1 Timöthi 2:8 - Wëël Jwøk

⁸ 'Ba mana manynya nø, jiy doo lämö yïth kwörögø bëët, ni dëëtge ege cïp kur keerge, ni thaaŋge ceŋge jï Jwøk ni bäŋ gootø wala wëër.

1 Timöthi 2:8 Iomraidhean Croise

1 Nyeye 3:11

Ni kö Jwøki jïre, ni «Kiper mana pëënynyï leec wïc, niï ba pëëö kaper man bëëdï ki cwiiri mo thööth, niï ba pëëö kaper man bëëdï ni ïïno kwär, niï ba pëëö kaper man thøw nyïïmän moï, 'ba ïïna tïmö ni ï pëënynya man jïtï ki leec wïc man ŋølï luup jiy ki gø,

Jööp 16:17

'Ba ceŋŋa poot bëëdö ni bäŋ gïn mo raac mo tïïcge, ni lam mara poot bëëdö na kare.

Pwöc Leec Wïc 15:8

Wuuö Jwøk yie raac ko olämme mo jøøa reyø, 'ba yie wø mïnni ka lam mar jøøa marge thïïŋ.

Pwöc Leec Wïc 21:27

?Ni näk mo Jwøk yie raac ko olämi mar ŋata raac, a rääye onäk nyïëdi nø kanyo cïp gø ki cwïny mo raac?

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Mathiew 21:21

'Ba adwøk Jecu jïge, na «Adïëri møn, a cäänna uuni, ni näk jïïu da ŋäädhe nou ba tääö, paa teeŋ gïna tïïc dëër olaam keere noo tïïyu, 'ba këël u köömma kïdi man, ni ‹Tïŋ riï ni leeŋï riï yi naama dwøŋ›, gïnögø puta tägö.

Mathiew 5:44

'Ba aani, a caana gø jïïu, ni mëërru ki nyïïmännu, ni lämu kiper jø wø caan uuni,

Mathiew 6:12

ni weyï moa bacwa, keda man wø wecwa mo wø bac jø møøki dëëtwa.

Luk 23:34

'Ba Jecu aköö, ni «Wuuö, wëën geni. Kiper gïna tïïcge kucge.» Ni tïïge ki ŋïïce ki ri kwääk ki baw naa abïïk Jecu pääŋge.

Luk 24:50

Kanyøgø gena käle këël mana pïïcge Bethani. Ni tïŋ ceŋŋe maal ni gwïëth geni.

Jøøn 4:21

Ni kö Jecu jïre, «Nyijøøe, jïëyï ni ŋääthï luubö mara man, da kany mo öö, mo jiy Wuuö ba lamge bäät kïdi man wala yi Jerucalem.

Moa Tïïc Nyïïatwieli 10:2

Ena dhaanhø mo cwïnye ena køør Jwøk ni wø wøøra gø ki jø paare bëët, ni eni wø muuö ki jap cane jï jiy, ni eni wø bëëdö ni lama Jwøk cooth.

Moa Tïïc Nyïïatwieli 10:31

ni kööe, ‹Körnilia, lam marï awïnyö ni ö muuce moï ni ŋäyi ya Jwøki.

Moa Tïïc Nyïïatwieli 10:4

Ni raŋ jïgø ni cwïnye obwøk. Ni kööe, na «?Agïnaŋø, Kwäärö?» Ni kö nyïïatwielli jïre, ni «Lam marï ki muuce moï apïï maal na ŋïï nyïm Jwøk.

Moa Tïïc Nyïïatwieli 21:5

'Ba kanya thum nïrögø, waana tïŋŋö ni cäŋwa døø ri wääth marwa. 'Ba geni bëët ki määrge ko obwöre, waana jiethge këël mana pïïcwa ŋää paac. Ni këëlwa cøŋwa piny lak ageela, ni lämwa, ni määthwa dëëtwa.

Moa Tïïc Nyïïatwieli 7:60

Ni këël cøŋŋe piny ni kööe ki dwøl mo päl, ni «Kwäärö, kär gïn ni baacge en wiiï bäätge.» 'Ba na nø caan gïnögø, ena thøw.

1 Körin 1:2

A göönna baŋ jø acooŋ Jwøk moa en yi Körin, jøøa näk ocïp kur keerge ki ri Krictø Jecu, na cwøl ni jø Jwøk na aciel ki jøø ni en kwörögø bëët ni wø cøør nyeŋ Kwääyø ma Jecu Krictø, na näk Kwääyge, ni näk marø.

1 Körin 7:7

'Ba para ni jiy bëët onää caala aani. 'Ba atïmö ni ŋati man nø jïre da muuy mo owëëk Jwøki eni, ni ŋati man nø ki teeŋ mare.

2 Körin 2:14

'Ba pwøc en jï Jwøk, ni wø bwøth waani cooth ni dïïmwa jammi bëët ki nyeŋ Krictø, ni tïïc nyeŋ gø ni ŋäc yi piny bäre ki køørwa, ni caala gïn mo ŋwäänynye met.

Pilipay 1:12

Nyïïmera, a manynya uuni man ŋäyu gø ni gïna tägö dëëra atïmö møn ni tïïya luumma nyään na met ni nyaai.

1 Thecalönika 1:8

Kiper patha jø Macedönia ki jø Akeea keerge na wïny luum Wuuö baŋu, 'ba luum ŋäädhe maru na ŋääthu Jwøk, apööth kany mo bäär, ni bäŋ gïn mo caanwa kipere këët.

1 Timöthi 5:14

'Ba a doo naa manynya man nywøm mään moø ni therø yøø, ni nywølge ki jiy, ni jekge mïëcge, nee nyimän ba jïte ki jöö man buu øøni ki gø.

Tayta 3:8

'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Jeemeth 4:8

Nyiigu buut Jwøk, 'ba eno nyänh buutu. Lwøgu ceŋŋu, u na jø raay, ni døøyu cwïnynyu mo leer, u ni luup oriewi cwïnynyu en.

1 Piter 3:7

Kaawat manøgøøni, u na cwøw, bëëdu ki määru nou cädu kiperge, ni wøørru geni kiper geno cwääö ni jääk, kiper mana tïme ni kwøw mana cïp Jwøki ki met ec omëëk u riet, nee bäŋe gïn gëëŋ lam maru.