1 Timöthi 2:5 - Wëël Jwøk

⁵ Kiper beeye Jwøk aciel, ki nyïjöö aciel keere ni en yïthakic Jwøk ki jiy, ni beeye dhaanhnha näk Krictø Jecu,

1 Timöthi 2:5 Iomraidhean Croise

Jööp 9:33

Wui, doo naa da dïŋut luup mo ci dïwa, ni dee cuŋŋö yïthakicwa bëët,

Aydheea 44:6

'Ba man beeye dwør Wuuö Jwøk, eni na nyeny Icriel, na wïïl jø Icriel wøk, ni bee eni na Wuuö Jwøk, eni na wïth jammi bëët, ena köö, «Bee aani na wïlöölö ni näga aŋuudi, ni bäŋ Jwøk mør këët ni näk mo paa aani.

Mathiew 1:1

Man beeye tier tuuŋ mar Jecu Krictø na käl ri Deebit na käl ri Eeberam.

Mathiew 1:23

ni «Nyakøø mo dëër dïcwøø poot kuue ojïti ki nyilaal ma cïïŋŋö; 'ba nyeŋŋe ocak ni Imanuwel», na näk tiere beeye ni «Jwøk ena buutø».

Luk 14:22

Ni kö laŋŋøgø, ni ‹Kwäärö, gïna caanï anø tïïc, 'ba poot da kany mo laac.›

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Moa Tïïc Nyïïatwieli 4:12

Kiper bäŋ dhaanhø mør mo doo piem jiy. Kiper bäŋ nyeŋ mør bäät piny bäre mo ocïbö dï jiy mo ø doo piemø ki køøre.»

Wëëlö Mana Göör Pøølli Baŋ Jø Röm 1:3

Ni luummögø na nyään na met enø beeye luubö kiper Wääde na nywöli na dhaanhø ki ri nyïïkwaac Deebit.

Wëëlö Mana Göör Pøølli Baŋ Jø Röm 10:12

Kiper bäŋ ajeeny yïthakic jø Juuth ki jøw mo patha jø Juuth. Kiper Uunögø na aciel enø beeye Wääge bëët, ni jap kwärö moe na thööth wø mëëge jø wø cøør nyeŋŋe bëët.

1 Körin 8:4

Kiper manøgønø, mar luum olämme mo wø ŋaal ni wø cïp jï gïï wø lam ni wø cam, ŋääø ni gïn wø lam patha gïn ma adïëri pinyi en, ni bäŋ Jwøk mør, 'ba beeye aciel keere.

1 Körin 8:6

ki jïïø, beeye Jwøk aciel keere, na näk Wuuö, eni na ö jammi bëët ki baŋe, ni beeye eni ni bëënnø en, ki kwäärö aciel ma Jecu Krictø, ŋata ö jammi bëët ki køøre, ni poot na eni ni tïmø ni ø nut en ki køøre.

Galeecia 3:20

'Ba nyïjöö wø caatha luum acooŋe ariiø. 'Ba Jwøk beeye aciel.

Epeca 4:6

ni beeye Jwøk aciel na näk Wääø bëët, eni na en wïth jammi bëët, ni nude ri jammi bëët, ni ena cwïnynyø bëët.

Tiet Ciik 6:4

«Wui, u na jø Icriel, wïnynyu gïn. Wuuö Jwøk na näk Jwøø beeye eni keere na Jwøk;

1 Timöthi 6:13

A köömma ïïni nyïm Jwøk, eni ni wø cïp kwøw jï jammi bëët, ki nyïm Krictø Jecu, ŋata käl luubö mare wøk ni beer kanya køp mare nyïm Pøntia Paylat,

Ibaru 12:24

ki baŋ Jecu na näk nyïjöö mar luumma nyään na tuut, ki baŋ remma jør, na näk meta dwøre ki dwør rem Eebel.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Ibaru 8:6

'Ba kawaane Krictø awëëk tïïc mana beerra eni ki tïïa näk oruuö, kaawat luubö mana tuut na käle, na beerra eni døc ki mana dïkwøŋ, kiper mana tïme no ogöök ri luupa buuk moa beyø geni.

Ibaru 9:15

Kiper manøgønø, ena nyïjöö mar luumma tuut na nyään, kiper nee olaaw mana näk adïëri na bäŋ cuŋŋe na buuk nee ci jï jøøa cwøl, kiper mana tïme ni da ŋat mo othøw man wø wïïl geni wøk yïth moa dhalge ri luumma kwøŋ tuut na bëënge.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

Mana Nyooth 1:13

'Ba dï lambae moøgø da ŋat mo keda Wär Dhaanhø, mo orøø ka abïï mo okëët tiete, ni kööre da kaa warkey.