1 Timöthi 2:4 - Wëël Jwøk

⁴ ŋat wø many man piem jiy bëët, ki man kwanyge gïïa näk adïëri.

1 Timöthi 2:4 Iomraidhean Croise

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Aydheea 55:1

Wuuö Jwøk aköö, «Wui, u na no onäk riewi bëët, ööu kuna mäthu ki pïï! Wui, u na jïïu bäŋ gwel bëët, ööu ni lwötu ki caammi ni cämu! Ööu ni källu kwøk nyïïomøki ki caak ni bäŋ gwel mo pëënynyi ki uuni, wala gätge.

Edhikiel 18:23

Wuuö Jwøk aköö, na «?Aŋø, løny ki man mïn yia ki thøø mar ŋat raay? Ba doo løny; 'ba man manynya beeye ki man løk ree nee bëëde ni kwøw.

Edhikiel 18:32

Kiper aani yia ba met ki man dee dhaanhø mo thøw dëëtu. Kiper manøgønø, løgu cwïnynyu nou kwøwu.» Luummögø caana Kwäärö Wuuö Jwøki.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Abakuk 2:14

Kiper piny opäŋ ki ŋäc ajiem mar Wuuö Jwøk, kaawat man wø ö pïïyi ni wø pääŋ naama dwøŋ.

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Maak 16:15

Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Luk 1:77

niï nyutha jiye pïëm man piem geni ki gø, kiper mano wec raay moge,

Luk 14:23

Ni kö kwääyögø jï laŋŋø, ni ‹Ci uutjïëthe moa døøŋŋø ki moa näk ogaaŋŋø ki deŋge, ni magï jiy ki teek nee öge, nee øda pääŋe.

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 17:17

Cïp geni kur keerge kiperï ki køør adïëri. 'Ba luummï beeye na adïëri.

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Wëëlö Mana Göör Pøølli Baŋ Jø Röm 11:14

kiper nee jø powa ma jø Juuth døøya mo këëö, nee møøk dïge piema ki jöörögø.

1 Timöthi 4:10

Kiper ŋäädhe marø ena ri Jwøa kwøw, ŋata näk Pïëmi mar jiy bëët, ni piema jøøa näk ojïëy røk, ni beeye ni tïïø ni øøno ööl døc en.

2 Timöthi 2:25

na ŋat wø pwöny jøøa wïthge teek ni eni mwöl, ni kanymør geno wëëk Jwøki løk cwïny, ki man ŋäcge adïëri,

2 Timöthi 3:7

määr wø laar dööt jiy jïëc jaak, na adïëri ba maarge kwany.

Tayta 1:1

Aana Pøøl na laŋ Jwøk ni näga nyïïatwiel mar Jecu Krictø, kiper nee ŋäädhe mar jøøa jier Jwøki nee cääth nyïm, ki moa dege ŋääö ra adïëri ni wø kïth jiy jöör Jwøk,

Tayta 2:11

Kiper met yi Jwøk man piem jiy bëët ki gø anyooth,

Ibaru 10:26

'Ba ni näk mo ø poot cøøa yïth raay ki teek wïc, ni luumma näk adïëri yøø nø kwany, doo bäŋ olämi këët mo dagø kiper raay.

Jeemeth 3:14

'Ba ni näk mo cwïnynyu keec, ni ŋati man nø ŋäya dëëre keere, käru töödö ni tïmu nou kwiera adïëri mana dou ŋääö.

2 Piter 3:9

Kiper Wuuö ba dwiil ki mana buue, keda man wø caan jø møøki ni dwiil, 'ba eni poot koora uuni ni cwïnye ee cïp piny, ni bäŋ ŋat manynye nee ränynye, 'ba eni manynya jiy bëët nee thumge ri løk cwïny.

2 Jøøn 1:1

Aana jaan acooŋ Jwøk naa määtha dhaaŋŋa näk ojierø ki nyïïe, jøøa mëëra ki geni ki ra adïëri, ni patha a keera, 'ba këël jøøa ŋäc adïëri bëët thuwø,

Mana Nyooth 14:6

Kanyøgø nyïïatwiel maal mør mo määdö maal ajooda, ni käära luumma nyään na met na näk bäŋ cuŋŋe mo købe købø jï jø wø bëëdö bäät piny, ni beege mïëri bëët, ki wïth tuŋi bëët, ki teeŋ dhøgi bëët, ki wïth juurre bëët.