1 Timöthi 3:16 - Wëël Jwøk

¹⁶ Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

1 Timöthi 3:16 Iomraidhean Croise

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Mathiew 28:2

'Ba piny ojïtö ki dïjäŋ piny mo dwøŋ døc. Kiper nyïïatwiel maal mar Wuuö aöö ki maal ni daak kïdi dhi bwörö, ni pï piny bäät gø.

Mathiew 3:16

'Ba Jecu kanya nø lwøi na nyuudhi, ena put ö wøk ki yïth pïï. Kanyøgø maal ree ajabe, ni neen Jwïëc Jwøk ni ööa piny kaamar akuuru ni pï bääte.

Mathiew 4:11

Kanyøgønø, ena wec anägö, ni put nyïïatwiet maalli öö, ni tïnyge eni.

Maak 1:13

Ni bëëde paap ki nïne ma pïëraŋween, ni pääny Ceethanni päänynyö. Ni eni bëëdö na aciel ki lääc paap. Ni ö nyïïatwiet maalli ni tïnyge gøøni.

Maak 16:19

'Ba kanyøgønø, na ö Kwäärö ma Jecu na nø cääne ki bääge, ena kïth maal, ni pï bäät cwïï Jwøk.

Maak 16:5

'Ba na dønyge yi bwörö, nyen mo poot na wøp ajootge no opï piny kur cwïïc, no oruyö ka abïï mo tar mo ŋwaŋŋi døc. Ni lwäcge døc.

Luk 2:32

na tar mano nyooth jöö jï juurre, na ajiemma eni jï jiyï ma jø Icriel.»

Luk 20:44

?'Ba ni näk eno nø cwøl Deebiti ni Kwäärö na enønø, a dee cäŋ tïmö na wääde nidïï?»

Luk 22:43

Kanyøgø, nyïïatwiel maal aö baŋe, ni cøm cwïny gø.

Luk 24:4

'Ba kanya cuŋge ni yïthge othäŋŋö kiper gïnögø, jiy ariiø acuŋŋö buutge, mo dëëtge da abïïe mo ŋwaŋŋi.

Luk 24:51

'Ba kanya bëëde ni gwïëtha geni, ena aay buutge ni kïthi maal.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 15:26

'Ba kanyo ö Dïkunyi mano jääŋŋa baŋu ki buut Wuuö, na näk beeye Jwïëc Jwøk ni wø cïp adïëri, noo ööi ki baŋ Wuuö, gïra okøbe.

Jøøn 16:28

A käla baŋ Wuuö møn, ni ööa piny en. 'Ba a cäŋa aay piny ni døøa baŋ Wuuö.»

Jøøn 17:5

'Ba kawaane, Wuuö, jiem aani buutï ka ajiem mana kwøŋï aani jiem ki gø na pooda buutï, ni piny poot kär cwääö.

Jøøn 20:12

Ni joot nyïïatwiet maal ariiø mo oruyö ka abïïe mo tar, ni geno pï piny jï kuna pïël dëër Jecu yie, na aciel opï kur wïïe, ni en maya kur tiete.

Jøøn 6:62

?A dee tïmö nidïï nø ni näk mo Wär Dhaanhø neennu neenø ni cøøa maal kuna kwøŋ öö ki yie dïkwøŋ?

Moa Tïïc Nyïïatwieli 1:19

'Ba luummögø aŋäc jø Jerucalemmi bëët, ni beeye na cwølge pwöthögø ki dhi poge na Akeldema, ni tiere beeye pwöth remø.

Moa Tïïc Nyïïatwieli 10:34

Kanyøgø Piter dhee atuue ni kööe, na «Adïëri møn, ajooda ni Jwøk luumme aciel keere kiper jiy bëët.

Moa Tïïc Nyïïatwieli 14:27

'Ba na pïïcge, acooŋ Jwøk bäre acooŋge kanya ciel, ni køpge gïïa tïïc Jwøki ki rege, ki kanya jap øtjöör ŋäädhe jï juurre.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

Wëëlö Mana Göör Pøølli Baŋ Jø Röm 10:12

Kiper bäŋ ajeeny yïthakic jø Juuth ki jøw mo patha jø Juuth. Kiper Uunögø na aciel enø beeye Wääge bëët, ni jap kwärö moe na thööth wø mëëge jø wø cøør nyeŋŋe bëët.

Wëëlö Mana Göör Pøølli Baŋ Jø Röm 10:18

'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki, ni «Döötge awïnyö bäät piny bäre, ni ö luupge ni këët dï piny bäre.»

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

Wëëlö Mana Göör Pøølli Baŋ Jø Röm 16:26

na nyooth kawaane ni tïïi ni ŋäc wïth juurre bëët ki køør luup moa näk ogöör nyïïkuk Jwøki, ki køør dwør Jwøk ni wø bëëdö na bäre bäre, kiper nee wïth juurre wëëk jïëy ni ŋääthge.

Wëëlö Mana Göör Pøølli Baŋ Jø Röm 3:4

Ba doo løny. Jootu joodø, ni Jwøk poot bëëdö kare na adïëri këël jiy bëët doo tïmö ni ge ba maar ŋääth, kaawat mana gööri, ni «Kiper manøgønø, luummï na caanï beeye adïëri, ni tïm marï na kare ki køør luummï noo ŋølï.»

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

1 Körin 15:47

Kiper dhaanhø mana dïkwøŋ käla piny, ni beeye dhaanhø mo käla ri ŋøøm. 'Ba ŋata en cään, käla maal.

1 Körin 2:7

'Ba wa wø caana leec wï Jwøk mana kuc na näk okanø, na näk ocooŋ Jwøki ki cwïnye ni piny poot kär cwääö kiper nee ø mooc ka ajiem.

2 Körin 1:19

Kiper O Jwøk ma Jecu Krictø na nyeŋŋe wara køpwa dïïu, ni beeye aani, ki Cilbana, ki Timöthi, luumme patha dööti ariiø. 'Ba ki nyeŋŋe wø joota dwøl aciel cooth.

Galeecia 2:8

Kiper eni na tïïö dëër Piter nee tïme na nyïïatwiel ki man ci baŋ jøøa näk odaŋø, atïïö dëëra thuwø kiper juurre.

Galeecia 4:4

'Ba na ö kanya wäŋŋi na thur kare, Jwøk Wääde ajääŋŋe, ni nywøli ya dhaage ni ciik Jwøk ena bääte,

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 6:19

këël kipera thuwø, naa wëënni ki jöö man jaba dhaa ki gø ni cwïnya da cer ki man køba luumma nyään na met na näk tiere okwøŋ kan,

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 1:27

'Ba gïna nyooth Jwøki jïge ki met yie, beeye ni moa beyø døc na näk rege da ajiem, na en ri luumma näk tiere okwøŋ kan, awëëk pällö dï juurre; ni luummögø beeye ni Krictø ena cwïnynyu, ŋata näk gïïa beyø na en nyïm ŋääth ka ree.

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

Köløcia 2:2

Kiper a doo naa manynya geni man jïtge ki cøm cwïny, kaawat mana kuutge bëët ki mëër, nee gïna näk tiere okwøŋ Jwøki kan, na näk beeye Krictø, nee kwanyge ki pälle bäre, ni ci cwïnyge døøc,

2 Thecalönika 1:10

dïcäŋo ööe noo jiemi dï jiye, noo tïm yïth jøøa ŋäädhö bëët no orëëm ki mare, kiper mana jïëyu marwa na køpwa jïïu kiper cäŋöce.

2 Thecalönika 2:7

Kiper gïna raac na näk tiere okan piny, aløny ni tïïö. 'Ba kawaane poot da ŋat mo mäna gøøni ki mana dee tïïö, këël mano ö ŋatøgø noo daai jööre.

1 Timöthi 3:9

'Ba ge doo ŋäya ŋäädhe mana näk tiere okwøŋ kan piny, ni bäŋ gïn mo jäälge rege ki gø.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.

Ibaru 7:7

'Ba ŋääø bëët ni bäŋ ŋat mo piem gø, ni ŋata thiinh wø gwïëtha ŋata dwøŋŋi.

Ibaru 8:1

'Ba tier gïn cäänwa kipere, beeye en. Ni teeŋ Kwääy Lam Mana Dwøŋ manøgø ena jïïø, ŋata pï bäät cwïïc buut wäl Ŋata Dwøŋ ni en maal,

1 Piter 1:12

'Ba anyooth jïge, ni ge ba tïny dëëtge, 'ba ge tïnynya uuni kanya cäänge kar kanyaca, 'ba poot na luupögø na køp jøøa caan luumma nyään na met jïïu yïth nïne moi en, ki køør Jwïëc Jwøk na en kur keere na jääŋŋi ki maal, ni beeye gïïa many cwïny nyïïatwiet maalli nee tiet gïïögø neenge.

1 Piter 1:20

Ni eno miiø kanya poode ni piny poot kär cwääö. 'Ba ena nyooth kiperu ya aŋuun nïne.

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Piter 3:22

ŋata aa maal, ni en bäät cwïï Jwøk, ni bëët nyïïatwiet maal, ki kwääri, ki teek bäre ni ge leŋa dwøre.

1 Jøøn 1:2

'Ba kwøw manøgø anyooth, ni neenwa gø, ni wa wø køpa gïre, ni beeye kwøw mana näk adïëri mo bäŋ cuŋŋe na køpwa jïïu ennø, kwøwa nut ki Wuuö na nyooth jïwa.

1 Jøøn 3:5

'Ba ŋäyu ni ena ö kuna wëën raay. Ni eni bäŋ raay dëëre.

1 Jøøn 3:8

'Ba ŋat wø bëëdö ni bääö, ena mar anägö, kiper anägö wø bëëdö ni bääö ki kanya täk pinynyi. Ni beeye na ö O Jwøki nee tïïe mo anägö raanynye.

Mana Nyooth 17:5

'Ba täärnyïme nyeŋ mo tiere okanø ogöör yie, ni «Babiløn na dwøŋ, na näk mii kääpe ki rääö mar piny.»

Mana Nyooth 17:7

'Ba nyïïatwiel maal manøgø aköö jïra, na «?Aŋø ni thäŋ yiï en? Gïr nyaanøgø na näk tiere okanø ocaana jïrï, ki gïr Läänögø ni wïthe abïriiø enø ki tuŋi apaar na näk nyaanøgø opï bääte.

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.