mo piitha obwöre, mo pänhnha jiy, mo lwøga tiet jø Jwøk, mo kønya jøøa näk dëëtge da gïï mo leth, mo puta tïmö ni tïïya gïï wø beyø ki yïth jammi bëët.

1 Timöthi 5:22

Kär niï läädö ki cïp ceŋ bäät dhaanhø kiper tïny Jwøk, ni ba ciï yïth raay mo ŋat mør. 'Ba bëëdï karï, niï ciil ki raay bëët.

1 Timöthi 5:9

Kär dee cï thøø mo nyeŋŋe göör røk määr thuunhnhi ni näk cwiiri moe poot kär tïmö na pïërabïciel, ni nywöm mare patha aciel.

2 Timöthi 2:24

'Ba laŋ Wuuö ba doo tïmö na ŋat wëëye, 'ba eni doo mwöl jï jiy bëët, na dïpööy mo ŋäc pwöc, ni cwïnye ee cïp piny,

Tayta 2:2

Ni köömmï jäle nee bëëtge mëëth, ni rege ege wøørø, ni ge ŋäc cäänö ni wïthge leer, ni geno jïëy ni ŋääthge møn, ni ge mëër, ni ge bëëdö ni teek karge.

Ibaru 13:2

Kär nou weya man pänhnhu jøw mo path, kiper jø møøk nyïïatwiet maal apänhge na enøgønø ni kucge.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.

1 Piter 4:9

Bëëdu nou pänhnha røgu ni bäŋ jøømø.

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.