1 Timöthi 1:5 - Wëël Jwøk

⁵ 'Ba tier pwöc marø beeye mëër mo käla yi cwïny mo tar, ki bëëtö ma adïëri, ki ŋäädhe ma adïëri.

1 Timöthi 1:5 Iomraidhean Croise

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Jepaniya 3:7

Kanyøgø aana cädö ni jø Jerucalem doo løny ki man lwäcge ki aani, ni wïnyge pwöc 'moa. Køøre ŋöömö marge daa wiiø ni ba raanynya këët, ni ö ajäla mara bäre mana näk yaa cïp piny kipere ni ba kïtha gø bääte këët. 'Ba geni, ge poot pänynya maal kuna tïïcge japa reyø ki yïth tïïe moge bëët.»

Mathiew 12:35

Kiper ŋata beer wø käla gïn mo beer wøk ki røk japa beyø na en cwïnye. 'Ba ŋata raac wø käla gïn mo raac wøk ki røk japa reyø na en cwïnye.

Mathiew 5:8

«Gwïëth en bäät jø wø cwïnyge tar, kiper Jwøk neenge neenø.

Moa Tïïc Nyïïatwieli 15:9

Ni bäŋ ajeeny mo ee tïïö yïthakiyø ki geni, 'ba cwïnyge adøøc mo waany ki køør ŋäädhe.

Moa Tïïc Nyïïatwieli 23:1

'Ba Pøøl nyeŋ kwääc løøe aneene ni ee kemø, ni kööe, ni «Nyïïmera, aana bëëdö nyïm Jwøk ki cwïny mo leer bäre këël dïcäŋi en.»

Moa Tïïc Nyïïatwieli 24:16

Kiper manøgønø, raa yaa gwøø cooth ki man bëëda ni cwïnya tar nyïm Jwøk ki nyïm jiy.

Wëëlö Mana Göör Pøølli Baŋ Jø Röm 10:4

Kiper ciik Jwøk bëënna Krictø, kiper nee jiy bëët mo wø ŋäädhö nee ge piem.

Wëëlö Mana Göör Pøølli Baŋ Jø Röm 12:9

Beerra man mëërru ki mëër mo ree bäŋ atade. Männu ki gïno raac ni magu gïno beer.

Wëëlö Mana Göör Pøølli Baŋ Jø Röm 14:15

'Ba ni näk cöögu oraany gïn wø camï, ï ba caath jöör mëër këët. Kär gïn wø camï wëëk raany ŋata thøw Krictø kipere.

Wëëlö Mana Göör Pøølli Baŋ Jø Röm 9:1

'Ba a caana gïn ma adïëri ki nyeŋ Krictø, naa ba caan tööt, ni beeye gïn mo ŋääa ki cwïnya ki køør Jwïëc Jwøk na en kur keere,

1 Körin 13:1

'Ba ni näk maa cäänö ka dhøk jiy wala ki mo nyïïatwiet maal, ni jïra bäŋ mëër, a caala gïn mo darri jaak, wala okööt mo di pöötö.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Tiet Ciik 10:12

«?Ennø, u na jø Icriel, agïnaŋø ni many Wuuö Jwøki na näk Jwøu baŋu? Gïn many Wuuö Jwøki na näk Jwøu beeye ki man lwäärru eni, ni caathu køøre, ni mëërru ki eni, ni tïnynyu eni ki cwïnynyu bäre ki jwïëyu bäre,

1 Timöthi 1:18

'Ba ï na wääda ma Timöthi, a köömma ïïni ki luummi en, kaawat mana caan nyïïkuk Jwøki na wara nyoothge ïïni, kiper noo lääŋŋï gïïögø, yiï omïnni ki man këëdï ki leny ma adïëri,

1 Timöthi 1:19

niï ŋäya ŋäädhe, ni putï bëëtö ki bëëtö ma adïëri. Kiper da jø møøk mo ŋäädhe marge ege nø raanynyø, ni tïïcge gø kaamar thääŋ jääy mo oränynyö, kiper mana kwierge luup moa näk adïëri na ŋäcge ki cwïnyge.

1 Timöthi 3:9

'Ba ge doo ŋäya ŋäädhe mana näk tiere okwøŋ kan piny, ni bäŋ gïn mo jäälge rege ki gø.

2 Timöthi 1:3

Jwøk apwøa, eni na tïnynya ni cwïnya leer bäre, kaawat mana tïïc kwäya, kany wø caara gïrï cooth yïth laam 'moa.

2 Timöthi 1:5

Naa lääŋŋa ŋäädhe marï na näk adïëri, ni beeye ŋäädhe mana kwøŋ en cwïny waŋu ma Lööi ki meru ma Yuni, ni ŋääa ni ena cwïnyï kawaane.

2 Timöthi 2:22

Kiper manøgønø, tïïc karï ni bäär ki jap thïnhö, ni këëllï wïïï ri gïïa beyø, ki ŋäädhe, ki mëër, ki bëët-mëër, ni ïïno dwätö ki jø wø cøør nyeŋ Wuuö ki cwïny mo tar.

Tayta 1:15

Kiper jammi bëët wø beyø jï jø wø cwïnyge leer, 'ba ki jï jø wø cwïnyge reyø na näk patha ojïëy, bäŋ gïn mo beer mo ŋäcge. 'Ba acaacge kiree ki cwïnyge reyø.

Ibaru 10:22

beerra man nyiigø kany mo cään ki cwïny ma adïëri, ni ŋäädhe päl cwïnynyø, ni cwïnynyø ojørø ni leer, ni bäŋ raay mo pär cwïnynyø ki ge, ni dëëtø olwøø ki pïï mo tøŋ.

Ibaru 13:18

Lämu kiperwa. 'Ba ŋäcwa ni cwïnywa leer, ni wa manynya man bëëtwa ki bëëtö mana näk adïëri ki yïth jammi bëët.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

Jeemeth 4:8

Nyiigu buut Jwøk, 'ba eno nyänh buutu. Lwøgu ceŋŋu, u na jø raay, ni døøyu cwïnynyu mo leer, u ni luup oriewi cwïnynyu en.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Piter 3:16

Weyu cwïnynyu ni leer, kiper kany wø jany uuni, nee jø wø jany bëëtö maru na beer ki ri Krictø, nee wïthge lääge.

1 Piter 3:21

'Ba lwøk na nyuudhi ni caal gïnögø, piema uuni kawaane, ni paa kiper man wø käl cïlö wøk dëël, 'ba beeye kwac nyïm Jwøk ki cwïny mo leer, ki køør duun Jecu Krictø wøk ki yi thøø,

1 Piter 4:8

'Ba dï japøgø bëët, ŋäyu mëër man mëërru ki røgu cooth, kiper mëër beeye wø gëëŋ raay mo thööth.

2 Piter 1:7

ni kuurru bëët jöör Jwøk ki mëëc nyïïmëëe, ni kuurru mëëc nyïïmëëe ki mëër.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Jøøn 3:23

'Ba gïna ceme beeye en, ni jïëø ki nyeŋ Wääde ma Jecu Krictø, ni mëërø ki røgø keda mana kööm øøni.

1 Jøøn 3:3

'Ba jiy bëët mo wø ŋääth eni na enønø, dëëtge wø døøcge mo ciil ki raay, kaawat mare na ciil.