1 Timöthi 1:3 - Wëël Jwøk

³ Dööŋï Epeca kaawat mana caana gø jïrï kanya aa Macedönia, kiper nee jø møøk joogï nee ba pööge ki teeŋ pwöc mør,

1 Timöthi 1:3 Iomraidhean Croise

Moa Tïïc Nyïïatwieli 18:19

'Ba na pïïcge Epeca, gena wii kaace. 'Ba eni ki dëëre adøny yi øt acooŋ lam ni pïëme ki jø Juuth.

Moa Tïïc Nyïïatwieli 18:21

'Ba na tïŋŋe buutge, ena köö, ni «Aano duu baŋu noo kö Jwøki.» Ni tïŋŋe yi Epeca ki jää naam.

Wëëlö Mana Göör Pøølli Baŋ Jø Röm 15:26

Kiper jø Macedönia ki jø Akeea yïthge amïnnö ki man nywaakge japge ki jøøa can dï jø Jwøk yi Jerucalem.

Wëëlö Mana Göör Pøølli Baŋ Jø Röm 16:17

Nyïïmera, a kwaya uuni ki man gwøgu dëëtu ki jø wø käl apääk dïïu ni wø kïth dïdëët jööra pwöny uuni ki gø. Kwierru geni.

2 Körin 11:4

Kiper uuni, u wø laara jïëy ni näk da ŋat mør mo öö ni køp Jecu mør ni patha mana køpwa, wala ni näk uuno jïtö ki teeŋ jwïëy mør ni patha mana jootu baŋwa, wala teeŋ luubö mør mo nyään mo met ni patha mana kwøŋu jïëc.

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

Pilipay 2:24

Ni yaa ŋäädhö ki ri Wuuö ni aani ki dëëra, aano ööi thuwø kany mo cään.

1 Timöthi 4:11

Kööm jiy ni pwönynyï geni ki gïïögø.

1 Timöthi 4:6

'Ba ni näk luupi ii peedhï nyïm nyïïmëëe, ï tïmö ni ïïna dïpööy mo beer jï Krictø Jecu, ni piidhï yïth luup ŋäädhe, ki pwöc mo beer mana caathï køøre.

1 Timöthi 5:7

Køp luummögø jïge, nee bäŋe ŋat jøøŋ geni.

1 Timöthi 6:10

Kiper mëëc jammi beeye wø käl teeŋ raay bëët. Ni beeye päl cwïny kiper jammi na tïm jø møøki ni geno gaa wøk ri ŋäädhe, ni raanyge cwïnyge ki luup mo thööth mo leth.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

1 Timöthi 6:3

'Ba ni näk da dhaanhø mo pöö ki teeŋ pwöc mør, ni ba jïëy ki luup moa näk adïëri mo Kwääyø ma Jecu Krictø, ki pwöc mana en jöör Jwøk,

2 Timöthi 1:18

'Ba ojïti ki met ec baŋ Wuuö dïcäŋöca. Ni ŋäyï døøc na ateeŋ køny mo nyïëdi na køny aani ki gø yi Epeca.

2 Jøøn 1:7

Kiper jø cwøk mo thööth okeethø dï piny, jøøa näk kär jïëy ni Jecu Krictø oöö ni da dëël. Teeŋ ŋatøgø nø, beeye dïcuuy ni ena nyimän Krictø.

Mana Nyooth 2:14

«'Ba jïra da luup møøk mo ï yaa jäälö ki ge. Kiper jïrï da jø møøk kaagø mo ojïëy ki pwöc Beelam, ŋata pwöny Beelak ki jöö man wëëk wäät Icriel cwany tietge ki gø, nee ge cämge ki caammi mo wø 'näk jï juu, ni bëëtge ki bëët käp.

Mana Nyooth 2:20

«'Ba gïna jääla ïïni ki gø, beeye kiper mana wëëgï nyaanøgø na Jedhebal bëëtö dïïu, nyaanø ni dëëre ee døøc nyikuŋ Jwøk enø, ni pöö ni maaŋŋa wïth laaŋe 'moa nee bëëtge ki bëët käp, ni cämge ki caammi mo wø 'näk jï juu.